Fluturimet nga aeroporti i Bratislavës janë ndërprerë sot për shkak të paralajmërimit për bombë, tha zëdhënësja e aeroportit, Veronika Demovicova.

Sipas saj, mbërritjet në aeroport nuk janë pezulluar, por pasagjerët në ato fluturime duhet të qëndrojnë në avionë dhe të presin udhëzime të mëtejshme,”Kjo i referohet mbërritjeve të Smartwings nga Marsa Alam dhe Mersa Matrouh (Egjipt), të Rianair nga Burgas (Bullgari) dhe Alghero (Sardenjë) dhe të Mavi Gok nga Antalia,” shtoi Demovicova.

Të gjitha fluturimet në një nga aeroportet më të mëdha të Gjermanisë janë ndaluar për shkak të mobilizimit të një organizate mjedisore.

Konkretisht, pesë anëtarë të organizatës Last Generation organizuan një protestë në pistën e aeroportit të Këlnit, duke ngjitur duart në pistë dhe duke bllokuar ngritjet dhe uljet e fluturimeve.

Të paktën katër fluturime u devijuan në aeroportet e afërta të Duseldorfit dhe Hanoverit. Ndërsa dhjetëra fluturime nga aeroporti i Këlnit janë anuluar ose do të vonohen.

Qëllimi i aktivistëve është që qeveria gjermane të arrijë një marrëveshje ndërkombëtare që do t’i japë fund përdorimit të naftës, gazit natyror dhe qymyrit deri në vitin 2030.

Sipas organizatës, “protesta të ngjashme paqësore, politike në aeroporte” janë planifikuar për të mërkurën në të gjithë Europën dhe Amerikën e Veriut.

Në maj, aeroporti i Mynihut u “mbyll” për dy orë pas një proteste të ngjashme.

Tetë persona u arrestuan ndërsa protesta shkaktoi kaos në aeroport, me zyrtarët që anuluan të paktën gjashtëdhjetë fluturime.

Qyteti më i madh i Emirateve të Bashkuara Arabe, Dubai, u godit sërish nga një shi dhe kompania ajrore Emirates u detyrua të anulojë dhe vonojë disa fluturime.

Reshjet nuk ishin aq të mëdha sa dy javë më parë, por Dubai mori 20 milimetra shi në 12 orë, më shumë se dyfishi i sasisë së prillit dhe majit së bashku.

Në Abu Dhabi ranë 34 mm shi në 24 orë, më shumë se katër herë më shumë se sasia normale, raporton CNN.

Këtë herë, banorët ishin më të përgatitur: kanalizimet u hapën një ditë para shiut dhe mesazhet e urgjencës u dërguan në celularët e banorëve duke i paralajmëruar ata të qëndronin brenda nëse ishte e mundur.

Shkencëtarët ia atribuojnë sasinë rekord të shiut që ra në Emiratet e Bashkuara Arabe dhe Oman dy javë më parë ndryshimit të klimës. Autoritetet e vendit kanë vendosur që sot dhe nesër mësimi dhe puna të bëhet online në zonat e prekura nga reshjet.