Një ngjarje tragjike ka tronditur komunitetin e alpinistëve dhe ndjekësit në rrjete sociale.

Influencuesi i njohur për pasionin e tij ndaj alpinizmit, Balin Miller, vetëm 23 vjeç, humbi jetën gjatë një transmetimi të drejtpërdrejtë.

Miller po ngjitej në El Capitan, formacionin e famshëm shkëmbor në Parkun Kombëtar Yosemite në SHBA, kur ndodhi aksidenti fatal. Vdekja e tij u konfirmua nga nëna, Jeanine Girard-Moorman, e cila me një mesazh prekës në “Facebook” shprehu dhimbjen e thellë për humbjen e djalit:

Ai nisi ngjitjet që kur ishte fëmijë. Zemra dhe shpirti i tij ishin vetëm për këtë pasion.

Nuk kishte të bënte me paranë apo famën, por me dashurinë për ngjitjen. Me zemër të thyer më duhet të them se djali im i mrekullueshëm, Balin, vdiq gjatë një aksidenti ngjitjeje. Zemra ime është copëtuar në një milion pjesë. Nuk e di si do ta përballoj. E dua shumë dhe do të doja të zgjohem nga ky makth.”

Sipas dëshmive, Miller kishte arritur majën e shkëmbit, por u detyrua të kthehej për të marrë çantat e tij që kishin ngecur. Teksa po përpiqej t’i ngrinte lart, ai humbi ekuilibrin dhe u rrëzua.

Pamjet e transmetimit “live” tronditën mijëra ndjekës, të cilët u bënë dëshmitarë të momentit fatal. Një nga fanset, Michelle Derrick, shkroi:

“Ai arriti majën, por duhej të merrte çantat që kishin ngecur. Gjatë përpjekjes humbi ekuilibrin dhe ra. Të gjitha këto ndodhën para syve tanë, në transmetim të drejtpërdrejtë.”

Tragjedia e Balin Miller ka prekur thellë komunitetin e alpinizmit dhe ngriti sërish pikëpyetje mbi rreziqet ekstreme të sporteve të aventurës, veçanërisht kur ato ndahen në kohë reale në rrjetet sociale.

Ikona e wrestling-ut vdiq në moshën 71-vjeçare në korrik, pas një arresti kardiak.

Vetëm pak ditë para vdekjes, Hogan pati një bisedë të shkurtër dhe emocionale me vajzën e tij, Brooke Hogan, pas vitesh mungese komunikimi.

Por detajet e testamentit tregojnë një realitet të dhimbshëm: Brooke nuk figuron si përfituese në pasurinë e babait të saj.

Çfarë la pas Hulk Hogan?

Sipas dokumenteve të dorëzuara në gjykatë nga djali i tij, Nick Hogan, dhe publikuara nga US Weekly, pasuria totale e Hulk Hogan vlerësohet në rreth 5 milionë dollarë. Ai la:

$2,000 në kriptomonedha

Rreth $800,000 në asete personale dhe të drejta pronësore

Të drejta publike dhe imazhi me vlerë $4 milionë

Megjithatë, Nick nuk përfshiu pronat e paluajtshme, edhe pse dihet se Hulk zotëronte dy rezidenca luksoze në Clearwater, Florida, me një vlerë të përbashkët rreth $11 milionë.

Familje e ndarë, testamente të ndryshuara

Në dokumente, Nick figuron si përfituesi i vetëm i pasurisë, ndërsa gruaja e tretë dhe e veja e Hogan, Melanie Sky Daily, është listuar si bashkëshortja e mbijetuar.

Nick deklaron se babai i tij kishte hartuar një testament që në vitin 2016, të cilin e kishte ndryshuar katër herë, me përditësimin e fundit të bërë në korrik 2023, vetëm një vit para vdekjes.

Sipas burimeve pranë familjes, Brooke kishte kërkuar vetë të hiqej nga testamenti, për shkak të mosbesimit ndaj rrethit të njerëzve që rrethonin babain e saj.

Rrëfimi emocional i Brooke: “Më zhytën në errësirë”

Pesë ditë pas lajmit për ndarjen nga jeta të Hulk Hogan, Brooke publikoi një mesazh prekës në Instagram, ku ndau ndjenjat e saj të përziera për marrëdhënien me të atin.

“Nuk jemi ‘zënë’ kurrë me babain tim. Ishin telefonata private që askush s’do t’i dëgjojë apo kuptojë ndonjëherë,” – shkroi ajo.

Brooke tregoi se ndjehej e përjashtuar nga jeta e të atit në vitet e fundit, sidomos gjatë operacioneve të shumta që ai kishte kaluar. “Kemi kaluar rreth 25 operacione së bashku, por papritur nuk më donte më pranë.”

Në një intervistë në mars, ajo rrëfeu se marrëdhëniet me të dy prindërit ishin shkatërruar dhe se kishte qenë viktimë e fjalëve të dhimbshme nga anëtarët e familjes.

“Familja ime është shumë e aftë në ‘luftë’. Kam kërkuar normalitet, por kurrë nuk erdhi. Kam vendosur kufij që nuk janë respektuar. Kjo është një vendim i dhimbshëm, por i domosdoshëm.”

Testamenti i Hulk Hogan duket se është dëshmia e fundit e një familjeje të ndarë, ku pasuria, fama dhe dhimbja janë ndërthurur në një trashëgimi që shkon përtej parave.

Një zhvillim i papritur mësohet të ketë ndodhur pak minuta më parë në shtëpinë e Big Brother VIP Albania.

Fansat në rrjete sociale raportojnë se Gjesti ka kapërcyer murin në oborr dhe pastaj është rikthyer në shtëpi.

Poashtu raportohet se banorëve i janë fikur mikrofonët.

Fansat e kanë komentuar si shenjë revolte për kthimin e G-Banit dhe Jozit teksa Rozana me ironi është shprehur në bisedë me Laertin: “Do dalim të pimë edhe ne një kafe te blloku”.

Gjesti një veprim të ngjashëm e kishte bërë edhe në BBVK. Ai pati dalë teknikisht jashtë shtëpisë duke u futur tek zona e koshit të mbeturinave që është jashtë perimetrit të oborrit të shtëpisë.

Këngëtari shkodran Luiz Ejlli, ka zbuluar përmes rrjeteve sociale se tashmë ka gati katër këngë. Ai thotë se meqë po vjen shtatori me ndryshimin e kohës do të vijnë edhe baladat.

Fituesi i Big Brother VIP Albania 2 thotë se po vjen edhe një bashkëpunim me Teuta Selimin. Për këtë, ai ka falënderuar Fifin që i ka shkruar tekstin dhe ka bërë muzikën e këtij projekti.

“Me ardhjen e shtatorit, vijnë edhe shirat. Po në të njëjtën kohë vijnë edhe baladat, unë i kam të mbaruara mbi katër këngë”, u shpreh ai, duke thënë “është një duet me Teuta Selimin, teksti Fifi, muzika 90 për qind Fifi dhjetë për qind unë”.

Luiz Ejlli vazhdon të jetë një nga artistët më të preferuar të momentit.

Debatet duket se ja kanë lënë vendin batutave, këtë pasdite në shtëpinë e “Big Brother Vip”. “Vëllai i Madh” ka vendosur t’i motivojë banorët me mesazhe të bukura dhe pozitive nga fansat, ndjekësit apo të afërmit e tyre.

Heidi gjithashtu u surprizua teksa lexonte në monitor disa komplimente që ka marrë nga “adhurues” të saj. Njëri prej tyre, Bledi nga Dubai shkruan se e ka parë nga afër Heidin dhe teksa tashmë ajo është një nga banoret më simpatike të këtij sezoni, ka gjetur rastin t’i thotë se e ka pëlqyer shumë dhe ka shprehur interesin që ta takojë sërish por me fitore.

Teksa lexonte këtë mesazh, Heidi ka shpërthyer në të qeshura nga reagimi i Romeos i cili gjithashtu falenderoi “Bledin” për komplimentin që i bëri Heidit.

Pasditen e sotme, Luiz Ejlli, fituesi i ‘BBV2’, ka lancuar projektin e tij muzikor më të ri i cili mban titullin ‘Kce’.

Këtë herë ai nuk vjen me një bashkëpunim, por me një projekt të krijuar nga Çelik Lipa, që me siguri do të korr një sukses të jashtëzakonshëm.