Shkodër, 23 gusht 2025 – Një aksident rrugor është regjistruar rreth orës 19:00 në aksin “Shkodër–Koplik”, pranë urës së Vrakës.

Sipas informacioneve paraprake, shtetasi V. A., duke drejtuar automjetin e tij, dyshohet se ka humbur kontrollin mbi drejtimin e mjetit, duke bërë që automjeti të dalë nga rruga.

Si pasojë e aksidentit janë dëmtuar lehtë vetë drejtuesi i mjetit, si dhe pasagjerët K. A. dhe L. A., të cilët janë pjesëtarë të së njëjtës familje. Të dëmtuarit janë transportuar në spital dhe ndodhen jashtë rrezikut për jetën.

Grupi hetimor ndodhet në vendngjarje dhe po punon për sqarimin e plotë të rrethanave të aksidentit.

Një 30-vjeçar vrau 12 të afërm të tij, duke përfshirë babanë dhe vëllain e tij në Iran, një vrasje që ka tronditur vendin. Sipas agjencive iraniane të lajmeve, burri, identiteti i të cilit nuk u zbulua, qëlloi të afërmit me një kallashnikov në një fshat në provincën Kerman.

Pak më vonë ai u qëllua dhe u vra nga forcat e sigurisë.

Shkak i masakrës duket se ka qenë një “mosmarrëveshje familjare”. Vrasjet masive janë të rralla në Iran, ku qytetarët lejohen të kenë vetëm armë gjahu.

Dy vjet më parë, një punonjës i pushuar nga puna i një agjencie qeveritare në Iranin perëndimor qëlloi dhe vrau tre persona, plagosi pesë të tjerë dhe më pas vrau jetën.