Aldo ka thyer kutinë e emergjencës pak më parë në shtëpinë e “Big Brother VIP 4”.

“Në radhë të parë ju kërkoj ndjesë nëse mund të duket si diçka egoiste, por kam disa ditë që kam nevojë të shoh vajzën time. Për këtë arsye… ju kërkoj ndjesë sinqerisht. Besoj se nëse vjen nesër, nuk e di se kur vjen, do kem një çmallje”, tha Aldo pasi theu kutinë e emergjencës.

Këngëtari humbi të drejtën për të fituar 100 mijë euroshin edhe nëse arrin që të shpallet fitues i këtij edicioni të katërt i “Big Brother VIP”. G-Bani nga hapja e kutisë fitoi 5 mijë euro.

Ndërkohë Valbona ishte personi i dytë që theu një kuti emergjence gjatë një prime ku publiku kishte vendosur që të nxirrte nga shtëpia Jozin. Valbona me hapjen e kutisë riktheu banorin në shtëpi dhe u hoqi të drejtën banorëve që të kishin biletën e fatit.

Edicioni i katërt i “Big Brother VIP” ka ardhur me disa risi këtë sezon. Përveç faktit që shtëpisë i janë bashkuar edhe personazhe jo publikë, në shtëpinë më të famshme ndodhen edhe 6 kuti me avantazhe, të cilat banorët mund t’i përfitojnë.

Gjatë spektaklit të parë të këtij edicioni të BBV, Ledion Liço paralajmëroi se me hapjen e kutisë mund të vijë dhe një dënim.

“Kam një porosi të rëndësishme për t’iu dhënë. Në led do të shfaqen disa kuti që mund t’i keni vënë re në korridor teksa hynit brenda në Big Brother. Siç e shikoni aty janë 6 kuti emergjence, secila prej kutive përmban: një biletë kthimi, çek me vlerë 5000 euro, unazë, informacion nga jashtë, ftesë për personin e zemrës dhe imunitet. Për të përfituar një nga këto avantazhe, duhet të thyeni xhamin, por kujdes! Bashkë me avantazhin vjen edhe një dënim, që mund të jetë individual, ose edhe për të gjithë shtëpinë. Ndaj mendojeni mirë, disa herë, nëse dëshironi të thyeni njërën prej kutive apo jo”, tha Ledion Liço.

Ndërkohë mbrëmë ka qenë G-Bani, ai që theu i pari një nga këto kutitë e emergjencës, atë me vlerë 5000 euro.

“Ishalla ka penalizim kolektiv, për të gjithë. Imunitet nuk more se nuk desha, vajtje-ardhje…”, tha reperi pasi theu kutinë.

Ndërkohë pasi e lexoi zarfin, banorët e tjerë e pyetën se çfarë kishte të shkuar dhe ai u tha:

“Sapo humbe të drejtën të fitosh çmimin e madh”.

Livia e pyet: “E ça i bie se do dalësh?”, e G-Bani: i përgjigjet: “Po”.

Më pas Rozana lexon përmbajtjen e plotë të zarfit:

“Ti sapo humbe të drejtën për të fituar 100 mijë euro të çmimit të madh në rast se do të jesh ti fituesi i çmimit të madh”.