PORTUGALI – Viktor Gyökeres ka përfunduar sezonin si lider absolut në garën për Këpucën e Artë, duke lënë pas emra të mëdhenj si Kylian Mbappé dhe Mohamed Salah. Sulmuesi suedez i Sporting Lisbonës mbylli një sezon të jashtëzakonshëm në Portugali, me 39 gola në 34 ndeshje, duke udhëhequr ekipin drejt titullit kampion dhe duke grumbulluar 58.5 pikë në renditjen për këtë çmim individual prestigjioz. Tani, Gyökeres është në pritje, ai nuk ka më ndeshje për të zhvilluar dhe do të varet nga ajo që do të bëjnë ndjekësit e tij më të afërt: Mbappé dhe Salah, të cilët kanë ende dy sfida secili në ligat respektive.

Çfarë u nevojitet rivalëve të tij?

Kylian Mbappé ka shënuar 28 gola në La Liga dhe ka grumbulluar 56 pikë (28 gola × 2). Për të kaluar Gyökeres, francezit i duhen të paktën 2 gola në ndeshjet e mbetura ndaj Seviljes dhe Real Sociedad. Në të njëjtën situatë ndodhet edhe Mohamed Salah, që ka gjithashtu 28 gola në Premier League dhe 56 pikë. Egjiptiani do të tentojë të kalojë Gyökeres në sfidat ndaj Brighton dhe Crystal Palace.

Prapa tyre…

Në vendin e katërt është Harry Kane, i cili mbylli sezonin në Bundesligë me 26 gola dhe 52 pikë. Me kampionatin të mbyllur, ai ka humbur çdo mundësi për të fituar çmimin.

Robert Lewandowski ndodhet në vendin e pestë me 25 gola dhe 50 pikë. Sulmuesi i Barcelonës ka ende dy ndeshje, por do t’i duhet një mrekulli: të shënojë 5 gola dhe të shpresojë që as Mbappé, as Salah të mos realizojnë.

Renditja aktuale për Këpucën e Artë (më 17 maj 2025):

Viktor Gyökeres – 39 gola × 1.5 = 58.5 pikë (nuk ka më ndeshje) Kylian Mbappé – 28 gola × 2 = 56 pikë (2 ndeshje të mbetura) Mohamed Salah – 28 gola × 2 = 56 pikë (2 ndeshje të mbetura) Harry Kane – 26 gola × 2 = 52 pikë (pa ndeshje të mbetura) Robert Lewandowski – 25 gola × 2 = 50 pikë (2 ndeshje të mbetura) Gara mbetet e hapur dhe emocionet pritet të jenë të mëdha në fundjavën e fundit të kampionateve. A do të mjaftojnë golat e Gyökeres për të fituar trofeun e parë të madh individual në karrierë, apo do ta rrëmbejë një nga ‘yjet’ e Premier League apo La Liga?

Eksportet bujqësore në Shqipëri kanë shënuar një rritje të konsiderueshme prej 12% për 5-mujorin e parë të këtij viti, duke arritur në 182 mijë tonë nga 163 mijë tonë vitin e kaluar, njoftoi sot Ministrja e Bujqësisë dhe Zhvillimit Rural, Anila Denaj.

Në një postim në rrjetet sociale, ministrja Denaj u shpreh se “kjo rritje e qëndrueshme pasqyron përkushtimin e palodhur të fermerëve dhe bujqëve shqiptarë për të rritur prodhimin e produkteve “Made in Albania”. Gjithashtu, kjo rritje është rezultat i politikave të suksesshme të qeverisë në mbështetje të sektorit bujqësor”.

Ministrja Denaj theksoi se ky progres na afron gjithnjë e më shumë me objektivin ambicioz të arritjes së 1 miliard dollarë eksporte bujqësore deri në vitin 2030.

 Ministria e Bujqësisë dhe Zhvillimit Rural synon hapjen e hapjen e eksporteve të vezëve të klasit A, drejt tregut të BE-së.

Ministrja e Bujqësisë dhe Zhvillimit Rural, Anila Denaj mori pjesë në takimin me 11 prodhues të shpendëve për prodhimin e vezëve dhe Drejtorinë e Përgjithshme të Zhvillimit në Fushën e Sigurisë Ushqimore, ku diskutuan rezultatet shumë pozitive të auditit të detajuar nga ana e shërbimeve të Komisionit Evropian, që rezultuan në linjë dhe përputhje të plotë me kërkesat e BE-së.

Denaj tha se, sipërmarrja shqiptare në prodhimin e vezëve ka njohur një zgjerim të konsiderueshëm të investimeve cilësore dhe bashkëkohore duke punuar me standarde të larta të sigurisë ushqimore.

Ministrja vuri në dukje se, kërkesa e tyre për më shumë mbështetje me qëllim hapjen e eksporteve të vezëve të klasit A drejt tregut të BE-së vjen si një domosdoshmëri.

Në këtë takim u realizua plani i punës dhe bashkërendimi i veprimeve të mëtejshme për miratimin e “Programit Kombëtar të Kontrollit për Salmonelozën në pulat për vezë,” si garancia kryesore për hapjen e eksporteve të vezëve të klasit A, por njëherazi me rëndësi në shëndetin publik në përputhje me kërkesat e BE-së për përafrimet ligjore.

“Nëpërmjet politikave në nivel qendror do të arrihen të gjitha standardet sipas kërkesave të BE-së dhe arritja e këtij objektivi synon rritjen e të ardhurave në mënyrë të konsiderueshme për subjektet që ushtrojnë këtë aktivitet”, deklaroi Denaj.