Grupi i antiberishistëve, të cilët nuk e gjetën më veten as tek Lulzim Basha, prezantojnë nesër partinë e re. Nesër në orën 11:00, deputeti demokrat Enkelejd Alibeaj dhe mbështetësit e tjerë prezantojnë partinë së cilën e kanë ‘pagëzuar’ me emrin ‘Djathtas’.

Siç e pati mësuar ekskluzivisht Report Tv muaj më parë, Alibeaj punoi që pasi Apeli i dha vulën Sali Berishës për të mbledhur 3 mijë firmat e nevojshme. Në dokument, të cilin Report Tv e ka lexuar, detajohen parimet mbi të cilin “anti-berishistët” të shkëputur me kohë prej Sali Berishës e së fundmi edhe nga Lulzim Basha, hodhën hapat për krijimin e partisë së re.

Partia, sipas statutit, parashikohet të funksionojë mbi një ndarje pushtetesh brenda organizmit politik. Njëjtë si shteti, edhe ndërtimi i partisë është bazuar mbi “ndarjen e pushtetit politik, atij administrativ dhe atij gjyqësor, të cilët ndihmojnë dhe kontrollojnë njëri-tjetrin, duke balancuar të gjithë funksionimin e brendshëm të saj.”

Risi është edhe krijimi i një entiteti garantues për ruajtjen e vijës politike dhe ideologjike të partisë. Ky entitet do të ketë kompetencat e thirrjes dhe ushtrimit të demokracisë së drejtpërdrejtë sa herë që do të vihen re deformime të parimeve mbi të cilat është krijuar dhe ndërtuar partia.

Edhe kryetari, njëjtë si në PD do të zgjidhet përmes votës së anëtarësisë.

“Në hartimin e statutit kemi pasur qëllimin të parashikojmë demokracinë e drejtpërdrejtë (atë që rrjedh drejt e nga anëtari i më i thjeshtë i partisë) si elementi kryesor mbi të cilin bazohet ndërtimi dhe funksionimi i partisë” i tha një burim Report Tv, i cili teksa citon statutin evidentoi faktin se grupimi synon të përcjellë idenë e një partie, jo të kryetarit.

“Demokracia e drejtpërdrejtë e ushtruar në mënyrë të shpeshtë, e shoqëruar edhe me ndarjen e pushteteve brenda organizimit politik sjell në jetë një subjekt me demokraci të brendshme funksionale dhe largimin nga kulti i individit”, sqarohet në Statut.

Pjesë e kësaj partie, pritet të jenë edhe deputetja Flutura Açka, apo Arbi Aglliu, si edhe eksponentë të tjerë demokratë si Edvin Kulluri. Kjo lëvizje e tyre vjen vetëm pak muaj para mbajtjes së zgjedhjeve parlamentare 2025.

Enkelejd Alibeaj ka ankimuar vendimin e Komisionit Shtetëror të Zgjedhjeve e cila i kërkon dokumentacione shtesë përsa i përket regjistrimit të Partisë Demokratike përë zgjedhjet vendore të 14 majit.

Alibeaj ka depozituar në Komisionin e Ankesave dhe Sanksionet ankimimin ku ka dhënë dhe sqarimet e tij përsa i përket ngërçit që është krijuar në këtë pikë.

KQZ pretendon se ka mungesë dokumentacioni nga ana e PD-së, ndaj nuk mund të regjistrohet për zgjedhjet vendore. Bëhet fjalë për mungesën e një dokumentacioni të firmosur nga ana e kryetarit Lulzim Basha.

Por nga ana e tyre, Partia Demokratike thotë se janë dorëzuar të gjitha dokumentet e kërkuara sipas ligjit.

KQZ u ka dhënë afat PD-së deri sot në orën 00:00 për të dorëzuar dokumentet e kërkuara.

Lexo të radhës

Celibashi kërkoi firmën e Bashës që të regjistrojë PD-në në zgjedhje, reagon Alibeaj:…

“Të ka ditëlindjen vjehrra”/ Luizi i “lutet” për vëmendje, reagimi i Kiarës do t’iu “tërbojë”

Eliminoni yndyrën me sodë buke

Si ta përgatisni pijen e përkryer për forcimin e imunitetit?

3 gjërat që njerëzit e suksesshëm bëjnë kur humbasin