Sali Berisha dhe Edi Rama, kanë marrë goditje të fortë nga përtej Atlantikut. Edhe pse të dy hapën shampanjën pas fitores së Trump, duket se gjërat nuk po ju dalin ashtu siç ata i prisnin. Për të mos thënë se telashet mund të shtohen, të paktën për Saliun.

Duke u ndalur te Berisha, në harkun kohor të 3 ditëve, ka marrë “shuplaka” të njëpasnjëshme. E para erdhi të enjten, ku u njoftua se ish-ambasadorja Yuri Kim, jo vetëm që nuk është shkarkuar, por ajo do të vijojë të jetë pjesë e Departamentit të Shtetit dhe është emëruar Këshilltare e Lartë.

Goditja e dytë erdhi pardje në mbrëmje. Departamenti i Shtetit publikoi dje raportin vjetor për narkotikët, ku përmendej dhe Berisha. “Në shtator të vitit 2024, SPAK akuzoi ish-kryeministrin dhe të përcaktuar sipas “Aktit të Ndarjes Buxhetore të Departamentit të Shtetit, Operacioneve të Jashtme dhe Programeve të Ndërlidhura, 2021” me 7031 (c) Sali Berisha për korrupsion, për veprime zyrtare, për veprime zyrtare në dobi të interesave të familjes së tij. SPAK akuzoi edhe dhëndrin e tij për korrupsion dhe pastrim parash. SPAK sekuestroi pasuri të paluajtshme, llogari bankare dhe aksionet e dhëndrit në kompanitë e lidhura me korrupsionin”, theksohet në raport.

Pak javë më parë, u publikua raporti për pastrimin e parave të vitit 2024 dhe thuhej e njëjta gjë. Njerëzit pranë Berishës dolën me të shpejtë duke thënë se raporti është i administratës së Biden.

Po raporti i fundit? Edhe ky vërtet mund të jetë punuar gjatë administratës “Biden”, por ka dalë 2 muaj pasi Trump u emërua dhe Rubio ka marrë drejtimin e DASH. Ai ka kaluar në dorën e administratës aktuale dhe mban firmën e saj. Thënë më qartë, DASH i dërgoi mesazh Berishës se goditja ndaj tij është sukses në luftën ndaj korrupsionit dhe duhet ta harrojë heqjen “non gratave”.

Një tërmet me magnitudë 3.9 ballë të shkallës Rihter është regjistruar këtë të diel në afërsi të Napolit në jug të Italisë.

Epiqendra e tërmetit ishte në një thellësi prej 2 kilometrash në një kalderë vullkanike (një lloj krateri), 14 kilometra nga Napoli dhe u regjistrua në orën 15:30, shkruan ANSA.

Nuk pati raportime për të lënduar apo dëme në ndërtesa, por tërmeti trazoi banorët e Napolit dhe rajonit përreth.

Tërmetet janë të shpeshta në këtë pjesë të Italisë, pasi zona e Campi Flegrei (Fushat e Flegreit) është aktualisht nën ndikimin e bradyseizmit.

Bradyseizmi është ngritja ose ulja graduale e një pjese të sipërfaqes së Tokës, e shkaktuar nga mbushja ose zbrazja e dhomave nëntokësore të magmës ose nga aktiviteti hidrotermik, veçanërisht në kalderat vullkanike.

Ky proces mund të zgjasë për mijëvjeçarë ndërmjet shpërthimeve dhe çdo lëvizje e tokës zakonisht shoqërohet nga mijëra tërmete të vogla deri në mesatare.

Thellësia fokale është vlerësuar në 11 kilometra…

Një tërmet me magnitudë 4.3 ballë të shkallës Rihter ka ndodhur mbrëmjen e së martës, 24 dhjetor, në orën 20:22, në zonën detare pranë Qipros.
Sipas Institutit Euro-Mesdhetar, epiqendra e tërmetit ndodhet 31 kilometra në perëndim të Paphos.

Ndërsa thellësia fokale llogaritet në 11 kilometra.

Reperi Rigels Rajku, i njohur me emrin artistik “Noizy”, u la nga gjykata në burg, pasi dyshohet se ka rrahur Medi Isenin dhe kërkohet nga autoritetet e Kosovës.

Ndaj tij kanë nisur procedurat e ekstradimit.

Ndërkohë Arkimed Lushaj, i njohur si “Stresi”, vijon të jetë në kërkim. Nga arratia ai ka publikuar një mesazh mbështetjeje për mikun e tij Noizy.

”Vëllai im qëndro i fortë. Ata s’do t’ja dalin dot”, shkruan Stresi, duke e shoqëruar me një fotografi ku shfaqet me Noizyn.

Pasditen e sotme, një tërmet me magnitudë 4.6 Rihter, tronditi Turqinë.

Sipas informacioneve të fundit të publikuara nga AFAD, tërmeti ndodh në Canakkale.

Ndërsa thellësia e tërmetit ishte prej 7 kilometrash.

Deri më tani nuk raportohet për dëme apo viktima.

Konflikti mes Izraelit dhe Hamasit ka arritur një nivel të paprecedent pas sulmit të fundjavës së kaluar në territorin izraelit dhe për fundin e tij nuk shihet dritë në fund të tunelit.about:blank

Diplomacia ka dështuar ndër dekada dhe ekspertët e pranojnë se është e vështirë të gjendet një zgjidhje që të stabilizojë rajonin.

Hugh Lovatt, ekspert për Lindjen e Mesme, deklaron: “Mendoj se për momentin asnjëra nga palët nuk ka dëshirë për t’i dhënë fund luftës. Dhe duke parë se cila ishte situata përpara këtyre luftimeve, ky nuk më duket një opsion i mundshëm”.

Çdo zgjidhje e mundshme do të përfshijë aktorë ndërkombëtarë. Bashkimi Evropian dhe Shtetet e Bashkuara janë përpjekur pa sukses të afrojnë Izraelin me Palestinën ndër vite. Këtë herë, ekspertët sugjerojnë një rol më të madh nga vendet fqinje.

“Kur flasim për ndërmjetësim, përse nuk ndërmjetësohet tani për kushtet për t’i dhënë fund dhunës dhe vuajtjeve? Sigurisht që Egjipti, por edhe Katari po luajnë një rol të rëndësishëm lidhur me këtë, pasi kanë aftësinë të dialogojnë me të dyja palët, Izraelin dhe Hamasin”, tha Lovatt.

Sakaq Yossi Mekelberg, ekspert për Lindjen e Mesme dhe Afrikën Veriore u shpreh: “Duhen Shtetet e Bashkuara dhe Bashkimi Evropian, por pa dyshim edhe fuqitë rajonale si Egjipti, Jordania, Emiratet, Maroku dhe Bahrejni. Por duhen edhe lojtarë të rinj. Të mos harrojmë se Arabia Saudite parashtroi në 2002-shin nismën saudite që u përkthye në Deklaratën e Bejrutit për Paqen, ose për normalizimin e marrëdhënieve. Mendoj se ky opsion është ende në tryezë”.about:blank

Si Brukseli dhe Uashingtoni ndajnë pjesën e tyre të përgjegjësisë për gjendjen aktuale të rajonit dhe është jetike që ato të mësojnë nga gabimet e së kaluarës.

“Izraeli ka rrënjosur pushtimin e tij, duke lëvizur drejt një aneksimi të plotë të territoreve palestineze dhe përforcimit të asaj që përshkruhet si aparteid. Reagimet nga Bashkimi Evropian, qeveritë evropiane dhe Shtetet e Bashkuara për këtë çështje kanë qenë të pakta”, tha Lovatt.about:blank

Yossi Mekelberg u shpreh: “Kjo është neglizhuar dhe braktisur prej vitesh, pavarësisht se situata acarohej. Duhet të mendojmë se çfarë konteksti, çfarë kushtesh fuqizuan ekstremin në këtë konflikt, në vend që të fuqizonin ata që duan të jetojnë në paqe”.