Korçë, 8 maj 2025 – Një aksident i rëndë ka ndodhur mbrëmjen e sotme në aksin rrugor Korçë–Ersekë, pranë fshatit Dvoran. Një automjet ka humbur kontrollin dhe ka dalë nga rruga, duke shkaktuar plagosjen e rëndë të drejtuesit të tij.

Në vendngjarje kanë mbërritur menjëherë forcat e policisë dhe ambulanca. Drejtuesi i mjetit, i cili është i plagosur rëndë, po transportohet me urgjencë drejt Spitalit Rajonal të Korçës për trajtim mjekësor.

Një aksident automobilistik është regjistruar në aksin Ersekë-Leskovik.

Dy automjete janë përplasur dhe kanë përfunduar në kanal. Për pasojë, janë plagosur tre persona.

Fatmirësisht, të plagosurit janë jashtë rrezikut për jetën.

Një ditë pas breshrit që goditi zonën e Ersekës, është bërë dhe përllogaritja e dëmeve në bujqësi.

Nga grupet e punës që zbritën në terren mëngjesin e sotëm, evidentohen dëme të shumta në drufrutorë, perime, etj.

Gazetarja Lorena Kodra raporton se kontrollet janë ushtruar në zonën e Ersekës në qytet, Rehovë, Starje, Psar, Bejkove dhe Tac. Mësohet se breshëri ka shkatërruar 10 ha sipërfaqe të mbjella me domate, speca dhe sallata apo dhe te rrushi. Ndërkohë, dëme janë shkaktuar dhe te pemët frutore, në rreth 2000 rrënjë kumbulla po ashtu dhe te rreth 2 mijë rrënjë mollë.

Një 60-vjeçar nga Erseka është denoncuar i zhdukur në polici.about:blank

Familjarët e tij shprehen se kanë kontaktuar për herë të fundit me të ditën e djeshme, ku shtetasi me iniciale N.ZH po kthehej nga Greqia, dhe më pas ka humbur kontaktet me familjarët.

Ai punonte në shtetin grek me punë sezonale, ndërsa ka marrë rrugën për t’u kthyer nga mali i Gramozit në kushte shumë të këqija atmosferike për shkak të reshjeve.

Familjarët janë munduar ta kontaktojnë në telefon por nuk kanë mundur të flasin më me 60-vjeçarin. Sipas policisë nuk dihet ende nëse ka ndodhur gjë me të apo është kthyer mbrapsht drejt shtetit grek.

Kërkimet kanë filluar që prej ditës së djeshme, por ende pa rezultat.