Torino- Mediat italiane i kanë kushtuar vëmendje vetëvrasjes së një emigranti maroken në burgun e Torinos i sapokthyer nga kampi i Gjadrit në Shqipëri, ku kishte qëndruar për rreth një muaj.

42-vjeçari, Hamid Badoui, i dha fund jetës duke përdorur lidhëset e këpucëve. Pas qëndrimit në Shqipëri ai ishte lënë i lirë vetëm pak ditë, por ishte vënë menjëherë në pranga.

Në takimin me avokatin ai kishte shprehur shqetësime të forta për kushtet e qëndrimit në Gjadër duke iu frikësuar një tjetër dërgimi aty.

“Më mirë në një burg sesa në atë CPR”, ishin fjalët e 42-vjeçarit sipas avokatit të tij.

Badui kishte jetuar për 13 vite në Piemonte, por për shkak të varësisë nga droga kishte kryer vjedhje të vogla që pasuan me një sërë dënimesh. Kjo bëri që t’i refuzohej azili dhe për këtë përfundoi në Gjadër me qëllim kthimin në vendin e tij.

Për ngjarjen kanë reaguar përfaqësues të shumtë të opozitës italiane që kanë kritikuar qeverinë për mënyrën si po trajton emigrantët.

Një reagim të ashpër ka bërë edhe organizata e të drejtave të njeriut “Amnisty International Italia” që thotë se modeli “Meloni” sjell vuajtje dhe vdekje.

Një ngjarje tragjike është regjistruar në Greqi, ku një emigrant është gjetur i pa jetë në një kamion. Sipas mediave vendase, kamioni ishte i përshtatur me frigorifer në temperatura mjaft të ulëta, teksa në të ndodheshin dy persona.

Kamioni kishte si destinacion final Italinë, teksa në pranga është vënë drejtuesi i mjetit.

Kamionët me frigoriferë që përdoren për transport ushqimesh apo produktesh të tjera janë shpesh një formë e përdorur nga persona që duan t’i shpëtojnë “syve” të policisë, teksa tentojnë të kalojnë ilegalisht kufirin.

Një ngjarje e rëndë raportohet të ketë ndodhur mesditën e djeshme në bulevardin “Ermou” në Athinë.

Mediat greke bëjnë me dije se një emigrant 42-vjeçar nga Irani sulmoi me thikë në mes të bulevardit një studente 22-vjeçare. Mësohet se 22-vjeçarja e cila punonte gjithashtu në një dyqan afër zonës ku ndodhi ngjarja kishte dalë për kafe momentin që u sulmua nga emigranti.

E reja ndodhet aktulisht në spitl, në gjendje të rënduar shëndetësore, pasi është qëlluar dy herë me thikë. Për sa i përket autorit, policia greke thotë se është arrestuar dhe se rezulton të jetë një person që vuan nga probleme të shëndetit mendor.

Burime për protothema.gr bëjnë me dije 22-vjeçarja iu nënshtrua një operacioni të ndërlikuar dhe në orët në vijim pritet të dalë një njoftim i ri nga spitali në lidhje me gjendjen e saj shëndetësore.

Kronika e sulmit / Çanta e shpinës i shpëtoi jetën 22-vjeçares

Ngjarja ka ndodhur në kryqëzimin e rrugëve Ermou dhe Fokionos, kur autori, sipas dëshmitarëve okularë, i është afruar të resë dhe e ka goditur me thikë pas shpine. Ajo që e shpëtoi vajzën ishte çanta e shpinës, e cila e shtyu thikën mënjanë dhe jo drejt zemrës.

Autori ka kapur mat të renë përballë dhjetëra kalimtarëve. Më pas ai e goditi dy herë me thikë afër zemrës, duke i shkaktuar gjakderdhje të madhe, dy plagët ishin katër gishta të thella. 22-vjeçarja është rrëzuar e përgjakur pranë dyqanit të veshjeve ku punonte.

“ Vajza është spiune dhe po më shikonte. E godita me thikë për ta shmangur ”, thuhet se i ka thënë autoriteteve sulmuesi, i cili thuhet se vuante nga probleme të shëndetit mendor.

Një shqiptar i Kosovës ka humbur jetën tragjikisht në një aksident gjatë udhëtimit nga Gjermania drejt Kosovës.

Ai ishte aksidentua 10 kilometra afër pikës kufitare Merdarë.

“Telegram ngushëllimi familjes Berisha! Me rastin e vdekjes së XHEVDET BERISHA përkrahës dhe dashamir i FC Kosova Regensburg, në aksidentin rrugës për në vendlindje, me pikëllim të thellë morëm lajmin për vdekjen e mikut tonë Xhevdet Berisha , humanistë e veprimtar i shquar e i palodhur i çështjes kombëtare, bartës i shumë sukseseve në organizimin e mërgatës.

“Është kjo një humbje e madhe për familjen ngase mbetën pa më të dashurin e tyre, humbje e madhe edhe për mërgatën tonë, Komunën e Obiliqit dhe gjithë Kosovën.

Bashkëndjejmë dhembjen dhe Ju shprehim ngushëllimet tona më të sinqerta familjes Berisha, mërgatës tonë, miqve dhe të gjithë dashamirëve”, thuhet në njoftim.

Lajmin e hidhur e ka ndarë FC Kosova Regensburg. Klubi përmes mesazhi lamtumire u shpreh se Xhevdet Berisha ishte dashamir këtij klubi