Policia ka goditur një tjetër rast të kontrabandës në pikën kufitare të Qafë Thanës, si rezultat i kontrolleve të shtuara dhe analizës së riskut për parandalimin e paligjshmërive.

Në pranga ka rënë E. Q., 38 vjeç, banues në Elbasan, i cili u kap në tentativë për të futur naftë kontrabandë në territorin shqiptar. Arrestimi u krye nga specialistët për Hetimin e Krimeve të Drejtorisë Vendore të Kufirit dhe Migracionit Korçë, pas përfundimit të veprimeve procedurale.

Lënda e dyshuar si naftë kontrabandë është sekuestruar në cilësinë e provës materiale, ndërsa ndaj 38-vjeçarit rëndon akuza për veprën penale “Kontrabanda me mallra për të cilat paguhet akcizë”.

Materialet procedurale i janë referuar Prokurorisë së Korçës për veprime të mëtejshme hetimore. Kontrollet do të vijojnë me intensitet për të goditur çdo tentativë të shkeljes së ligjit në pikat kufitare.

Momente tensioni u regjistruan në tribunat e “Elbasan Arenës” në duelin mes Dinamos dhe Elbasanit të vlefshëm për javën e 21-të të Superiores. Gjithçka nisi në minutën e 61-të, kur sulmuesi i Dinamos, Zabërgja, shënoi për 2-0.

Gjatë momentit të përplasjes mes tifozerive, u desh edhe ndërhyrja e forcave të rendit, të cilët shoqëruan edhe disa tifozë të Elbasanit.

Telefonata e të resë Sajma Qordja se ishte dhunuar nga disa persona në një banesë në katin e tetë të një pallati në Astir, alarmoi sot Policinë e Tiranës.

Forca të shumta, përfshi dhe RENEA-n shkuan në vendngjarjes për ta shpëtuar.

Por teksa u hasën me kundërshtinë e vajzës për të hapur derën dhe me dyshimet se aty mund të kishte persona të tjerë, RENEA ndërhyri me litarë nga tarraca e pallatit. Në banesë u gjet vetëm vajza dhe askush tjetër. Edhe pse policia ka dyshime se aty ka pasur të tjerë persona që janë larguar para se uniformat blu të mbërrinin.

Por si qëndron e vërteta e dhunës së pretenduar nga vajza?

Para se ajo të telefononte sallën operative, agjentë civilë kishin shkuar për kontroll në banesën ngjitur, me dyshimet se aty kishte persona të armatosur.

E reja që në atë moment ka parë policët civilë, e frikësuar se dikush mund ta dhunonte ka kërkuar ndihmë, duke mbyllur më pas derën për të mos e hapur më.

Pasi policia ndërhyri në banesën ku e reja ndodhej, kreu kontroll edhe në shtëpinë përballë. Të dyja ishin marrë me qira nga i dashuri i vajzës, i shpallur tashmë në kërkim policor. Në banesën ngjitur me atë që qëndronte e reja agjentët gjetën dy pistoleta si dhe mbetje kokaine.

Armët u dërguan në laborator për ekspertizë, ndërsa vajzës iu dha ndihma mjekësore, pasi ishte në gjendje të rënduar.

Babai i vajzës më herët e kishte denoncuar në polici se të bijën ia kishin rrëmbyer, por ajo vetë kishte deklaruar se ishte larguar me dëshirën e saj, dhe jetonte me të dashurin.

Të dyja këto versione po verifikohen nga hetuesit, njëherazi edhe pretendimet e familjarëve, se vajza vuante nga probleme të shëndetit mendor.

Festë zyrtare prej afro 20 vjetësh, me urdhër të qeverisë “Nano”, Dita e Verës është një festë dikur lokale, por më pas kombëtare, që kremtohet prej shumë kohësh në vendin tonë. Por në vite, ajo më së shumti është kremtuar në Elbasan, pa përjashtuar Beratin, Dibrën, Përmetin, etj. Ndërsa vitet e fundit, organizimet festive janë përqendruar në Elbasan dhe Tiranë.

Dita e Verës simbolizon largimin e stinës së ftohtë dhe ardhjen e periudhës së ngrohtë. Në 14 mars, bimësia zgjohet nga gjumi dimëror dhe nis të thithë nga toka lëngjet që i nevojiten për t’u rritur.

Të parët tregojnë se një natë para Ditës së Verës, njerëzit mblidheshin më shpejt në shtëpitë e tyre, për të nisur festimet.

Zgjimi bëhej në të gdhirë dhe të moshuarit herët në mëngjes hapnin derën e shtëpisë plot bujari, merrnin shtamën për ta mbushur me ujë të freskët dhe sillnin në shtëpi një plis bari të gjelbëruar.

Kjo festë bëhet me bindjen se Dita e Verës sjell fat, shëndet, mbarësi, përtëritje e dashuri njerëzore dhe ritet ndërlidhen me zgjimin e bimësisë, gjallimin, si dhe kalimin nga dimri në pranverë.

Fillesat në Elbasan?

E shndërruar, në një festë kombëtare dhe ditë zyrtare pushimi, tradita e festimit të Ditës së Verës i ka rrënjët në qytetin e Elbasanit (Skampa) që në kohet e antikitetit. 14 marsi shihet si ditë që simbolizon simbolizon largimin e dimrit dhe ardhjen e pranverës.

Ëmbëlsira karakteristike e kësaj feste është ballakumja.

Në Elbasan, në vite “Dita e verës” si një festë popullore ka pasur karakteristikat e veta të festimit; ekskursione në natyrë (në kodrat e Krastës, Gjinar, Bukanik, apo në liqenet e Belshit), festime në ambiente familjare, dekori i veçantë ku mbizotërojnë lulet dhe sigurisht në mes të tavolinës, mbretëresha e ditës: ballakumja.

Ndër ritet e hershme të kësaj feste elbasanase është; zierja e vezëve në darkë dhe larja e fytyrës me ujin e tyre në mëngjes, futja në shtëpi e një degëze peme, apo luleve.

Gjithashtu festimi i kësaj feste shoqërohet dhe me shpërndarjen te fëmijët e vegjël të një pakoje të vogël me ballakume, pala fiku, arra. Në këtë ditë, Elbasani mirëpret miq e vizitorë nga e gjithë Shqipëria.

NOA.al

Trafik i rënduar paraqitet këtë mbrëmje në hyrje të Elbasanit.about:blank

Ashtu sikurse është bërë zakon gjatë fundjavave, radhë kilometrike makinash është krijuar në qytet. Trafiku në autostradë dhe vijon gjatë zonës së Bradasheshit deri në unazën e Elbasanit.

Fluksi i lëvizjes rëndohet gjatë fundjavës, për shkak të lëvizjes së shtuar së qytetarëve.