Pak ditë pasi Tedi Blushi konfirmoi krijimin e grupit parlamentar te Partisë së Lirisë, kryerepublikani Fatmir Mediu deklaron se janë në bisedime me Partinë Demokratike për të krijuar edhe grupe te tjera opozitare.

Jo vetëm Ilir Meta, edhe aleatët historik të Partisë Demokratike presin që Sali Berisha tu bëjë nderin e fundit.

Në prag të legjislaturës së re, Fatmir Mediu konfirmoi bisedimet me Partinë Demokratike qe mban hapur merkaton e transferimit te deputeteve brenda kampit opozitar. Për kryerepublikanin konfigurimi i opozitës në Parlament bëhet jo vetëm për qëllim te përfitimit te benefiteve që gëzojnë grupet kuvendore.

“Kemi bërë konsultime ideja është që të ketë dy tre grupe parlamentare që të funksionojnë me qëllime dhe qëndrime të përbashkëta opozitare nuk mund të ketë grupe parlamentare që krijohen thjesht për t’i dhënë hapësira për të folur, por për të vepruar në mënyrë të përbashkët. Qëndrimet që mbahen ne mbledhjen e Kryesisë së Kuvendit dhe sallën e Kuvendit kanë vlerë kur ka grupe parlamentare të ndryshme nëse janë qëndrime që koordinohen me njëri-tjetrin”, u shpreh Mediu për Top Channel.

Sali Berisha duhet të nxitojë t’i japë zgjidhje jo vetëm dilemës se grupeve kuvendore, por edhe raportit që Partia Demokratike do ketë me Kuvendin e ri që në bindjen e kryedemokratit është produkt t i një farse elektorale.

Por, në një kohë që demokratët janë ende të paqartë për aksonin e shtatorit, jashtë oborrit blu, idetë nuk mungojnë se cila duhet te jetë marrëdhënia e opozitës më parlamentin.

“Që është një farsë elektorale kjo është e qartë dhe është e dëshmuar edhe nga raporti i OSBE/ ODIHR, por unë mendoj se opozita ka detyrën e vet për ta kthyer parlamentarizmin shqiptar në bazë ligjore dhe Kushtetuese. Dhe e është provuar se çdo lloj bojkoti nuk ka qenë asnjëherë efektiv. Dhe brenda kësaj duhet të jetë e ashpër sepse kemi të bëjmë me situatë të papranueshme, por duhet të jetë e logjikshme që shqiptarët ta kuptojnë sa më mirë”, tha kreu i PR-së.

Koalicioni opozitar ia doli të sigurojë vetëm 50 mandate ne zgjedhje. Sali Berisha vendosi ti strehojë në listë të sigurtë aleatët, të cilët nëse bëheshin të gjithë bashkë, arrinin numrin 7, që përbën kuotën minimale për formimin e një grupi parlamentar, por doktori vendosi që nderin me te madh t’ia bëjë Ilir Metës.

Ekuacioni për krijimin e grupeve te tjera vështirësohet pasi krahas republikaneve dhe agrarëve, aleanca e Partisë Demokratike përfshin edhe përfaqësuesin e grekëve, Vangjel Dule dhe Mesila Dodën e çamëve.

Një magazinë në fshatin Këllëz, në bashkinë Gjirokastër është përfshirë nga flakët.

Raportohet se si pasojë e flakëve janë djegur materiale pune dhe një ton raki, ndërsa fatmirësisht nuk ka pasur dëme në njerëz.

Shkaku i zjarrit mendohet të ketë qenë një shkëndijë elektrike, ndërsa flakët të cila u përhapën shpejt si shkak i erës së fortë, janë vënë nën kontroll falë ndërhyrjes së shpejtë nga forcat zjarrëfikës.

Kryetari i Partisë Republikane, Fatmir Mediu, ka reaguar pak orë para nisjes së protestës kombëtare të thirrur nga opozita. Përmes një deklarate për shtyp, Mediu renditi disa arsye për të cilat qytetarët duhet të bëhen pjesë e protestës. Ai tha se qytetarët duhet të protestojnë për veten, për familjen e tyre dhe për Shqipërinë.

“Sot ata ndihen të pashpresë dhe të braktisur. Nuk ka as shtet, as Kushtetutë, por vetëm një grup njerëzish që qeverisin pa ligj dhe punojnë çdo moment, vetëm për interesat e tyre dhe jo të shqiptarëve. Nuk qeveriset me ligj dhe norma, por me urdhra dhe për interesa okulte klanore. Fjala e lirë është mbytur nga frika e humbjes së vendit të punës, nga presioni i pushtetit dhe kontrolli i mediave. Departamenti i Shtetit, në raportin e tij, ka deklaruar se; Shqipëria është problem për pastrimin e parave dhe trafikun e drogës, me lidhje që nga kartelet e drogës në Amerikën latine dhe influencë në Europë dhe Britani.

OSBE/ODHIR deklaron se; nuk ka zgjedhje të lira, nuk bëhet reformë zgjedhore. Administrata është shkatërruar dhe është në funksion të qeverisë. Ka vetëm një pushtet mbi ligje mbi Kushtetutë, mbi gjyqësor, dhe ky është pushteti i një njeriu të vetëm, Ramës. Të gjithë në protestë, për familjen tonë dhe Shqipërinë”, theksoi ndër të tjera Mediu.

Në këtë Asamble, të gjithë diskutantët, kërkuan domosdoshmërinë e kthimit të së djathtës në vlerat e veta të Besimit, Familjes, Pronës, mbështetjes së biznesit dhe interesit kombëtar.

Ata theksuan se Ballkani është në rrezik, por rreziku më i madh për Shqipërinë është korrupsioni dhe krimi i organizuar.

Kryetari i Partisë Republikane Mediu theksoj se: Përballë një qeverie që ka larguar afërsisht 1 milion shqiptarë dhe që ka shkatërruar zgjedhjet e lira dhe të ndershme, ka qëllim shkatërrimin e opozitës.

Opozita duhet të bashkohet dhe të bashkojë shqiptarët, si rruga e vetme për t’u përballur me të keqen.

Federata e opozitës duhet të jetë vendi ku mblidhen gjithë partitë opozitare, sepse çdo ndarje e opozitës, i jep mundësi Edi Ramës dhe socialistëve, që të qeverisin edhe pse shumica e shqiptarëve janë kundër tij.

Federata duhet të kthehet në një koalicionit opozitar, me programin, logon e saj dhe burimi që bashkon shqiptarët kudo që janë.

Kjo Federatë duhet të ndërtojë marrëdhëniet me partnerët tanë SHBA, NATO dhe BE, duke bërë të qartë se; një nga problemet e mëdha, krahas Sërbisë, Rusisë dhe Kinës, është pikërisht mungesa e demokracisë në Shqipëri, korrupsioni dhe krimi i organizuar, i lidhur me qeverisjen.

Opozita duhet të ndërtojë një marrëdhënie të qartë brenda vetes, ku gara dhe konkurimi, vendos kush duhet të jetë në parlament apo qeveri dhe jo liderët e partive.

Reforma zgjedhore duhet t’i garantojë koalicionit e opozitës, garën me lista të hapura, votën e diasporës, ndëshkimin e partive dhe deputetëve që manipulojnë zgjedhjet.

Opozita duhet ti japë mundësi të rinjve dhe të rejave, intelektualëve, kudo që janë në Shqipëri, Amerikë, Kanada, Europë, duhet t’i bëjë ata pjesë e drejtimit dhe ndryshimit të politikës, të krijojë shpresë dhe besim.

Përfundon seanca për ish-ministrin Fatmir Mediu, i cili po hetohet për shpërdorim detyre për çështjen ‘Gerdeci’. Gazetarja Klodiana Lala raporton për BalkanWeb se SHBA ka sjellë letërporosi, sipas se cilës kërkohet pyetje e 5 shtetasve amerikanë.

Ish-ministri Mediu tha për mediat se kërkuan ekspertim për të përcaktuar shkakun e shpërthimit. “Kërkuam ekspertim për shkakun e shpërthimit në Gërdec, është interes i shqiptarëve të marrin vesh pse ka ndodhur ngjarja në Gërdec. Ekspertët amerikanë dhe prokuroria kanë thënë që shkaqet janë të pamjaftueshme.”, tha ai.