Eurovision 2023 – JiL.al | Informohu – Frymëzohu – Jeto i Lumtur

Albina dhe Familja Kelmendi sollën rezultatin më të dobët në historinë e Shqipërisë në finale të Eurovisionit

Jil — Sun, 14 May 2023 17:29:28 +0000

Të shtunën është mbajtur nata finale e festivalit më të madh evropian, ‘Eurovision 2023’.

Plot 26 shtete garuan në natën e madhe finale, duke prezantuar para publikut këngët e tyre reprezentuese, një prej të cilave ishte edhe Shqipëria.

Shteti shqiptar këtë vit u përfaqësua nga Albina dhe Familja Kelmendi me këngën “Duje”, të cilët arritën që ta kualifikonin Shqipërinë në finales pas performancës në vendit e dytë.

Por pavarësisht kësaj, rezultati final ishte tejet zhgënjyes pasi Shqipëria përfundoi gati thuajse në fund të tabelës, duke u renditur e 22-ta në 26 shtete.

Ky njëherësh shënon rezultatin më të dobët të Shqipërisë në historinë e saj si pjesëmarrëse në finalet e Eurovisionit.

Diçka më lartë kishte arritur Anxhela Peristeri, duke e renditur Shqipërinë në vendin e 21-të në vitin 2021 me këngën “Karma”, gjersa Jonida Maliqi në vitin 2019 ishte kualifikuar gjithashtu në finale, dhe i siguroi shteti shqiptar vendin e 18-të.

Në vendin e 17-të në finale Shqipërinë e kanë çuar plot tre përfaqësues: Elhaida Dani me “I’m Alive” në vitin 2015, Kejsi Tola me “Carry me in your dreams” në vitin 2009 dhe Olta Boka me “Zemrën të dy e lamë peng” në vitin 2008.

Shqipëria ka qenë gjithashtu dy herë e renditur në vendin e 16-të në finale të Eurovisionit, përkatësisht në vitin 2010 kur u përfaqësua nga Juliana Pasha me këngën “It’s All About You” dhe Ledina Çelo në vitin 2005 me “Tomorrow I Go”.

Ndërkohë tri sukseset më të mëdha të Shqipërisë në finale të Eurosivionit mbeten në vitin 2018 përfaqësuar me këngën “Mall” nga Eugent Bushpepa, më pas në vitin 2004 me këngën “Image Of You” nga Anjeza Shahini dhe “Suus” në vitin 2012 nga këngëtarja Rona Nishliu.

Votimi në Eurovision, ja shteti i vetëm që shpërbleu me 12 pikë Shqipërinë

Jil — Sun, 14 May 2023 15:26:00 +0000

Albina Kelmendi dhe familja e saj me këngën “Duje” përfunduan në vend të 22-të në Eurovision 2023 të shtunën mbrëma. Festivali i këngës u mbajt të shtunën mbrëma në Britani të Madhe.

Në televotimin e publikut Shqipëria që u përfaqësua nga Kelmendi e familja e saj mori 59 pikë. Prej tyre vetëm nga një shtet mori pikë maksimale, 12, nga Zvicra.

Në total Shqipëria i mori 17 pikë nga votat e jurisë e 59 nga të publikut.

Nga televotimet, Shqipëria mori tetë pikë nga Gjermania, ndërsa nga shtatë pikë i mori nga Sllovenia, e Italia. Nga Kroacia dhe pjesa tjetër e botës, ku hynin shtetet që nuk kishin pjesëmarrës në Eurovision, mori nga gjashtë pikë. Greqia ia dha 4 pikë, ndërsa nga tri i mori nga Malta, Austria, Belgjika.

Shqipëria u rendit në vend të 22-të, reagon ashpër bashkëshorti i Albinës: Eurovisioni nuk ka më vlera, triumfoi…

Jil — Sun, 14 May 2023 11:46:04 +0000

Albina dhe familja Kelmendi e çuan Shqipërinë në finale dhe në natën e fundit, u renditën në vendin e 22-të.

Duket se kjo renditje s’i ka pëlqyer shumë bashkëshortit të Albinës, Valon Vatajt, i cili përmes një postimi në Instagram, është shprehur:

“Politika triumfoi si zakonisht kundër trojeve shqiptare! Eurovision-i nga aspekti profesional e njerëzor nuk ka më vlera! Famlija ime është fituese e ruajtjes së vlerave muzikore e kombëtare.

Në finalen e Eurovision-it triumfoi për të dytën herë Loreen, me këngën “Tattoo”, duke çuar dy herë radhazi në Suedi kupën.

Tradita kuq e zi “pushton” skenën e Eurovision 2023, Albina dhe Familja Kelmendi shkëlqejnë në finale (VIDEO)

Jil — Sat, 13 May 2023 22:43:29 +0000

Albina dhe Familja Kelmendi kanë perfomuar të dhjetët në radhë në finalen e madhe të “Eurovision Song Contest 2023” me këngën “Duje”.

Përfaqësuesja e Shqipërisë, Albina dhe Familja Kelmendi me këngën “Duje” synojnë sot suksesin për të sjellë në Shqipëri Eurovision 2024.

Motivet shqiptare në veshje dhe ngjyrat kuqezi “pushtuan” skenën e Eurovision 2023 në Liverpool Arena, ndërsa vokali mahnitës i Albinës drithëroi publikun në sallë dhe jo vetëm.

Përmes vokalit dhe interpretimit brilant, Albina dhe Familja Kelmendi i dha publikut europian një krijim muzikor me traditë të zhanërit baladë me motive nga Ballkani.

Pak para finales së Eurovisionit, Albina Kelmendi bën këtë veprim

Jil — Sat, 13 May 2023 19:21:42 +0000

Sonte (e shtunë) mbahet nata finale e Eurovision 2023.

Shqipëria përfaqësohet nga Albina Kelmendi dhe familja e saj me këngën “Duje”.

Artistja së fundmi ka kërkuar në rrjete sociale votat e shqiptarëve pak para nisjes së finales.

“Akrepat e orës sa vijnë e afrohen rrahjet e zemrës vijnë e shtohen”, ka shkruar ajo.

Më pas ka treguar se nga cila orë mund të votojnë dhe numrin që duhet të dërgojnë me mesazh.

Shiko videon:

Shiko videon:

Lojtës Videosh

I vunë flakën skenës, Albina dhe Familja Kelmendi kualifikohen të parët për finalen e “Eurovision 2023”

Jil — Thu, 11 May 2023 21:17:57 +0000

Albina dhe Familja Kelmendi të cilët dhuruan shumë energji dhe adrenalinë me këngën e tyre “Duje” në gjuhën shqipe në Liverpool, sapo janë kualifikuar për në finale.
Këngëtarja Albina dhe Familja Kelmendi kanë zgjedhur ngjyrat e kombit që përfaqësojnë për ti shpalosur në Eurovision 2023 që përveç mesazhit të këngës për një familje të bashkuar treguan dhe dashurinë për vendin e tyre.

Albina dhe Familja Kelmendi ishin renditur të 14 në radhë për të performuar në gjysmëfinalen e dytë të Eurovision 2023, një nga ngjarjet muzikore më të ndjekura me miliona shikues.

Të gjithë shqiptarët që jetojnë jashtë vendit mund të votojnë për Shqipërinë me kodin 14 për të provuar sërish emocionet e forta që përcolli Albina dhe Familja Kelmendi me këngën përfaqësuese në natën finale që do të mbahet më 13 maj.