-Mami, mund të më ndihmosh të lidh këpucët, të lutem?

-Mund ta bësh vetë bija ime.

-Po psee? Nënat e tjera ua lidhin fëmijëve këpucët.

-Unë ta kam treguar se si lidhen, tani do të ta tregoj dhe një herë të fundit, por pastaj duhet ta bësh vetë… Shiko me kujdes, ja kështu lidhen.

-Por ti më lidhe vetëm një këpucë! Po tjetrën?

-Ti më kërkove ndihmë dhe unë ta dhashë. Mund ta lidhësh vete tjetrën.

-Nuk e bëj dot, nuk jam e zonja.

-Je e sigurt?

-Po

-E ke provuar?

-Ti e di që e kam provuar, nuk mundem.

-Ndoshta nuk mundesh për fajin se nuk je përpjekur mjaftueshëm?

-Ti nuk më do mua.

Vërtet mendon se dashuria nënkupton që një nënë gjithmonë duhet t’i bëjë vetë ajo gjërat për fëmijën e saj? Jo kështu, zemra ime. Unë mund të të mësoj se si të lidhësh këpucët, por duhet të jesh t’i që ta bësh atë. Në jetë nuk do të jem gjithmonë me ty.

Një ditë do ta gjesh veten duke u përballur me situata shumë më të vështira se sa një lidhje këpucësh. Dhe përballë atyre situatave mbase unë nuk do jem të të mësoj si ti kalosh.

Do duhet të bësh gjithçka vetë dhe do duhet të bësh shumë tentativa para se të kapërcesh një pengesë.

Nuk duhet që të heqësh dorë!

Ti kurrë nuk duhet të dorëzohesh!

Nuk dua që ti të thuash se nuk mund ta bësh diçka.

Beso në veten tënde, në çdo ditë të jetës.

Asnjëherë mos dysho tek vetja. Provo, provo përsëri, provo derisa të mund t’ia dalësh në rrugën tënde, dhe më në fund t’i thuash botës që ja dole mbanë.

Pak ditë më parë në media qarkulluan lajme që ngrinin dyshime se Rike Roçi ishte në pritje të ëmbël.

Këtë mbrëmje në Top Arena ajo i ka “vënë kapak” këtij dyshimi.

“Këto dyshime lindën se kam bërë një foto në plazh që kam pasur një ‘pareo’, shami te barku… nuk jam shtatzënë, do doja shumë, është një nga ëndrrat e mia të bëhem nënë, por nuk është e vërtetë.

Mendoj se së pari duhet gjetur dashuria për të bërë një fëmijë, do doja shumë shpejt të bëhem mami. Do jem një mami shumë e ëmbël”, tha ajo.

Nuk ka dyshim që prindërit me fëmijë të vegjël ndihen të rraskapitur gjithë kohës! Të rriturit e pinë kafenë si një zakon të përditshmërisë ose si nevojë për të marrë dozën e duhur të energjisë. Por, a është e këshillueshme kafeina për nënat që kanë fëmijët në gji?

Ekspertët rendisin disa arsye në lidhje me kafenë dhe gjidhënien, nga përcaktimi i kohës kur duhet konsumuar, tek sasia dhe rreziqet e mundshme që mund të sjellë kafeina tek foshnja që ushqehet me qumësht gjiri.

A është e sigurt kafeina gjatë ushqyerjes me gji?

Nëse po ushqeni me gji bebin, mund të keni dëgjuar se duhet kujdes edhe se çfarë hani dhe pini për shkak se si mund të ndikojë kjo tek foshnja. Ka shumë pak ushqime nga të cilat nënat që ushqejnë me gji duhet të shmangin plotësisht dhe kjo përfshin ushqime dhe pije që përmbajnë kafeinë, sipas Qendrës për Kontrollin dhe Parandalimin e Sëmundjeve.

Kafeina konsiderohet e sigurt gjatë ushqyerjes me gji”, thotë Andrea L. Braden, mjeke gjinekologe.

Sipas Dr. Braden, nuk ka shumë  studime që vërtetojnë lidhjen mes kafeinës dhe ushqyerjes me gji, por shumica e ekspertëve thonë se duhet pirë sasi e moderuar kafeje gjatë kësaj periudhe.

Për sa kafeinë kanë nevojë nënat gjatë ushqyerjes me gji?

CDC(Qendra për Kontrollin dhe Parandalimin e Sëmundjeve) rekomandon që nënat që ushqejnë foshnjat me gji të konsumojnë jo më shumë se 300 miligramë kafeinë në ditë. Kjo llogaritet nga dy deri në tre filxhanë kafe e përgatitur në shtëpi. “Një aspekt tjetër që duhet kujdes është koha e konsumimit të kafesë”, thotë Dr. Jessica Madden, specialiste për ushqerjen me gji.

“Nivelet e kafeinës janë më të larta në qumështin e gjirit 60 deri në 120 minuta pas pirjes së kafesë, kështu që është e këshillueshme të ushqeni foshnjën me gji ose të pomponi qumështin para se të pini kafe”, shpjegon ajo. Kafeja nuk është i vetmi burim i kafeinës, ndaj duhet të shihni edhe produktet e tjera në dietën ushqimore që e përmbajnë atë, nga pijet energjike, çokollata dhe çaji.

Rreziqet e sasisë së madhe të kafeinës gjatë ushqyerjes me gji

Kur merrni më shumë kafeinë se doza ditore e lejuar, kjo mund të ketë pasoja dhe efekte negative tek fëmija. “Ashtu si të rriturit, foshnjat mund të zhvillojnë simptoma nëse konsumojnë shumë kafeinë“, thotë Dr. Madden. Ja disa prej këtyre pasojave:

1. Fëmijë i irrituar dhe hiperaktiv

Sipas CDC, hulumtimi ka zbuluar se sasitë e tepërta të kafeinës tek nënat që ushqejnë foshnjat me gji mund të çojnë në simptoma si nervozizëm dhe shqetësim. Kjo ndodh kur prindërit konsumojnë gati 10 filxhanë kafe në ditë(një sasi rekord).

2. Problemet e gjumit

Siç vërehet në një studim të LactMed, ka disa raporte ku thuhet se foshnjat që ushqehen me gji shfaqnin probleme me gjumin kur nëna konsumonte nivele të larta kafeine. Simptomat përfshinin zgjimin e shpeshtë, reduktimin e orareve të gjumit, etj.

3. Mungesa e hekurit

Ka disa prova që konsumimi i kafeinës mund të ndikojë në përmbajtjen e hekurit në qumështin e gjirit. “Marrja e kafesë prej 450 mililitrash mund të shoqërohet me pakësimin e hekurit dhe mund të çojë në anemi tek disa foshnje”, shpjegon Dr. David Berger, pediatër në SHBA.

Një vajzë është gjetur e plagosur me thikë në mes të rrugës në Patra të Greqisë. Protothema shkruan se e reja e cila është dërguar në spital për mjekim.

Bëhet fjalë për një 25-vjeçare, e cila u godit me thikë nga partneri i saj në sy të fëmijës së tyre.

“Mami im… ai të vrau… Ndihmë”, tha fëmija i vogël.

Ajo u dërgua në gjendje të rëndë në spital. Sakaq mësohet se i dashuri i saj ka qenë i dehur kur e ka qëlluar atë me thikë.

Policia greke është vënë në kërkim të tij ndërsa e reja ndodhet në gjendje kritike për jetën.