Përhapja e madhe e zjarreve si pasojë e erërave të forta në ishullin jugor grek, Kretë, i ka detyruar mijëra banorë dhe turistë të evakuohen, thanë zyrtarët të enjten.

Moti i nxehtë dhe i thatë në Greqi – që nuk është i pazakontë për këtë periudhë të vitit – e ka rritur rrezikun e përsëritjes së zjarreve verore që goditën vendin në vitet e fundit.

Në Kretë, rreth 5.000 njerëz janë evakuuar për shkak të zjarreve që shpërthyen mbrëmjen e së mërkurës, tha të enjten presidenti i Shoqatës Rajonale të Hoteleve për AFP.

Yorgos Tzarakis tha se rreth 3.000 turistë dhe 2.000 banorë janë larguar, kryesisht gjatë natës, si “masë paraprake” nga zonat pranë qytetit turistik të Ierapetras në Kretë.

Më herët, nënprefekti Yannis Androulakis i tha transmetuesit grek Mega se “evakuimet u kryen në shumë hotele dhe turistët u transferuan në mënyrë të sigurt në një palestër të mbyllur në komunën e Ierapetras”, në juglindje.

Një helikopter zjarrfikës hedh ujë ndërsa një zjarr i madh po digjet pranë Ierapetrës, në ishullin e Kretës, Greqi, 3 korrik.

Autoritetet vepruan sepse avionët zjarrfikës nuk ia dolën të arrinin zonat e prekura gjatë natës, shtoi ai.

“Momentalisht, ka tri fronte aktive” tha Androulakis. “Për shkak të erërave të forta, zjarri ka përparuar me shpejtësi”.

Rreth 270 zjarrfikës, 10 helikopterë dhe dronë janë dërguar për t’i luftuar zjarret, tha Vassilios Vathrakoyannis, zëdhënës i shërbimit zjarrfikës.

Ekspertët thonë se ndryshimet klimatike të shkaktuara nga njeriu po shkaktojnë zjarre më të shpeshta dhe më intensive dhe katastrofa të tjera natyrore./REL

Të paktën 26 persona u evakuuan pasi një zjarr shpërtheu në një konvikt të qytetit Anapa, në Rusi.

Sipas të dhënave të fundit, zjarri është vënë nën kontroll, pas ndërhyrjes së 89 zjarrfikësve dhe 29 automjeteve të ndihmës së shpejtë.

Inela Belykh, një zëdhënëse e autoriteteve komunale të Anapa, i tha TASS më herët se konvikti po shërbente si strehim për vullnetarët e ngarkuar me pastrimin e karburantit në brigjet e Detit të Zi pas derdhjes së fundit të shkaktuar nga rrënojat e dy anijeve aty pranë.

“Kjo është me të vërtetë e vërtetë. Ka qenë selia e vullnetarëve tanë. Ndihma humanitare është djegur duke gjykuar nga videoja që po shikoj për momentin, zjarri u përhap në dhomat e magazinimit që përmbanin artikuj ushqimorë. Tani po llogarisim dëmin.”- tha ajo.

FRANCË- Turistët janë evakuuar të martën nga monumenti ikonë i Parisit, Kulla Eifel, pas raportimeve për një zjarr në një nga boshtet e ashensorit të saj midis katit të parë dhe të dytë.

Zjarrfikësit e Parisit kanë ndërhyrë menjëherë dhe kanë shuar flakët, teksa janë evakuuar rreth 1200 njerëz u nga policia. Zjarri është vënë nën kontroll, sipas burimeve të Euronews.

Atraksioni turistik dhe një nga kullat më të famshme në botë vizitohet mesatarisht nga 15,000 deri në 25,000 vizitorë në ditë.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Ujërat u rritën në dy qytete në malet Ural të Rusisë të dielën, pasi lumi i tretë më i gjatë në Evropë shpërtheu përmes një dige, duke përmbytur të paktën 6,000 shtëpi dhe duke detyruar mijëra njerëz të ikin. Një varg rajonesh ruse në malet Ural dhe Siberi, së bashku me pjesë të Kazakistanit fqinj janë goditur ditët e fundit nga përmbytjet më të këqija në dekada.

Lumi Ural, i cili ngrihet në malet Ural dhe derdhet në Detin Kaspik, u fry disa metra në vetëm disa orë të premten për shkak të ujit të shkrirë, duke shpërthyer përmes një argjinature dige në qytetin Orsk, 1,800 km në lindje të Moskës. Më shumë se 4,000 njerëz u evakuuan në Orsk pasi një pjesë e qytetit prej 230,000 banorësh u përmbyt.  Gjithashtu Kremlini tha të dielën se përmbytjet tani ishin gjithashtu të pashmangshme në rajonin Urals të Kurganit dhe rajonin siberian të Tyumen.