Kapshticë- Këtë të enjte është rritur fluksi i shtetasve shqiptare që kalojnë nëpërmjet pikës së kalimit kufitar të Kapshticës për të festuar Pashkët në vendin tonë.

Mësohet se vetëm gjatë 24 orëve të fundit kanë hyrë nga Greqia 4147 persona.

Ndërkohë më i ulët raportohet të jetë numri i qytetarëve që kanë udhëtuar drejt Greqisë.

Sipas informacioneve te policisë kufitare, 2426 qytetarë kanë dalë nga territori ynë në 24 orët e fundit.

E njëjta situatë raportohet edhe për Kakavijën.

Pavarësisht fluksit situata në pikën e kalimit kufitar të Kapshticës është e qetë, qytetarët shprehen se nuk kanë patur probleme në udhëtimin e tyre as në doganën Greke as në atë shqiptare.

Fluksi i shtetasve shqiptarë që jetojnë dhe punojnë në Greqi dhe kanë zgjedhur të festojnë në Shqipëri pritet të rritet gjatë ditëve në vijim.

Pushimet kanë zgjedhur ti kalojnë me familjarët dhe të afërmit e tyre në vendlindje.

Ditët e fundit të këtij viti, pika e kalimit kufitar në Morinë po ndeshet me fluks të lartë lëvizjeje.

Vetëm për 24 orë kanë hyrë e dalë në këtë pikë 25 mijë shtetas:

Konkretisht në hyrje kanë përpunuar të dhënat e tyre 9573 shtetas me 3719 automjete.

Ndërsa në dalje kanë përpunuar të dhënat 15495 shtetas me 4787 automjete.

Ndërkohë janë shmangur radhët në kufi falë lëvizjes së lirë duke punuar me procedurë të përshpejtuar.

Aktualisht po punohet me 8 sportele në të dy kahet e kufirit të Morinës.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Fluks këmbësorësh dhe automjetesh që largohen nga Kakavija.

Paraditen e së shtunës dogana e Kakavijës është përballur me një fluks të lartë të këmbësorëve dhe automjeteve në dalje të tokës shqiptare.

Për të evituar radhët e gjata të pritjes në kufi Policia Kufitare në Kakavije ka çuar në 5 numrin e sporteleve në dalje të tokës shqiptare.

Drejtuesit e policisë së Kakavijes kanë kontaktuar me palën greke për të shtuar numrin e sporteleve duke çuar në tre të tillë në hyrje të tokës greke në Kakavije. Fluksi në dalje në këtë doganë pritet të vazhdojë gjatë gjithë javës në vazhdim.

Gjatë 24 orëve të fundit në Kakavije janë përpunuar 9787 shtetasish në hyrje – dalje nga të cilët 3777 në hyrje dhe 6010 në dalje, ndërsa hyrje–dalje automjetesh janë 3150 gjithsej, ku 1198 janë në hyrje dhe 1952 janë në dalje të R.Shqipërisë.