Një aksident tragjik ka ndodhur sot në fshatin Qungur të Pejës, ku përplasja mes një veture dhe një katërçikleti ka rezultuar fatale për një prej të përfshirëve në ngjarje.

Sipas gazetës Sinjali, ngjarja u regjistrua rreth orës 14:00, kur Policia u njoftua për një aksident me pasojë vdekjen. Viktima është identifikuar si Eldion Kelmendi, vëllai i artistit dhe fituesit të “Big Brother VIP 4”, Besart Kelmendi, i njohur si Gjesti.

Si pasojë e përplasjes, dy persona mbetën të lënduar. Mjeku që mbërriti në vendngjarje konstatoi vdekjen e njërit prej tyre, ndërsa i plagosuri tjetër u dërgua me urgjencë në Spitalin Rajonal të Pejës për trajtim mjekësor.

Sipas “Sinjalit” i dyshuari për shkaktimin e aksidentit është shtetasi Gentonis Nikqi, i cili po hetohet nga autoritetet.

Në vendin e ngjarjes ndodhen njësitë policore dhe hetuesit e aksidenteve, të cilët po punojnë për zbardhjen e plotë të rrethanave që çuan në këtë ngjarje të rëndë.

✨ Emri juaj nuk është rastësi.
Shkronja e parë përmban një kod energjik që zbulon se si lëviz shpirti juaj në botë.
Përtej identitetit, ekziston një frekuencë. Një qëllim.

1 – A, J, S – FILLESTARI 🔥
Ju mbani një zjarr të brendshëm. Jeni të pavarur, krijues dhe nuk keni frikë të hapni një shteg.

🌟 Pohim: Unë kam lindur për të udhëhequr. Unë besoj pa frikë.

2 – B, K, T – MBARTËSI I PAQES 🌙
Ju rrezatoni qetësi. Jeni të ndjeshëm, empatikë dhe dini si të bashkoheni butësisht.

🌟 Pohim: Unë jam ekuilibri. Unë ushqehem nga lidhja.

3 – C, L, U – KRIJUESI 🎨
Ju jeni drita krijuese. Lozonjare, ekspresive dhe magnetike, thelbi juaj përhap gëzim.

🌟 Pohim: Unë shpreh veten lirisht. Unë marr frymë me gëzim.

4 – D, M, V – NDËRTUESI 🧱
Ti je strukturë dhe qëndrueshmëri. I qëndrueshëm, i besueshëm dhe i fortë, ti i bën gjërat të ndodhin.
🌟 Pohim: Unë jam një themel i fortë. Unë materializoj atë që imagjinoj.

5 – E, N, W – SHPIRTI I LIRË ⏳
Asgjë nuk të ndal. Ti je ndryshim në lëvizje: kurioz, i adaptueshëm dhe i shtrirë.
🌟 Pohim: Unë përqafoj të renë. Jam gati të rritem.

6 – F, O, X – USHQYESI 💗
Ti je ai që mbështet. Ti kujdesesh, mbron dhe udhëzon me një zemër të hapur.
🌟 Pohim: Unë ushqej me butësi. Unë ngre lart përmes dashurisë.

7 – G, P, Y – KËRKUESI 🧘‍♀️
Ti je mençuria e heshtur. Vëzhgues, i thellë dhe i lidhur me të padukshmen.
🌟 Afirmim: Unë i besoj asaj që ndiej. Unë kërkoj të vërtetën përtej të dukshmes.

8 – H, Q, Z – FORCA KRIJUESE 💼
Ju jeni fuqia në veprim. Ambicioz, i fokusuar dhe me një vizion suksesi.
🌟 Afirmim: Unë e përshtas veten me rezultatin. Unë jam strategjia dhe drejtimi.

9 – I, R – ALTRUIZMI 🌍
Ju vibroni në shërbim. I dhembshur, bujar dhe me një shpirt shërues, ju jeni këtu për të kontribuar në të mirën e përbashkët.
🌟 Afirmim: Unë jap me qëllim. Unë dua me zemrën time.

Shkodër, 28 gusht 2025 – Rreth orës 20:00, në fshatin Abat, Shalë, shtetasi N. M. dyshohet se ka vrarë me armë zjarri shtetasin Piro Prroni, 61 vjeç, në rrethana ende të paqarta.

Shërbimet e Policisë janë nisur menjëherë drejt vendngjarjes për të bërë të mundur kapjen e autorit.

Është ngritur një grup i posaçëm hetimor, i cili po punon për sqarimin e plotë të rrethanave dhe dokumentimin ligjor të ngjarjes.

Shkodër / Informacion paraprak

Rreth orës 20:00, në fshatin Abat, Shalë, shtetasi N. M., në rrethana ende të paqarta, dyshohet se ka vrarë me armë zjarri shtetasin P. P., 61 vjeç.

Shërbimet e Policisë janë nisur menjëherë për në fshatin Abat, për të bërë të mundur kapjen e autorit.

Ndërkohë, është ngritur një grup i posaçëm hetimor, për sqarimin e rrethanave dhe dokumentimin ligjor të ngjarjes.

Kolegji i Posaçëm i Apelimit vendosi sot shkarkimin nga detyra të gjyqtares së Vlorës, Mirela Mishgjoni, e cila ishte konfirmuar më parë nga Komisioni i Pavarur i Kualifikimit.

Drejtuesi i SPAK Altin Dumani që ka zëvendësuar në procesin e vetingut Komisionerin Publik, pas mbarimit të mandatit të këtij të fundit, i kishte kërkuar Kolegjit ndryshimin e vendimit të KPK-së dhe shkarkimin e vendimit të gjyqtares Mishgjoni, për shkak të problemeve me pasurinë.

Sipas tij, gjyqtarja ishte në pamundësi të vërtetimit të ligjshmërisë së të ardhurave të bashkëshortit të subjektit nga shitja e aktivitetit në Itali, nga shitja e një fabrike vaji në Shqipëri në vitin 1997, si dhe ato të përfituara po prej bashkëshortit nga puna si shef kuzhine në Vlorë, pasi nuk ishin paguar detyrimet tatimore.

Për të ardhurat nga shitja e fabrikës në ’97-ën, u konstatua se ato as nuk ishin deklaruar si burime në vite, as në deklaratën veting. Në vendimin e sotëm, KPA vlerësoi se Mishgjoni ishte e pabesueshme për kriterin e vlerësimit të pasurisë, gjendej e papërshtatshme për të vijuar detyrën dhe e shkarkoi atë duke votuar unanimisht.

‘Trupi gjykues i Kolegjit të Posaçëm të Apelimit, i përbërë nga Natasha Mulaj kryesuese, Albana Shtylla relatore, Mimoza Tasi, Rezarta Schuetz, Sokol Çomo anëtarë, shpalli vendimin për çështjen nr. 27/2024, datë 18.07.2024, që i përket ankimit të Komisionerit Publik kundër vendimit të Komisionit të Pavarur të Kualifikimit nr. 754, datë 05.04.2024, që lidhet me subjektin e rivlerësimit Mirela Mishgjoni.

Në përfundim të gjykimit, trupi gjykues, bazuar në nenin 66, pika 1, shkronja “b” e ligjit nr. 84/2016, “Për rivlerësimin kalimtar të gjyqtarëve dhe prokurorëve në Republikën e Shqipërisë”, në mënyrë unanime, vendosi: Ndryshimin e vendimit të Komisionit të Pavarur të Kualifikimit nr. 754, datë 05.04.2024 dhe shkarkimin nga detyra të subjektit të rivlerësimit Mirela Mishgjoni’, thuhet në vendim.

Një 19-vjeçar ka rënë në prangat e policisë në Vlorë, i akuzuar për armëmbajtje pa leje.

Mësohet se i arrestuari është Panajot Kola, i cili qarkullonte me armë zjarri në makinë, ndërsa u ndalua edhe drejtuesi i automjetit, për moskallëzim krimi.

Raportohet se makina ku udhëtonin dy të rinjtë u ndalua në aksin rrugor “Orikum-Vlorë” në Radhimë, për kontroll. Në momentin e ndërhyrjes së Policisë, 19-vjeçari i cili ishte pasagjer, ka hedhur nga automjeti një çantë dhe ka tentuar të largohet me vrap, por është kapur menjëherë nga shërbimet e Policisë.

Gjatë kontrollit në çantë u gjet një armë zjarri pistoletë me silenciator, e cila u sekuestrua në cilësinë e provës materiale.

Njoftimi i policisë:

Vlorë/Finalizohet operacioni policor i koduar “Nightfall”, për goditjen e një rasti të armëmbajtjes pa leje. Qarkullonte me armë zjarri pistoletë me silenciator, në automjet, kapet në flagrancë dhe vihet në pranga 19-vjeçari. Vihet në pranga dhe drejtuesi i automjetit, për moskallëzim krimi. Sekuestrohet arma e zjarrit.

Në vijim të punës për parandalimin dhe goditjen e veprimtarisë kriminale të armëmbajtjes pa leje, Sektori për Hetimin e Krimeve të Rënda i DVP Vlorë, në bashkëpunim me Seksionin për Mbështetjen Operacionale të Hetimit, bazuar në informacionet e siguruara në rrugë operative, organizuan dhe finalizuan operacionin policor të koduar “Nightfall”

Gjatë këtij operacioni, në mbrëmje, në aksin rrugor “Orikum-Vlorë”, në Radhimë, është ndaluar për kontroll një automjet tip “Mercedes Benz” me të cilin qarkullonin 2 shtetas. Në momentin e ndërhyrjes së Policisë, pasagjeri ka hedhur nga automjeti një çantë dhe ka tentuar të largohet me vrap, por është kapur menjëherë nga shërbimet e Policisë. Gjatë kontrollit në çantën marsup, u gjet një armë zjarri pistoletë me silenciator, e cila u sekuestrua në cilësinë e provës materiale.

Në përfundim të veprimeve, specialistët për Hetimin e Krimeve të Komisariatit të Policisë Vlorë arrestuan në flagrancë shtetasit: P. K., 19 vjeç, banues në Orikum, për veprën penale “Mbajtja pa leje dhe prodhimi i armëve, armëve shpërthyese dhe i municionit”; B. K., 34 vjeç, banues në Orikum, për veprën penale “Moskallëzim i krimit”.

Në drejtimin e Prokurorisë, vijojnë hetimet për rastin. Materialet procedurale iu referuan Prokurorisë, për veprime të mëtejshme.

Kolegji i Posaçëm i Apelimi, KPA shpalli të mërkurën më 20 nëntor vendimin për lënien në fuqi të shkarkimi nga detyra të prokurorit të Lushnjës, Artan Hazbi.

Vendimi u mor në mënyrë unanime nga trupi gjykues i Kolegjit i kryesuar nga Rezarta Schuetz, me relator Sokol Çomon dhe anëtare Albana Shtylla, Mimoza Tasi dhe Natasha Mulaj, pas shqyrtimit në dhomë këshillimi të vendimmarrjes së Komisionit të Pavarur të Kualifikimit, KPK për largimin e tij nga detyra.

Artan Hazbi u shkarkua prej KPK më 26 prill 2021, pasi u gjet probleme në kriterin e pasurisë dhe se kishte cënuar besimin e publikut duke vepruar si biznesmen.

Dje faqja zyrtare e Big Brother VIP Kosova konfirmoi se edicioni i tretë i realit show-t do të nisë të premten, më datë 18 tetor. Deri më tani është zbuluar njëri prej opinionistëve, i cili është Milaim Zeka, ndërsa emri tjetër që aludohet është ai i Einxhel Shkirës.

Sakaq ditën e sotme është bërë me dije se kush do të jetë moderator i “Big Talk Kosova”. Sipas Telegrafit, ‘Big Talk 3’ do të drejtohet nga Diellza Daka.

Një i ri hipur mbi një Benz u gjet me armë zjarri në çantën që mbante me vete, në një kontroll policor gjatë natës duke gdhirë dita e sotme në Tiranë.

Shërbimet e Komisariatit të Policisë Nr. 4, në zbatim të masave të përcaktuara në planin operacional “Sundimi i ligjit”, bazuar dhe në informacionet e siguruara nga inteligjenca policore, për një shtetas që qarkullonte me automjet, i armatosur, kanë finalizuar operacionin policor të koduar “Driver”.

Gjatë operacionit u arrestua në flagrancë shtetasi Ervin Mëzhika, 20 vjeç, banues në Kamëz, për veprën penale “Mbajtja pa leje dhe prodhimi i armëve, armëve shpërthyese dhe i municionit”, parashikuar nga neni 278 i Kodit Penal.

Në rrugën “5 Maji”, shërbimet e Policisë kanë lokalizuar automjetin tip “Benz”, me drejtues shtetasin E. M.

Gjatë kontrollit në çantën e tij, shërbimet e Policisë gjetën një armë zjarri pistoletë me krehër dhe municion luftarak, të cilat u sekuestruan në cilësinë e provës materiale.

Nick Abbott është emëruar si ambasadori i ri britanik në Tiranë.
“Nick Abbott është emëruar Ambasador i Madhërisë së Tij në Shqipëri. Të gjithë ne në ambasadë mezi presin ta përshëndesin në shtator 2024.
Ai ka punuar në Evropë dhe Lindjen e Mesme dhe sjell një përvojë të jashtëzakonshme edhe si Ambasadori i Madhërisë tij në Kosovë”-njofton ambasada.

Aksident në aksin Shushicë-Fushë-Buall në Elbasan. Mjeti bie në humnerë, humb jetën drejtuesi Nazmi Boja 56 vjeç.

Për gjetjen e mjetit u angazhuan ekipet e zjarrfikësve të Elbasanit, emergjencat civile dhe të alpinizmit të kërkim shpëtimit malor.

Terreni malor e ka bërë të vështirë vështirë punën e grupeve të kërkimit.

Për këtë arsye, eshte kerkuar ndihma e Emergjencave Civile në Tiranë të cilat kanë dërguar një helikopter të ndihmës së shpejtë.

Më në fund mjeti është lokalizuar, por fatkeqësisht drejtuesi kishte dnërruar jetë.

Vijojnë hetimet për shkaqet e aksidentit.