Gazetari investigativ Artan Hoxha ka bërë një deklaratë të fortë në “Euronews Albania”, duke lidhur zhdukjen e Ervis Martinajt me përplasjen e tij me pushtetin.

Sipas Hoxhës, fundi i “mbretit të lojërave të fatit” erdhi pasi ai u konfliktua drejtpërdrejt me kryeministrin Edi Rama, pas angazhimit të tij në mbështetje të opozitës gjatë një fushate elektorale.

“Kryeministri u përfshi vetë në atë ngjarje, nga të rrallat raste. Ai tha publikisht se e dinte kush ishte drejtori i lojërave të fatit dhe madje ‘i dinte targën’. Kjo ndodhi pas përfshirjes së Ervis Martinajt në fushatë në mbështetje të opozitës, dhe prandaj Rama e etiketoi,” – deklaroi Hoxha.

Sakaq, Artan Hoxha nënvizoi asnjë nga personat e këtij grupi kriminal nuk janë arrestuar deri më tani ndësa shtoi se s’mund të kesh pushtet të nëndheshëm nëse s’ke me këta lart.

“Shikoni ngjarjet e fundit që po ndodhin në Shqipëri. E njëjta dorë që pasi ka bërë eliminimin e Ervis Martinajt, tani ka marrë një ngjitje të menjëhershme dhe prandaj sot është shumë aktive dhe e rrezikshme.

Kemi një hierarki tjetër në botën e krimit të organizuar dhe po ashtu një hierarki tjetër në botën e atyre që quhen vrasës që janë rritur nga ajo kohë, ata që patën sukses në atë ngjarje. Asnjë nga ajo skuadër nuk është arrestuar.

Aleanca që realizoi vrasjen është shumë e fortë dhe në pushtet në të gjitha. S’mund të kesh pushtet të nëndheshëm nëse s’ke me këta lart.“-tha Hoxha.

lir Beqaraj alias Ilir Brahimi alias Ilir Mançellari, është 41-vjeçari i arrestuar për vrasjen e Gentian Bejtjas në fshatin Larushkë, Fushë-Krujë.

41-vjeçari rezulton të jetë kushëriri i Ylli Brahimit, një emër i njohur për policinë, i cili i ka shpëtuar disa atentateve dhe i cilësuar si krahu i djathtë i Ervis Martinajt, personazhi i njohur i botës së krimit dhe lojrave të fatit.

Ka dyshime se 41-vjeçari, të cilit iu gjetën në shtëpi, dokumente të falsifikuara kosovare, të jetë paguar për vrasjen e Bejtjas. Në atentatin e ndodhur mesditën e 15 marsit, dyshohet se kanë marrë pjesë 4 persona, pasi edhe në automjetin e djegur të autorëve, u gjetën 4 kallashnikovë.

Beqaraj doli zbuluar pas përdorimit të automjetit tip “Golf” në pronësi të shtetasit Edison Haxhiu. Ky i fundit është ndaluar dhe shoqëruar në polici, pasi akuzohet për kryerjen e veprës penale, “Sigurimi i kushteve dhe mjeteve materiale për të kryer vrasje”.

Në shtëpinë e 41-vjeçarit Beqaraj, policia gjeti dhe sekuestroi një armë zjarri pistoletë me mbishkrimin VALTER me tetë fishekë, një armë zjarri e markës BENELLI e cila mbahej me lejen e organeve të policisë, një brez me njëzet e nëntë fishekë arme zjarri, pesë pajisje si ato të radiove marrëse-dhënëse me mbishkrimin MIDLAND XT70.

Për vrasjen e Gentian Bejtjas, pak ditë më parë, policia shoqëroi shtetasin Valter Bami, i arrestuar edhe më parë për atentatet ndaj ish-policit Bejtja. 

Gazetari Ferdinand Dervishi ka folur për të shumëkërkuarin e drejtësisë, i shpallur i zhdukur që prej gushtit, Ervis Martinaj.

Dervishi tha në “Report Tv” se janë paguar 3 milionë euro për eleminimin e tij, ndonëse pikëpyetja e madhe është se kush i ka paguar dhe cili është fati i Martinajt.

“Në Shqipëri kanë qenë më të ulëta se 10 mijë euro për njerëz të kategorisë së fundit. Për Vis Martinaj janë paguar deri në 3 milionë euro.

Kjo histori është shumë përvëluese. Kemi një ministër që e pyesin gazetarët dhe nuk jep dot përgjigje. Është një histori përtej fuqisë së ministrit.

Janë të përfshira disa grupe kriminale. Dhe bëhet fjalë çështje realisht përtej fuqive të ministrave dhe drejtorëve.

Policia ka qenë prapa me këtë ngjarje”, tha Dervishi.

Më tej ai mori rastin e një prej personave më të rrezikshëm Julian Sinanaj.

Dervishi u shpreh se Sinanaj u arretsua se u kap me një arsenal të vogël armësh që i bënte vetë dhe më pas vrasjet i kryente si një njeri që ishte marrë gjithë jetën me atë punë.

Dervishi tha se edhe persona nga maja e politikës kanë qenë të interesuar për shërbimet e tij.

“P.sh Julian Sinanaj pasi u arrestua, iu kap një arsenal i vogël armësh, që ai i bënte vetë. Por rast i tij ishte shumë i veçantë.

Vrasjet i kryente si njeri që ishte marrë gjithë jetën me atë punë. Në momentin kur u shfaq në Shqipëri dhe u mor vesh se ka ardhur një vrasës i tillë në Shqipëri, kërkesat ndaj tij kanë qenë të shumta.

Edhe persona nga maja e politikës kanë qenë të interesuar për shërbimet e tij. Pastaj nuk është realizuar”, u shpreh Dervishi.

Ministri i Brendshëm Taulant Balla është në vështirësi nga gazetarët e pranishëm në konferencën e posaçme për mediat ku prezantoi arritjet e Ministrisë së Brendshme gjatë 2023-it.

Në konferencën vjetore, Taulant Balla u pyet nga gazetarët edhe për fatin e Ervis Martinajt, i zhdukur që prej muajit gusht të vitit 2022, për të cilin ende nuk ka asnjë informacion, apo deklaratë zyrtare nga Policia e Shtetit.

Balla u shpreh se policia ka shumë  informacion në lidhje me këtë ngjarje, por ende nuk ka një pasqyrë të plotë të gjithë kësaj ngjarjeje.

“Unë e kam marrë detyrën në 15 korrik dhe mund t’ju informoj që kjo cështja ka qenë një nga cështjet e orëve të para.  Mbetet një sfidë e pazgjidhur ende, sa i përket referimit përfundimtar në gjykatë.

Policia ka shumë informacion për këtë cështje, por sa kohë që dokumentimi i plotë i saj kërkon ende kohë. Në momentin që do të kemi një pasqyrë të plotë, mezi pres të dal para jush për të sqaruar publikisht. Është një ngjarje e rëndë, e rëndësishme, e cila ka të bëjë edhe me gjithë këto indikator të rëndësishëm të performancës së punës së Policisë së Shtetit.

Drejtori e Policisë së Shtetit e di fare mirë këtë gurë peshë të rënde dhe po bëjmë gjitha e mundur për t’i shkuar në fund kësaj çështjeje” tha Balla ndër të tjera.

TIRANË- Në rrjetet sociale dhe në disa portale, u shpërnda një ditë më parë një foto ku shkruhej se ishte e Ervis Martinajt, e se ishte bërë në Meksikë. Kjo ngriti dyshimet se Martinaj ishte gjallë e se po fshihej në Meksikë, por e vërteta është ndryshe.

Personi në foto nuk rezulton të jetë Martinaj, por dikush tjetër që i përngjan. Pikërisht ky person ka përgënjeshtruar lajmet, duke deklaruar se mediat dhe njerëzit në rrjetet sociale po abuzojnë me imazhin e tij.

Fati i Ervis Martinajt ka qenë mister që nga muaji gusht i vitit të shkuar. Për herë të fundit, Martinaj është parë më 5 gusht, në orën 21:15, në një hotel në Durrës.

A