Një aksident rrugor është regjistruar mbrëmjen e sotme në rrugën e spitalit Memorialit në Fier.

Në aksident janë përfshirë dy automjete, një “Mercedes “dhe një “Toyota.”

Si pasojë e përplasjes, njëra prej makinave ka përfunduar në kanal, ndërsa tjetra ka pësuar dëmtime në pjesën e përparme.

Dy persona kane mbetur të lënduar dhe janë dërguar për mjekim në spitalin rajonal Fier, ndërkohë policia ndodhet në vendngjarje dhe po punon për të sqaruar rrethanat e aksidentit.

Një aksident me pasojë vdekjen ka ndodhur pak minuta më parë në fshatin Kallm i Vogël.

Viktimë ka mbetur 63-vjeçari Baftjar Buzi.

Sipas të dhënave paraprake, dyshohet se ai ka pësuar një arrest kardiak gjatë drejtimit të automjetit, duke humbur kontrollin dhe duke përfunduar në një kanal pranë rrugës.

Policia ndodhet në vendngjarje dhe po punon për të zbardhur shkaqet e plota të aksidentit.

FIER- Një zjarr ka rënë pranë hekurudhës Fier-Vlorë, ndërsa flakët kanë djegur disa trarë prej truri. Sipas raportimeve tymi ka mbuluar zonën përreth, ndërsa flakët janë afër disa banesave.

Dyshimet janë për zjarrvënie të qëllimshme, ndërsa në vendngjarje për shuarjen e zjarrit janë dy mjete dhe reparti zjarrfikës i Fierit.

Efektivi i policisë nga Fier, Klaidi Mustaj, është kthyer në “heroin e ditës” pasi mbrëmjen e kaluar rrezikoi jetën për të shpëtuar katër persona që udhëtonin me një automjet tip “Benz”, i cili u përmbys në Qafën e Koshovicës.

Mustaj ndodhej rastësisht pranë vendit të ngjarjes dhe ndërhyri menjëherë, duke i nxjerrë të lënduarit nga mjeti që rrezikonte të shpërthente në flakë. Fillimisht ai arriti të shpëtojë një fëmijë, ndërsa brenda pak sekondash shuajti zjarrin dhe më pas nxori shoferin dhe pasagjerët e tjerë.

“Nuk mund ta quaj veten hero, pasi çdo punonjës policie është i trajnuar për situata të tilla dhe duhet të veprojë me humanizëm dhe gjakftohtësi”, është shprehur ai për mediat. Mustaj tha se nuk mendoi as për jetën e tij teksa dëgjonte thirrjet për ndihmë nga brenda mjetit.

29-vjeçari, i cili është edhe jurist dhe në përfundim të studimeve Bachelor, ka marrë falënderime nga qytetarë, drejtues të policisë dhe madje edhe nga Kryeministri. Ai theksoi se do të vepronte njësoj në çdo situatë të ngjashme, brenda ose jashtë shërbimit.

Në fund, ai bëri apel për të gjithë drejtuesit e automjeteve që të respektojnë rregullat e qarkullimit rrugor, duke kujtuar se “një gabim i vogël mund të ketë pasoja fatale”. /noa.al

5 Gusht 2025 – Aksident zinxhir në autostradë, dy të plagosur dhe dëme të mëdha materiale

Një aksident i rëndë me përfshirjen e disa mjeteve është regjistruar këtë pasdite në autostradën Tiranë–Durrës, pranë zonës së njohur si “Pushimi i Shoferit”.

Në aksident janë përfshirë pesë automjete dhe një autobot, çka ka shkaktuar përplasje të forta dhe dëme të konsiderueshme materiale. Si pasojë, dy persona kanë mbetur të plagosur dhe janë transportuar menjëherë drejt spitalit për ndihmë mjekësore.

Në vendngjarje kanë mbërritur shërbimet e Policisë Rrugore, të cilat kanë dhënë ndihmën e parë, kanë bërë sigurimin e zonës dhe po punojnë për zbardhjen e plotë të shkaqeve të aksidentit.

Lëvizja në segmentin ku ndodhi ngjarja ka pasur vonesa të përkohshme për shkak të grumbullimit të automjeteve, ndërsa autoritetet bëjnë apel për kujdes të shtuar në drejtim të mjetit dhe respektim të rregullave të qarkullimit.

Pasditen e sotme në qytetin e Fierit janë konstatuar dy vatra zjarri, konkretisht, njëra në afërsi të fshatit Daullas dhe tjetra në periferi të qytetit. Flakët kanë përfshirë sipërfaqe të mëdha me toka bujqësore dhe kallamisht, ndërsa re të dendura tymi janë përhapur mbi zonat e banuara.

– Advertisement – Në vendngjarje janë paraqitur forcat zjarrfikëse, të cilat po punojnë për vënien nën kontroll të zjarreve. Mësohet se ndërhyrja e tyre po vështirësohet nga era e fortë e cila ndihmon përhapjen e flakëve.

Ende nuk janë përcaktuar shkaqet e rënies së zjarreve, ndërkohë, autoritetet u bëjnë apel qytetarëve që të shmangin çdo veprim që mund të çojë në ndezjen e zjarreve, veçanërisht në këto kushte të thata dhe me temperatura të larta.

Nje automjet tip kamionçinë eshte perfshire nga flakët ne autostraden Lushnje- Fier, prane fshatit Vajkan.

Burimet policore bëjnë me dije se automjeti i drejtuar nga Alesio Neli , banues në Tiranë ka marrë flakët në ecje , ndërsa fatmirësisht drejtuesi i cili udhetonte i vetëm në mjet nuk ka pësuar lëndime.

Në vendngjarje kanë shkuar dy mjete zjarrfikëse, një ambulancë dhe policia , ndërsa kamioncina pavaresisht nderhyrjes per shuarjen e flakeve, eshte shkrumbuar totalisht. Paraprakisht dyshohet per nje difekt si shkaktar i zjarrit.

Katër persona janë vënë në pranga si pjesë e një grupi të strukturuar kriminal që vepronte në Fier e Lushnje për trafikimin e armëve si dhe prodhimin, shitjen dhe kultivimin e lëndëve narkotike.

Përfaqësues të prokurorisë dhe policisë së Fierit bënë me dije se hetimet për këtë grup zgjatën për gjashtë muaj.

Përveç Fierit e Lushnjes, grupi vepronte dhe jashtë këtij qarku, në Durrës, Shkodër e Kukës.

Siç bëri me dije drejtori i policisë së Fierit, Skënder Hita, në disa raste armët siguroheshin nga Kosova dhe futeshin ilegalisht përmes kufirit të gjelbër në Morinë.

Më 2 Qershor janë zhvilluar 13 kontrolle në ambiente banimi, automjete, magazina dhe sipërfaqe toke ku janë gjetur municione, armë zjarri dhe lëndë narkotike.

Janë sekuestruar: 4 mijë fidanë kanabis, 5 mijë fara kanabis, tre armë zjarri automatike, dy armë gjahu, një pistoletë, 636 fishekë të kalibrave të ndryshëm, dy radio si të policisë, dy uniforma policie, një maskë plastike me paruke, tre automjete dhe dhjetë celularë.

Sa i përket të arrestuarve, ata janë persona me rrezikshmëri të theksuar shoqërore dhe me precedentë të mëparshëm në fushën e lëndëve narkotike.

Të arrestuarit janë:

Boran Buzi – 48 vjeç, banues në Kallm, Fier, i dënuar më parë në Itali, me 30 vjet burgim, për veprat penale “Shfrytëzimi i prostitucionit” dhe “Armëmbajtja pa leje”;

Niko Osma – 53 vjeç, banues në Durrës, me precedent penal në fushën e armëmbajtjes pa leje;

Qamil Shurdhi – 48 vjeç, banues në Lushnjë, i dënuar më parë për veprimtari kriminale në fushën e narkotikëve dhe të armëmbajtjes pa leje;

Besim Buzi – 33 vjeç, banues në Divjakë.

Ndërkohë u procedua në gjendje të lirë një 51-vjeçar nga fshati Peshtan i Fierit, i arrestuar më parë për kundërshtim të efektivëve të policisë.

“Nga hetimet rezulton se ky grup vepronte i organizuar, me qëllim trafikimin e armëve nga Kosova në Shqipëri, për t’i shitur më pas tek individë të përfshirë në veprimtari kriminale. B. B dhe Q. Sh. ishin organizatorët e grupit. Anëtarët e tjerë kishin rol në sigurimin e armëve dhe në gjetjen e klientëve. Njëkohësisht, kryetari i grupit, B. B., organizonte kultivimin dhe më pas shitjen e kanabisit”, tha drejtori i Policisë së Fierit, Skënder Hita.

Autoritetet thonë se operacioni i koduar “Procedimi” është në vijim për të identifikuar dhe kapur personat e tjerë që mund të jenë përfshirë në këto veprimtari kriminale.

Një aksident me pasojë vdekje ka ndodhur rreth orës 10:00 në zonën e njohur si “Zogu i Zi” në Fier.

Sipas informacioneve zyrtare, një automjet i drejtuar nga një 23-vjeçar me banim në Fier ka përplasur një këmbësor 82-vjeçar, i cili për shkak të plagëve të marra ka ndërruar jetë.

Drejtuesi i mjetit është shoqëruar në komisariat dhe ndaj tij po kryhen veprimet procedurale nga autoritetet.

Pas Shkodrës, agjentët e Byrosë Kombëtare të Hhetimit dhe SPAK po zhvillojnë aksion edhe në Fier.

Mësohet se janë kryer kontrolle në disa subjekte, ku janë sekuestruar telefona dhe pamje filmike, bëjnë me dije burimet e gazetares së Top Channel, Anila Hoxha, në lidhje me krimet zgjedhore. Deri më tani, SPAK ka nisur hetimet për 39 çështje që lidhen me krimet zgjedhore, ndërsa në prokuroritë e vendit janë regjistruar 87 kallëzime.

Deri më tani janë arrestuar në flagrancë 7 persona për veprat penale në fushën e zgjedhjeve, 4 në Prokurorinë Tiranë, 1 në Prokurorinë e Elbasanit, 1 në Prokurorinë e Lezhës dhe 1 në Prokurorinë e Fierit.