Verona, 3 korrik 2025 – Autoritetet italiane dhe shqiptare kanë zbuluar një skemë të sofistikuar të pastrimit të parave nga një familje mafioze shqiptare në Itali, duke sekuestruar pasuri me vlerë rreth 4 milionë euro në provincën e Veronës.

Operacioni i përbashkët mes Guardia di Finanza në Verona dhe Byrosë Kombëtare të Hetimit në Shqipëri ka zbuluar një nga rastet e para të riinvestimit në Itali të të ardhurave nga trafiku ndërkombëtar i drogës nga grupe mafioze shqiptare. Hetimi vuri në dukje se familja e dyshuar kishte përdorur fitimet e trafikut të drogës për të blerë prona dhe asete të tjera në zonën e Veronës, përmes një rrjeti të strukturuar pastrimi parash.

Sipas autoriteteve, Gjykata e Veronës ka lëshuar një urdhër paraprak për sekuestrimin e pasurive të paluajtshme, aksioneve të shoqërive tregtare dhe aseteve financiare në pronësi të kësaj familjeje shqiptare, me një total që kap vlerën prej afro 4 milionë eurosh. Ekzekutimi i masës ndalese është kryer në orët e para të mëngjesit të sotëm.

Më shumë detaje mbi operacionin do të bëhen publike gjatë një konference të përbashkët shtypi, përmes një lidhjeje video mes Kryeprokurorit të Veronës, Raffaele Tito, dhe kreut të Prokurorisë Speciale të Shqipërisë kundër Korrupsionit dhe Krimit të Organizuar, Altin Dumani, si dhe përfaqësuesve të Guardia di Finanza.

Genta Gjalpi, e njohur gjerësisht si “Genta e Big Brother” ka humbur gjyshin.

Ka qenë vetë ajo e cila ka ndarë disa orë më parë në Instagram lajmin e trishtë. Genta ka postuar shpeshherë foto me video me gjyshërit duke i bërë të njohur në rrjet.Shoqëruar me disa momente krah tij, Genta shkruan:

“Nuk kam fjale ta pershkruaj sa bosh ndjehem, se mendoja kurre se do vinte kjo dite. Nuk e mendoj se do vij ne shtepi dhe nuk do jesh me te dera duke me pritur, ma le gjyshen vet u U PREHSH NË PAQE GJYSH”.