Kushtrim Adem Jashari – “Pas rënies së Adem Jasharit, djali i tij, Kushtrimi, 13 vjeçar, mori automatikun dhe u nis në drejtim të një pozicioni tjetër në oborr, sepse policët serbë veç ishin futur në disa depo që i kishim. Në ballafaqim me ta Kushtrimi ka rënë midis dy shtëpive me automatik në dorë! Kur nuk mbeti më asnjë i gjallë, vet fillova të shkoj te trupat e secilit, duke i prekur dhe duke thirrur me zë mos kishte mbetur dikush gjallë. I thirrja në emër, por s’përgjigjej askush. Krejt kjo po zhvillohej kah fundi i luftës, në ditën e tretë të sulmit paradite” – Besarta Jashari

Nga libri 100 vrasjet më të bujshme në historinë e shtetit shqiptar (1912-2017

MALIQ- Një person në gjendje të rëndë shëndetësore është gjetur rreth orës 15:30 nga policia poshtë urës së Maliqit. Mësohet se policia ka konstatuar një person poshtë urës. Personi bëhet me dije se ishte në gjendje të rëndë shëndetësore dhe është dërguar menjëherë në spitalin e Korçës.

Ende nuk dihet se përse personi është plagosur ndërsa i plagosuri kishte humbur kontaktet me të afërmit që mbrëmjen e djeshme. Teksa policia po kryente kontrolle për të, ai u gjet i plagosur por gjallë. Policia ka nisur hetimet për të zbardhur ngjarjen dhe personat që mund të jenë përfshirë në plagosjen e personit.

Policia e Korçës dhe banorët e fshatit Panarit i shkuan në ndihmë një familje që kishte mbetur e bllokuar në aksin rrugor Mashkullorë – Backë.

Një çift bashkëshortësh me dy fëmijët e tyre ishin nisur nga Korça në drejtim të fshatit Backë dhe pasi kaluan majën e Mashkullorës, morën trasenë e rrugës të hapur kohë më parë nga TAP, për të shkuar drejt Backës së Skraparit.

Në mes të rrugës mjeti u ka pësuar defekt në kushte kur në rrugë rrashësia e dëborës ishte 5 cm dhe temperaturat -6 gradë Celsius.

Ka qenë kryefamiljari ai që i ka telefonuar një të afërmin e vet, i cili bashkë me dy persona të tjerë janë nisur për t’i ardhur në ndihmë bashkëshortëve dhe dy fëmijëve të tyre.

Në ngjitje të Majës se Mashkullorës e ka patur të pamundur për të vijuar rrugën për shkak të prezencës së akullit në rrugë.

Në këto rrethana, kanë vijuar rrugën në këmbë për t’u bashkuar me pjesën tjetër, por të shtatë kanë mbetur të bllokuar në rrugë.

Është dashur një tjetër telefonatë drejt policisë lokale, e cila bashkë me dy banorë të fshatit Panarit me një mjet fuoristrade, të cilët e kanë tërhequr familjen dhe personat e tjerë të bllokuar duke i sjellë në majë të Mashkullorës e prej andej, është bërë i mundur transporti i tyre drejt qytetit të Korçës.

Kreu i Partisë së Lirisë, Ilir Meta, i ndodhur prej një jave në qeli për akuzat korrupsion, pastrim parash dhe mos deklarim të pasurisë , ka zhvilluar sot takimin e tij të parë me familjen.

Metën e vizituan sot në qeli djali, vajza e tij dhe motra, pasi SPAK dha leje që ish-presidenti i Republikës të vizitohet në burg nga të afërmit.

Gjatë ditëve të pata te 313-a Meta ishte vizituar në burg vetëm nga avokati i tij, Genc Gjokutaj.

Prej disa ditësh tashmë mes Izraelit dhe grupit të Hamasit po zhvillohen luftime ku përdorimi i armëve, raketave dhe robërimi ka rënë i tëri “mbi kurrizin” e njerëzve të pafajshëm.about:blank

Të shumta janë rrëfimet e trishta që mbërrijnë nga vendi ku po zhvillohen ngjarjet përmes mediave ndërkombëtare.

I tillë ka qenë edhe rrëfimi i Valeria Goldenberg, një 26-vjeçare nga qyteti i Ashkelonit në Izrael, sipas BBC.

26-vjeçarja e gjendur në një “strehimohe” të improvizuar rrëfen se të shoqin e ka të punësuar në spital dhe nuk mund të largohet.

Gjithashtu ajo nuk e ka konsideruar opsionin e largimit pasi edhe familja e saj ndodhet atje, por shpreson që kjo situatë të përfundojë shpejt.

“Nuk ishte një opsion për t’u larguar. Unë kam prindër këtu në Ashkelon dhe im shoq punon në spital dhe nuk mund të largohet,” thotë ajo.

“Sinqerisht, nuk kam fjalë të mjaftueshme për të thënë, por ne të gjithë shpresojmë se do të përfundojë së shpejti,” shtoi 26-vjeçarja.