Tetë emigrantë janë gjetur në koma në një autobus të braktisur në autostradën Trakia në Bullgari.

30 emigrantë u gjetën të braktisur në një autobus pranë Sofjes. 8 prej tyre janë në koma.

Në vendngjarje u dërguan pesë ambulanca, raporton Novinite.

Emigrantët ishin pa ndjenja dhe të dehidratuar në momentin që janë gjetur.

Më herët gjatë ditës së sotme, tetë emigrantë të tjerë janë lënduar në një aksident mes fshatrave Çelnik dhe Pobedë, raportohet në mediat bullgare. Të gjithë janë meshkuj të moshës rreth 25 vjeç. Ata u identifikuan si shtetas të Sirisë.