Një zjarr i madh ka përfshirë masivin pyjor të Darëzezës, me flakët që po përhapen me shpejtësi për shkak të erës.

Sipas informacioneve paraprake, në vendngjarje janë dërguar katër mjete zjarrfikëse, të cilat po punojnë për shuarjen e flakëve.

Mësohet se zjarri është aktiv në tre vatra.

Teksa forcat zjarrfikëse po punojnë për të vënë flakët nën kontroll, gjatë orëve në vijim pritet një njoftim zyrtar.

Shtyhet seanca gjyqësore për inceneratorin e Fierit.

Lajmi konfirmohet nga burimet për media, teksa shkak i shtyrjes është bërë pasi palët janë tek inceneratori i Elbasanit.

Ndërkohë po zhvillohet seanca gjyqësore për inceneratorin e Elbasanit, ku SPAK kërkoi në Apelin e Posaçëm ndryshimin e vendimit të shkallës së parë, që shpalli të pafajshëm për akuzën “shpërdorim detyre” ish deputetin socialist Alqi Bllako dhe ish ministrin e Mjedisit Lefter Koka.

Një 66-vjeçare është arrestuar nga policia në Fier pasi ka tentuar që të fusë drogë brenda burgut për një të afërm të sajin.

Pas kontrollit, policia i gjeti Limoza Xhelalit, 32.45 gram kanabis, që u sekuestrua nga policia.

Lënda narkotike ishte fshehur në pjesën e atleteve të 66-vjeçares, e cila ishte përgatitur për ta takuar të paraburgosurin Mariglen Gashi, i arrestuar për vjedhje.

Forcat e policisë në Lushnjë kryen edhe kontrolle në banesën e saj, por nuk gjetën sende të kundraligjshme.

66-vjeçarja u arrestua dhe akuzohet për Futja ose mbajtja e sendeve të ndaluara në IEVP” dhe “Prodhim dhe shitje e lëndëve narkotike”.

Prokuroria Fier sekuestron pasuri me vlerë rreth 1.8 milion euro të shtetasit A.M., të dyshuara se burojnë nga veprimtari kriminale Prokuroria pranë Gjykatës së Shkallës së Parë të Juridiksionit të Përgjithshëm Fier, ka regjistruar procedimin penal nr. 1162 të vitit 2020, për veprën penale “Pastrimi i produkteve të veprës penale ose veprimtarisë kriminale” parashikuar nga nenin 287 i Kodit Penal. Ky procedim është regjistruar në bazë të referimit të Drejtorisë Vendore të Policisë Fier për shkak të dyshimit të krijuar se shtetasi A.M. është i përfshirë në veprimtari kriminale në fushën e trafikimit të lëndëve narkotike dhe veprimeve të kryera për të mbuluar origjinën reale të pasurive në zotërim të drejtpërdrejte apo të tërthortë prej tij.

Në funksion të procedimit penal, Prokuroria Fier, në bashkëpunim me shërbimet e policisë gjyqësore të Drejtorisë Vendore të Policisë Fier, ka kryer verifikim të plotë të veprimeve ekonomike dhe juridike të shtetasit A.M. dhe/ose peronave të lidhur me të, me qëllim evidentimin e pasurive që këto persona zotërojnë/posedojnë, si dhe nëse këta persona kanë pasur burimeve të ligjshme për krijimin e pasurive. Pas kryerjes së verifikimeve dhe ekspertimit kontabël të tyre, ka rezultuar se ato nuk kanë burime të ligjshme për krijimin e pasurisë në zotërim apo posedim të tyre.

Mbështetur në të dhënat e administruara për llogari të procedimit penal, Prokuroria pranë Gjykatës së Shkallës së Parë Juridiksionit të Përgjithshëm Fier, bazuar në ligjin nr. 10192, datë 03.12.2009 “Për parandalimin dhe goditjen e krimit të organizuar, trafikimit, korrupsionit dhe krimeve të tjera nëpërmjet masave parandaluese kundër pasurisë”, i ndryshuar, ka regjistruar kryesisht procedimin pasuror nr. 3/2024.

Për rrjedhojë, bazuar në ligjin nr. 10192, datë 03.12.2009 “Për parandalimin dhe goditjen e krimit të organizuar, trafikimit, korrupsionit dhe krimeve të tjera nëpërmjet masave parandaluese kundër pasurisë”, i ndryshuar, është kërkuar në Gjykatë marrja e masës parandaluese me karakter pasuror, e cila konsiston në sekuestrimin e disa pasurive të paluajtëshme dhe të luajtëshme. Kjo kërkesë është pranuar nga Gjykata, si e bazuar në ligj dhe prova.

Në vijim të vendimit të Gjykatës dhe urdhërit të Prokurorit, janë ekzekutuar nga policia gjyqësore një pjesë e sendeve të sekuestruara, si më poshtë:

1. Pasuria e llojit “Arë”, me sipërfaqe 2281m2, 2. Pasuria e llojit “Arë”, me sipërfaqe 4550m2. 3. Pasuria e llojit “Njësi”, me sipërfaqe 200 m2. 4. Pasuria e llojit “Truall”, me sipërfaqe prej 210 m2. 5. Pasuria e llojit “Truall”, me sipërfaqe prej 210m2. 6. Pasuria e llojit “Truall”, me sipërfaqe prej 210m2 . 7. Pasuria e llojit “Njësi” 2-kate. 8. Pasuria e llojit “Njësi” me sipërfaqe 100 m2. 9. Pasuria e llojit “Apartament” nr. 41 (3+1), me sipërfaqe totale 127.4. 10. Pasuria e llojit “Vendparkimin nr.29” në katin -1, prej 30.14 m2. 11. Automjetit i markës të markës “Lamborghini”, modeli “Urus”, vitë prodhimi 2018. 12. Automjeti i markës “Mercedes-Benz”, modeli “G- 63 AMG”, vit prodhimi 2020. 13. Automjeti i markës “Volkswagen”, model “Touran” vit prodhimi 2013. 14. Automjeti i markës “BMW”, modeli “X5” 3.0d, vitë prodhim 2007. 15. Automjet i markës “Audi”, model “S-8”, vit prodhimi 2021. 16. Automjeti i markës “Audi”, model “RS-Q8”, vit prodhimi 2021. 17. Automjeti i markës “Mitsubishi”, model “L200”, vit prodhimi 2014. 18. Automjeti i markës “Mercedes Benz”, modeli “C220CDI”, vit prodhim 2001. 19. Automjeti i markës “BMW”, modeli “ X5”, vit prodhim 2014. 20. Automjeti i markës “KIA”, modeli “Carnival” , vit prodhim 2000. 21. Automjeti i markës “Audi”, model “Q7”, vit prodhimi 2016. 22. Automjeti i markës “KIA”, modeli “Carnival”, vit prodhim 2000. 23. Autobus i markës “Neoplan”, model “N515/3SHDHC”, vit prodhimi 2003. 24. Llogari bankare në vlerën rreth 120.000 Euro. 25. Sende të çmuara me vlera të konsiderueshme.

Pasuritë e mësipërme janë një pjesë e pasurive që janë arritur të ekzekutohen nga policia gjyqësore pasi vijon puna për ekzekutimin e sekuestrimit të sendeve të tjera të cilat janë objekt i sekuestros.

Po ashtu, në funksion të procedimit penal nr. 1162, të vitit 2020, regjistruar për veprën penale “Pastrimi i produkteve të veprës penale ose veprimtarisë kriminale”, parashikuar nga nenin 287 i Kodit Penal, mbi bazën e kërkesës së organit të akuzës dhe vendimit të Gjykatës të datës 11.06.2024, është lejuar kontrolli i banesës apo ambjenteve të personave objekt i hetimeve. Gjatë kontrollit janë sekuestruar:

– Një automjet “Ferrari”, model California, me vlerë rreth 130.000 Euro. – Ora të markës “Rolex”, si dhe bizhuteri dhe sende të tjera të çmuara me vlera të konsiderueshme.

Në total vlera e pasurive/aseteve të sekuestruara për llogari të procedimit pasuror dhe atij penal, shkon në vlerën rreth 1.8 milion euro.

Në vijim, Prokuroria pranë Gjykatës së Shkallës së Parë Juridiksionit të Përgjithshëm Fier, shpreh angazhimin e plotë për vijimin e hetimeve të grupveprat që lidhen me pasurimin e paligjshëm nëpërmjet marrjes së masave për sekuestrimin dhe konfiskimin e tyre.

Një efektiv i burgut të Fierit, mbrëmjen e djeshme (30 prill) është goditur me një send të fortë nga shtetas i paidentifikuar.

Policia bën me dije se 64-vjeçari ka marrë dëmtime të lehta dhe ndodhet në spital, jashtë rrezikut për jetën. Vijon puna për identifikimin dhe kapjen e autorit.

Mbrëmjen e djeshme, rreth orës 21:00, një shtetas ende i paidentifikuar dyshohet se ka goditur me send të fortë Nazmi Doku, 64 vjeç (efektiv i IEVP Fier), duke i shkaktuar dëmtime të lehta.

Luiz Ejlli, personazhi më i ndjekur në rrjete sociale, pas fitores në spektaklin “Big Brother VIP 2”, ende nuk i ka mbyllur problemet me drejtësinë.

Gjykata e Fierit më datën 26 shkurt në orën 12:45 do të dëgjojë konkluzionet përfundimtare të prokurorisë ku do të japë edhe pretencën për Ejllin.

Seanca për tu paraqitur ishte caktuar data 12 shkurt por që me pas u shty për datën 26. Prokuroria atje kërkon ta shpallë fajtor Luiz Ejllin për falsifikim të dokumentave e kryer në bashkëpunim.

Dosja ndaj tij kaloi për gjykim me datën 26 dhjetor 2022, për këtë veper penale në bazë të kodit të procedurës penale rrezikon nga 6 muaj deri në 4 vite burgim.

Pasi prokuroria të japë pretencën do të jetë radha e avokatëve, e cila do të bëjë mbrojtjen dhe më pas gjykata do të vendosë.

Dan Hutra, Martin Kapllani, Geraldo Veizaj dhe Feti Kovaçi janë katër të paraburgosurit që qëndrojnë aktualisht në Burgun e Sigurisë së Lartë në Fier dhe këtë të enjte, datë 4 Janar, kanë tentuar të arratisen duke sharruar hekurat e dritares.

Drejtoria e Përgjithshme e Burgjeve njofton se ka zbuluar në kohë tentativën falë kontrolleve të rrepta dhe e ka dërguar rastin në Prokurorinë e Fierit, për 41 vjeçarin Dan Hutra dhe tre të paraburgosur të tjerë.

Në dhomën ku ishin të akomoduar, të paraburgosurit kishin nisur prerjen e zgarës së dritares me mjete te improvizuara. Dan Hutra është person i dyshuar për kryerjen e katër vrasjeve, kurse tre bashkëpunëtorët e tij janë të dyshuar për veprën penale të “Vjedhjes”.

Gjatë kontrollit nga punonjësit e sigurisë, u konstatua se edhe në dhomën nr. 15, ku ishte i akomoduar i burgosuri me potencial të lartë rrezikshmërie, Dan Riza Hutra, ishin fshehur mjete për arratisje, konkretisht: një çarçaf i përshtatur si litar dhe mjete prerëse të improvizuara.about:blank

Të dhënat paraprake tregojnë për bashkëpunim ndërmjet të katër të burgosurve, për thyerje të sigurisë dhe tentativë arratisje. Stafi i sigurisë ka kryer kontrolle të hollësishme të elementëve të sigurisë, në të gjithë burgun.

Por cilët janë katër të burgosurit që tentuan të arratisen nga Burgu i Sigurisë së Lartë Fier:

1.    Dan Riza Hutra

Shtetasi Dan Hutra, i biri Riza dhe Mislime, i datëlindjes 01.08.1982, lindur në Kukës dhe banues ne Kodër Kamëz, Tiranë, me shtetësi dhe kombësi shqiptare, me histori të përsëritur kriminale, me Vendimin Nr.466 Regj.Them, datë.04.03.2023, të Gjykatës së Rrethit Gjyqësor Tiranë, i është caktuar masa e sigurimit personal “arrest në burg”, i dyshuar për kryerjen e  veprave penale, “Vrasje për shkak të mardhënieve familjare”, parashikuar nga neni 79/c, “Vrasje për shkak të marrëdhënieve familjare”, mbetur në tentativë, parashikuar nga neni 79/c-22, si autor dyshuar për vrasjen e katër personave.

2.    Martin Adhurim Kapllani

Shtetasi Martin Kapllani, i biri i Adhurim dhe Rezarta, i datëlindjes 24.12.2003, lindur dhe banues në Vlorë, me Vendimin Nr.62-2023-4189, datë 04.11.2023, të Gjykatës së Shkallës së Parë të Juridiksionit të Përgjithshëm Fier, i është caktuar masa e sigurimit personal “arrest në burg”, të dyshuar për kryerjen e veprave penale “Vjedhja”, e parashikuar nga neni 134/2 K.Penal.

3.    Geraldo Bajram Veizaj

Shtetasi Geraldo Veizaj, i biri i Barjam dhe Luiza, i datëlindjes 04.07.2004, lindur dhe banues në Vlorë, me Vendimin Nr.62-2023-4189, datë 04.11.2023, të Gjykatës së Shkallës së Parë të Juridiksionit të Përgjithshëm Fier, i është caktuar masa e sigurimit personal “arrest në burg”, i dyshuar për kryerjen e veprave penale “Vjedhja”, e parashikuar nga neni 134/2 K.Penal.

4.    Feti Arben Kovaçi

Shtetasi Feti Kovaçi, i biri Arben dhe Dëshira, i datëlindjes 20.02.1996, lindur dhe banues ne Vlorë, Lgj. “24-Maji”, me shtetësi dhe kombësi shqiptare, i ardhur më datë 21.10.2023, nga Komisariati i Policisë Vlorë, pasi ndaj tij Gjykata e Shkallës së Parë të Juridiksionit të Përgjithshëm Vlorë me (Shkurtim-Vendimi) Nr.476, datë 21.10.2023, ka caktuar masën e sigurimit personal “Arrest në burg”, i dyshuar për kryerjen e veprës penale “Vjedhja”, e parashikuar nga neni 134/2 K.Penal.

Zjarri që ka rënë në katin e dytë të shtëpisë së të moshuarve në Fier, ka bërë që të paktën pesë të moshuar të përfundojnë në spital për shkak të asfiksisë.about:blank

Gazetari Eno Verria tha se të paktën 5 autoambulanca janë larguar nga shtëpia e të moshuarve në drejtim të spitalit, ndërsa dy të tjera ndodhen në vendin e ngjarjes. Asnjë prej të moshuarve nuk është në rrezik për jetën.

Një mjek në spitalin e Fierit dhe një infermier në njësinë vendore për kujdesin shëndetësor kanë rënë në pranga pasi, morën nga 2000 lekë ryshfet, për t’i dhënë metadon, një pacienti në kundërshtim me ligjin dhe  rregullat për tregtimin e këtij medikamenti.

Një mjek në spitalin e Fierit dhe një infermier në njësinë vendore për kujdesin shëndetësor kanë rënë në pranga pasi, morën nga 2000 lekë ryshfet, për t’i dhënë metadon, një pacienti në kundërshtim me ligjin dhe  rregullat për tregtimin e këtij medikamenti.about:blank

Njoftimi i policisë:

“Morën nga 2000 lekë ryshfet, për t’i dhënë Metadon, një shtetasi, në kundërshtim me ligjin/rregullat për tregtimin e këtij medikamenti, vihen në pranga 2 shtetas (një mjek në spitalin e Fierit dhe një infermier në njësinë vendore për kujdesin shëndetësor).

Menjëherë pas transmetimit në emisionin investigativ “Stop”, të 2 rasteve të dhënies së medikamentit Metadon, në kundërshtim me ligjin dhe me rregullat për përdorimin e tij, nga 2 punonjës të institucioneve spitalore në qark, me qëllim përfitimin e shumave të parave (2000 lekë secili), specialistët për Hetimin e Krimeve Ekonomiko-Financiare të Drejtorisë Vendore të Policisë Fier kanë kryer të gjitha veprimet e nevojshme hetimore dhe procedurale për të nxjerrë përpara përgjegjësisë penale këta shtetas.

Në përfundim të këtyre veprimeve, u vunë në pranga, për veprat penale “Korrupsion pasiv i personave që ushtrojnë funksione publike” dhe “Shpërdorimi i detyrës”, shtetasit:

-L. B., 64 vjeç, banues në Fier, me detyrë mjek toksikolog, në spitalin rajonal të Fierit;

-E. M., 36 vjeç, banues në Fier, me profesion infermier në njësinë vendore për kujdesin shëndetësor.”