Një automjet është përfshirë nga flakët rreth orës 13:50, në afërsi të Tunelit të Krrabës, përgjatë aksit rrugor kombëtar Tiranë–Elbasan.

Ende nuk dihen shkaqet e zjarrit, ndërsa autoritetet njoftojnë se fatmirësisht nuk ka të lënduar.

Përfshihet nga flakët një pallat në zonën e Astirit në Tiranë.

Në vendngjarje ndodhen forcat zjarrfikëse dhe policia. Bëhet me dije se flakët janë vendosur nën kontroll.

PATOS- Një zjarr ka shpërthyer mbasditen e sotme në një servis automjetesh në Patos. Konkretisht ngjarja ka ndodhur pranë vendit të quajtur, “Kthesa e Patosit”. Siç shihet edhe në pamje flakët janë përhapur masivisht dhe tymi ka mbuluar gjithë zonën.

Fatmirësisht deri më tani nuk raportohet për persona të plagosur, por vetëm dëme materiale. Ndërkohë në vendin e ngjarjes ka mbërritur ekipi i zjarrfikësve të Patosit për të bërë të mundur shuarjen e flakëve.

Tepelenë- Një vatër zjarri masive ka përfshirë gjatë gjatë natës fshatin Hormovë, Bashkia Tepelenë, pranë kufirit me Gjirokastrën. Bëhet me dije se që prej orës 04:00 të mëngjesit, forcat e Mbrojtjes nga Zjarri dhe Shpëtimi Gjirokastër po punojnë në terren për izolimin e flakëve, me synimin që ato të mos kalojnë në territorin e Bashkisë Gjirokastër.

Gjithashtu zona paraqet rrezik të lartë për shkak të bimësisë së dendur dhe afërsisë me disa fshatra, ku pasojat mund të ishin katastrofike. Ky është një operacion emergjent i ndërmarrë vetëm nga efektivët e MZSH Gjirokastër, për të parandaluar përhapjen e zjarrit në një territor me potencial të madh dëmesh.

Po ashtu situata paraqitet alarmante që prej ditës së djeshme në disa zona, pasi flakët u përhapën në mënyrë masive, duke shkaktuar viktima dhe të plagosur.

JAPONI- Paniku mbretëroi në Yokohama të Japonisë, të hënën në mbrëmje, kur dy anije që përdoreshin për të hedhur fishekzjarrë në një festival veror u përfshinë nga flakët. Konkretisht, zjarri shpërtheu në dy nga tetë anijet gjatë shfaqjes së fishekzjarrëve dhe eventi u ndërpre menjëherë.

Sipas Autoritetit Portual të Yokohama-s, pesë punëtorë në njërën nga barkat u hodhën në det për t’i shpëtuar flakëve dhe u nxorrën nga uji pak kohë më vonë. Njëri prej tyre u dërgua në spital me lëndime të lehta.

Organizatorët e festivalit veror thanë se kishte një problem me fishekzjarrët në barka dhe policia dhe autoriteti portual po hetojnë shkakun e incidentit.

Festivali ishte planifikuar të hidhte rreth 20,000 fishekzjarrë gjatë 25 minutave. Megjithatë, vetëm 20 minuta pas fillimit të shfaqjes, muzika u ndal dhe pjesëmarrësit u informuan se eventi ishte anuluar për arsye sigurie.

Shqipëria ndodhet nën pushtetin e flakëve prej disa ditësh tashmë, ndërsa në 24 orët e fundit janë evidentuar 45 vatra zjarri. 21 vatra janë ende aktive, 16 vatra nën monitorim dhe 8 janë shuar.

Në kuadër të Mekanizmit të Mbrojtjes Civile të Bashkimit Europian, një avion zjarrfikës Canadair është nisur nga Italia dhe do të angazhohet në operacionet ajrore për shuarjen e flakëve në jug të vendit, në zonat Borsh, Piqeras dhe Lukovë.

Ky mjet ajror do të forcojë ndërhyrjet në terrene të vështira dhe të paarritshme nga toka, duke dhënë ndihmë në përballimin e situatës së zjarreve që kanë përfshirë këto zona.

Ndërkohë, helikopterët e Forcës Ajrore do të angazhohen pranë fshatit Zhulat, në rajonin e Gjirokastrës, si dhe në zonën e Qafëbuallit, pranë Bulqizës.

Shqipëria ndodhet nën pushtetin e flakëve prej disa ditësh tashmë, ndërsa në 24 orët e fundit janë evidentuar 45 vatra zjarri. 21 vatra janë ende aktive, 16 vatra nën monitorim dhe 8 janë shuar.

Zjarri i fuqishëm që nisi dy ditë më parë në zonën e Shkopetit në Lezhë ka avancuar në drejtim të territorit të Bashkisë Mirditë, duke u afruar rreth 2 kilometra nga fshati Lurth.

Gazetari i Report Tv, Elvis Hila, thotë se për shkak të erës së fortë, flakët po përhapen me shpejtësi, duke e bërë situatën problematike.

Në terren janë angazhuar forcat pyjore, grupet e zjarrfikësve dhe ato të Emergjencave Civile. Gjithashtu, në operacion janë përfshirë forcat zjarrfikëse të Matit, të Mirditës, si dhe trupa të ushtrisë.

Pas koordinimit me institucionin e Prefektit, në zonë ka mbërritur edhe një helikopter për të ndihmuar në shuarjen nga ajri.

Një zjarr i madh ka shpërthyer në Shkopet, ku për pasojë janë djegur edhe dy banesa. Fatmirësisht, brenda shtëpive nuk ka pasur persona brenda.

Zjarri ka shpërthyer pak më shumë se një orë më parë dhe po merr përmasa të mëdha.

Kuçovë, 28 Qershor 2025 – Një zjarr i përmasave të konsiderueshme ka rënë pasditen e sotme në lagjen naftëmbajtëse të Kuçovës, duke shkaktuar panik tek banorët për shkak të afërsisë me puset e naftës.

Zjarri ka nisur fillimisht në kallamishtet pranë lagjes dhe, për shkak të erës dhe temperaturave të larta, është përhapur me shpejtësi në drejtim të zonës së puseve. Menjëherë pas njoftimit nga banorët, shërbimet zjarrfikëse të Kuçovës kanë ndërhyrë në vendngjarje, ndërsa më pas në ndihmë janë angazhuar edhe forcat zjarrfikëse nga Berati.

Pas më shumë se një orë përpjekjesh intensive, flakët janë vënë nën kontroll. Fatmirësisht, nuk raportohet për dëme në banesa apo në puset e naftës. Aktualisht, shërbimet zjarrfikëse po monitorojnë zonën për të shmangur rindezjen e ndonjë vatre të mbetur aktive në afërsi të puseve.

Autoritetet vendore kanë nisur hetimet për të përcaktuar shkaqet e rënies së zjarrit.

Një zjarr ka rënë pasditen e së mërkurës në garazhin e një pallati të ndodhur në zonën qendrore të Vlorës, pranë ish-fabrikës së Orizit.

Sipas raportimeve nga vendngjarja, flakët kanë përfshirë disa automjete të parkuara brenda garazhit. Zjarrfikësit kanë ndërhyrë me urgjencë për të bërë të mundur shuarjen e zjarrit dhe për të parandaluar përhapjen e tij në pjesë të tjera të ndërtesës.

Aktualisht nuk ka informacion për të lënduar apo për shkaqet që kanë çuar në rënien e zjarrit, ndërsa autoritetet po punojnë për zbardhjen e plotë të ngjarjes.