Gjeologët nga Universiteti i Göttingen kanë zbuluar se një çarje e madhe në koren e Tokës po fillon të krijohet nën Turqi.

Kjo çarje shfaqet në pikën ku takohen dy pllaka të mëdha tektonike, ajo arabe dhe euroaziatike, shkruan portali gjerman “Scinexx”.

Hulumtimet kanë treguar se fundi i detit vazhdon të zhytet në brendësi të Tokës, por në një zonë specifike, ky proces është ndalur, duke shkaktuar ngritjen e formacioneve shkëmbore.

Gjeologët besojnë se çarja do të përhapet drejt Irakut. Edhe pse këto ndryshime gjeologjike janë domethënëse, shkencëtarët kanë vlerësuar se nuk ka ndonjë kërcënim serioz.

GJERMANI- Dy punëtorë vdiqën në një shpërthim që ndodhi të martën në mëngjes në një objekt të grupit Bosch në qytetin jugperëndimor të Gjermanisë në Reutlingen. Sipas informacioneve, shkak i shpërthimit ka qenë një rrjedhje gazi në fabrikë. Pas raportimeve për një rrjedhje disa punonjës të objektit të Bosch shkuan për të hetuar incidentin.

Por ngjarja pasoi me një shpërthim të fortë, si pasojë e të cilit një 52-vjeçar humbi jetën menjëherë dhe një 44-vjeçar u nënshtrua plagëve të marra pasi u dërgua në spital. Sistemet e paralajmërimit u aktivizuan nga rrjedhja, por kur zyrtarët shkuan për të hetuar shkakun, gazi reagoi me ajër dhe shpërtheu.

Një punëtor humbi dëgjimin për shkak të shpërthimit. Autoritetet po kryejnë hetimet për zbardhjen e plotë të rrethanave të aksidentit. Policia tha se nuk ka më asnjë rrezik për publikun.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Dy persona u vranë pasi një burrë i maskuar dhe i armatosur depërtoi në fabrikën Hennel në qytetin Bad Friedrichshall në shtetin gjerman të Baden-Württemberg rreth orës 17:45.

Sipas policisë, dy persona janë qëlluar për vdekje, ndërsa i treti është plagosur rëndë, raporton Bild.

Policia rrethoi skenën e krimit dhe dërgoi në vendngjarje një kontingjent të madh forcash policie, duke përfshirë një helikopter dhe një ekip të operacioneve speciale (SOT) .

Sipas deklaratës, sulmuesi ka arritur të arratiset dhe kërkimet për të janë duke vazhduar.

KURBIN -Një fabrikë këpucësh është përfshirë nga flakët mbrëmjen e sotme në Shullaz të Kurbinit.

Zjarri ka shkaktuar dëme të shumta materiale, ndërsa ende nuk është raportuar për persona të lënduar.

Zjarrfikëset ndodhen në vendngjarje dhe po punojnë për vënien nën kontroll të flakëve.

Ende nuk dihen shkaqet e shpërthimit të zjarrit..

Grupi hetimor dhe policia ndodhen në vendngjarje.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

SHBA- Një shpërthim i fuqishëm në një fabrikë në pronësi të grupit zviceran Givaudan është regjistruar ditën e sotme në SHBA. Nga shpërthimi mësohet se kanë humbur jetën dy persona dhe plagosi disa të tjerë. Shkaqet e shpërthimit që ndodhi pasditen e së martës në fabrikën në Louisville, Kentucky, mbeten të paqarta deri më tani.

“Ne ndajmë dhimbjen e familjeve, miqve dhe të dashurve të atyre që humbën jetën ose u plagosën në këtë kohë shumë të vështirë”, thuhet në një deklaratë të grupit zviceran.

“Jemi në fazat e hershme të hetimeve për të përcaktuar shkaqet e shpërthimit”, shton ai.

Ndërtesat në afërsi të fabrikës u dëmtuan. Kryebashkiaku, Craig Greenberg u kërkoi banorëve vendas të mos heqin mbeturinat që mund të jenë hedhur në oborret e shtëpisë, sepse kjo mund të ndihmojë hetuesit të kuptojnë se çfarë ka ndodhur.

“Është një incident tepër i trishtuar dhe tragjik”, tha Greenberg sot, duke shpjeguar se dy persona që kishin shkuar në punë për të siguruar familjet e tyre kur ndodhi tragjedia humbën jetën. Një nga viktimat u nënshtrua plagëve të marra pasi u dërgua në spital, ndërsa një punonjës tjetër u nxor i vdekur nga rrënojat e ndërtesës.

Një shpërthim i fortë ka ndodhur në një fabrikë makaronash në lagjen Hendek të Sakarya në Turqi, duke lënë të lënduar të paktën 20 punëtorë. Shpërthimi, i cili ndodhi rreth orës 13:20, shkaktoi edhe një zjarr në vend.

Shërbimet e urgjencës, duke përfshirë ekipet e zjarrfikësve nga Sakarya, Düzce dhe Kocaeli, u dërguan menjëherë në vendngjarje. Aktualisht zjarrfikëset po punojnë për shuarjen e flakëve, ndërsa ekipet mjekësore po punojnë për marrjen e të plagosurve.

Kryetari i Bashkisë Metropolitane Sakarya, Yusuf Alemdar vizitoi vendin dhe siguroi publikun se nuk kishte raporte të menjëhershme për lëndime serioze ose vdekje. Gjithsesi situata mbetet e rrjedhshme dhe autoritetet po punojnë për të vlerësuar shkallën e plotë të dëmit. Shkaku i shpërthimit është ende nën hetim dhe ndërhyrjet emergjente vijojnë ndërsa ekipet po punojnë për sigurimin e zonës dhe vlerësimin e plotë të dëmeve.

Një shpërthim në një fabrikë për prodhimin e tekilës në Meksikën qendrore ka shkaktuar të paktën pesë viktima dhe ka nxitur autoritetet të largojnë turistët.

Victor Hugo Roldan, kreu i departamentit të zjarrfikësve në shtetin Jalisco tha se një shpërthim ndodhi në një rezervuar 500,000 litrash në fabrikë që shkaktoi zjarrin, i cili u shua nga personeli.

Ndërkohë disa punëtorë kanë mbetur të plagosur.

Komuna e Tequila, shtëpia e disa distileri që prodhojnë këtë pije nga bima e kaktusit blu agave, është gjithashtu një destinacion popullor turistik, rreth një orë me makinë në veriperëndim të Guadalajara, qyteti i dytë më i madh i Meksikës.

Një zjarr i madh shpërtheu në një fabrikë dhe depo mëngjesin e së enjtes në pjesën lindore të Moskës, tha Ministria ruse e Emergjencave.

Zjarri në rrugën “Martenovskaya” e ka përfshirë një zonë prej rreth 22.000 metrave katror, sipas njoftimit.

Rreth 120 zjarrfikës dhe 40 zjarrfikëse janë duke punuar për ta shuar zjarrin, tha Ministria.

Por përpjekjet për ta shuar zjarrin janë ndërlikuar nga prania e kontejnerëve të mbushur me lëng të djegshëm brenda ndërtesës.

Nuk u raportua për viktima, ndërsa shkaktari i zjarrit ende nuk dihet./ REL