Një autobus është përfshirë nga flakët sot pasdite rreth orës 16:16 në vendin e quajtur ‘Qafa e Duhlës’ në rajonin e Prizrenit. Autobusi ka marrë flakë derisa ishte në lëvizje.

“Menjëherë pas pranimit të informatës, njësitet e policisë dhe zjarrfikësit kanë dalë në vendin e ngjarjes. Zjarri është lokalizuar dhe shuar me sukses”, thotë zëdhënësi i Policisë së Prizrenit, Shaqiri Bytyqi.

Ai ka shtuar se sipas të dhënave fillestare si pasojë e zjarrit janë shkaktuar vetëm dëme materiale, ndërsa persona të lënduar nuk ka. “Rasti është duke u hetuar nga njësitet përkatëse policore për të përcaktuar shkaqet”, ka thënë Bytyqi.

Një zjarr i permasave te medha është regjistruar pasditen e sotme në zonën e Spitallës, në Durrës.

Flakët përfshinë një garazh në ndërtim, duke dëmtuar katër automjete.

Fillimisht zjarri mësohet se ka rënë tek një kamionçinë e vogël e më pas është përhapur edhe te mjetet e tjera.

Fatmirësisht, nga ngjarja nuk raportohet të ketë persona të lënduar.

Shkaqet e shpërthimit të flakëve mbeten ende të paqarta, ndërsa zjarrfikësit kanë ndërhyrë për neutralizimin e situatës dhe shmangien e përhapjes së mëtejshme të zjarrit.

Një makinë ka marrë flakë mbrëmjen e kësaj të diele në Ksamil. Mjeti i parkuar në një lagje të qytetit është regjistruar me targa rumune.

Sipas burimeve paraprake, zjarrfikësja ndodhet në vendngjarje dhe po punon për të shuar flakët. Ende nuk dihen shkaqet e incidentit, ndërsa identiteti i pronarit nuk është bërë i ditur. Autoritetet lokale po hetojnë ngjarjen për të përcaktuar rrethanat. 

Gjatë 24 orëve të fundit, vendi është përfshirë nga një valë zjarresh masive, Ministrinë e Mbrojtjes raporton për 38 vatra të evidentuara në disa qarqe të Shqipërisë.

Prej tyre, 31 janë shuar, ndërsa 7 vijojnë të jenë aktive, duke paraqitur rrezik serioz për jetën e banorëve dhe mjedisin. Situata më problematike paraqitet në Qarkun e Vlorës, ku për shkak të përmasave të flakëve dhe terrenit të vështirë, është kërkuar edhe ndërhyrje ajrore.

Autoritetet janë në gadishmëri të lartë, me mbi 700 forca operacionale dhe mbështetje ndërkombëtare nga avionët Canadair të Kroacisë dhe Italisë.

Qarku Vlorë – Në bashkinë Finiq, forcat kanë punuar gjatë gjithë natës dhe vijojnë ende, për shkak të situatës. Për të siguruar jetën e banorëve, u evakuuan 15 familje nga fshati Velahovë dhe 36 familje nga fshati Livinë, pa probleme apo lëndime. Në mbështetje shkuan edhe 3 autoambulanca të Urgjencës Mjekësore. Ditën e sotme situata vazhdon të jetë problematike. Konkretisht: vatra mbi fshatin Hardhasov në bazë dhe të erës është problematike për në drejtim jugor për në Navaricë si dhe në drejtimin perëndimor të fshatrave Fitore dhe Krane. Në vatrën e zjarrit mbi fshatin Bistricë po operohet me mjete nga MZSH dhe efektivë të FA. Gjithashtu vazhdon me intensitet puna për shuarjen e vatrës mbi fshatin Dhrovjan dhe Krongj. Vatrat e sipërpërmendura kanë shtrirje të madhe dhe në terren të thyer, çka pengon operimin me mjete. Për këto arsye u kërkua edhe mbështetje nga ajri me helikopter. Momentalisht në terren po operojnë: 37 forca zjarrfikëse me 6 automjete zjarrfikëse të bashkive Finiq, Sarandë, Konispol dhe Delvinë; 20 forca policore, 30 forca bashkiake dhe vullnetare; 28 efektivë me 4 automjete zjarrfikëse, 1 autoambulancë dhe 1 autobot, 60 trupa dhe 1 helikopter i FA. Në terren në fshatin Dhrovjan po operon edhe avioni kroat Canadair.

*Në vendin e quajtur “Rëzom”, në afërsi të Tunelit të Skërficës, te maja e Lucës, ku rrezikohen sipërfaqe pyjore me bredh dhe shkurre. Për shkak të terrenit të thyer është e vështirë të operohet me mjete nga toka. Ditën e sotme do kryhet ndërhyrje me inspektorët e AdZM. Në fshatin Bolenë, Njësia administrative Horë-Vranisht, bashkia Himarë, ku vatra e zjarrit po zhvillohet në pyll me pisha. Në terren janë duke operuar forcat e MZSH së Himarës me 2 mjete zjarrfikëse, si dhe forcat e MZSH së Vlorës me 1 mjet zjarrfikës, banorë të zonës etj. Në mbështetje të strukturave vendore, në terren kanë shkuar edhe 20 efektivë nga FA.

Qarku Lezhë – Fshatin Malaj i Epërm, njësia administrative Rrëshen, bashkia Mirditë, ku zjarri është aktiv në sipërfaqe pyjore me pisha, lis dhe shkurre, në lagjen “Vjollcë”. Vatra e zjarrit është nën kontroll të plotë dhe sot do të punohet me 2 mjete zjarrfikëse, 6 Forca nga MZSH, 6 Forca nga shërbimi pyjor, 5 nga njësia administrative dhe 2 forca vullnetare.

Qarku Dibër – Malin e Allushit, në afërsitë fshatit Plani Bardhë, bashkia Klos, vatra e zjarrit është nën kontroll dhe po monitorohet nga 6 forca të MZSH dhe 1 mjet, për të mos patur zhvillime nga zjarri aktiv brenda vatrës ku akoma po digjen trungje.

Qarku Berat – Në bashkinë Poliçan, jashtë territorit të Uzinës Mekanike, në një sipërfaqe me shkurre dhe ullishte. Zjarri është nën kontroll që prej mbrëmjes së djeshme dhe ditën e sotme janë angazhuar 15 forca zjarrfikëse të MZSH Poliçan.

Qarku Shkodër – Fshatin Zagore, njësia administrative Shkrel, bashkia Malësi e Madhe po punohet në terren të vështirë për shuarjen e zjarrit në një sipërfaqe me shkurre dhe barishte.

Në operacionet për shuarjen e zjarreve u angazhuan 66 automjete zjarrfikëse dhe 760 forca operacionale, të ndihmuar nga FA me 183 forca ushtarake, 3 automjete zjarrfikëse dhe 3 helikopterë të FA. Gjithashtu morën pjesë edhe 2 avionë Canadair nga Kroacia dhe Italia.

Një automjet tip “ Fiat” ka marrë flakë pak minuta më parë në qëndër të Fierit.

Burimet bëjnë me dije se automjeti ka qënë në ecje teksa ështé përfshirë nga flakët.

Në vendngjarje kanë mbërritur menjëherë shërbimet zjarrfikëse të cilat kanë bërë të mundur shuarjen e flakëve.

Drejtuesi i automjetit ka arritur të dalë në kohë pa pësuar lëndime.

Një automjet është përfshirë nga flakët pasditen e sotme në bypass-in e Vlorës.

Mësohet se ngjarja ka ndodhur gjatë lëvizjes së mjetit, ndërsa makina është djegur në pjesën e përparme.

Në vendngjarje kanë mbërritur shërbimet zjarrfikëse që kanë bërë të mundur fikjen e zjarrit. Nërkohë shkaqet e ngjarjes mbeten ende të paqarta. 

Motori i një avioni të Delta Air Lines u përfshi nga flakët ndërsa po përgatitej të ngrihej nga Aeroporti Ndërkombëtar i Orlandos, njoftoi Administrata Federale e Aviacionit (FAA).

Pasagjerët, rreth 300, u evakuuan nga avioni duke përdorur daljet e emergjencës.

Airbus A330 ishte gati të nisej për në Atlanta kur motori i tij mori flakë në orën 11:15 të mëngjesit me orën lokale.

FAA ka deklaruar se do të hetojë ngjarjen.

Një numër incidentesh të ngjashme të kohëve të fundit në aeroportet amerikane kanë ngritur shqetësime për sigurinë e aviacionit.

Delta tha se fluturimi 1213 kishte 282 pasagjerë dhe 12 anëtarë të ekuipazhit në bord dhe nuk kishte raportime për lëndime.

Ekuipazhi “ndoqi procedurat e evakuimit” kur vunë re flakë në sistemin e shkarkimit të njërit prej dy motorëve, shtoi ai.

Një automjet është përfshirë nga flakët e zjarrit teksa ka qenë në lëvizje.

Ngjarja ka ndodhur në Unazën e Madhe të Tiranës. Siç shihet në foto automjeti është përfshirë tërësisht nga flakët. Ndërkohë që pak metra më tej qëndron një patrullë policore.

Zjarrfikësja nuk kishte mbërritur ende në vendngjarje. Sipas informacioneve, fatmirësisht nuk ka persona të lënduar, raporton Klan.

Teksa shkaqet e rënies së zjarrit janë të paqarta.

Një zjarr ka shpërthyer në një banesë në lagjen “Qoshkë” në fshatin Lapardha të Beratit.

Familjarët e kanë pikasur flakën dhe menjëherë kanë njoftuar zjarrfikësit. Dy grupe shërbimi me katër punonjës zjarrfikës u nisën drejt vendngjarjes.

Falë reagimit të shpejtë, flakët u lokalizuan dhe u shuan brenda një kohe të shkurtër.

Si pasojë e zjarrit, dhoma e gatimit të banesës së shtetasit Kadri Mançe u shkrumbua totalisht. Megjithatë, situata u vu shpejt nën kontroll, duke parandaluar përhapjen e flakëve në dhomat e tjera të banesës.

Sipas burimeve zjarrfikëse, shkaku i zjarrit ka qenë një rrjedhje nga bombola e gazit

Përfshihet nga flakët një godinë e vjetër e pabanuar në kalanë e Elbasanit.

Ekipet zjarrfikëse kanë shkuar menjëherë në vendin e ngjarjes për të shuar flakët.

Situata është e rënduar për shkak të banesave ngjitur.