Interpol Tirana/Ekstradohen nga Greqia dhe nga Franca, 2 shtetas të shpallur në kërkim ndërkombëtar.

Në vijim të bashkëpunimit të ngushtë të specialistëve të Interpol Tiranës, me homologët në Athinë dhe në Paris, gjatë këtyre fazave të operacionit “The Wanted”, u finalizuan procedurat për ekstradimin në Shqipëri, të shtetasve:

-V. D., 46 vjeç, i cili u kap në Greqi, pasi Gjykata e Rrethit Gjyqësor Mat, në vitin 2015, i ka caktuar masën e sigurisë “Arrest në burg”, për veprat penale “Vrasja me paramendim”, mbetur në tentativë, dhe “Mbajtja pa leje dhe prodhimi i armëve, armëve shpërthyese dhe i municionit”;

-P. D., 50 vjeç, i cili u kap në Francë, pasi GjKKO-ja i ka caktuar 50-vjeçarit, masën e sigurisë “Arrest në burg”, për trafikim të lëndëve narkotike dhe pastrim parash, kryer në kuadër të organizatës kriminale.

Franca do të ndalojë pirjen e duhanit në plazhe, parqe, oborre publike dhe stacione autobusësh prej të dielës, ka thënë Qeveria.

Dekreti, i publikuar në Gazetën Zyrtare të shtunën, do të ndalojë pirjen e duhanit edhe jashtë bibliotekave, shkollave, pishinave, dhe synon mbrojtjen e fëmijëve nga duhanpirja pasive.

Në dekret nuk janë përmendur cigaret elektrike, ndërsa ata që shkelin ndalesën do të përballen me gjobë prej 135 eurosh.

“Duhani duhet të zhduket nga vendet ku ka fëmijë”, ka thënë Ministrja për Shëndet dhe Familje, Catherine Vautrin në maj, duke përmendur “të drejtën e fëmijëve për të thithur ajër të pastër”.

Hapësirat jashtë kafeterive janë përjashtuar nga ndalesa.

Sipas autoriteteve franceze, çdo vit në këtë shtet vdesin 75.000 njerëz si pasojë e komplikimeve të lidhura me duhanin.

GJERMANI, 8 qershor 2025 – Franca triumfoi ndaj Gjermanisë me rezultatin 2-0 në ndeshjen për vendin e tretë në Final Four të Ligës së Kombeve. Kylian Mbappé ishte lojtari vendimtar, duke shënuar një gol në minutën e 45-të dhe asistuar për Olise në minutën e 84-t, duke i dhënë fitoren “gjelave”.

Gjermania dominoi në pjesën e parë, por u ndal nga pritjet fantastike të portierit Maignan. Raste për Wirtz dhe Adeyemi nuk u konkretizuan, ndërsa një gol i Woltemade u anulua për prekje me dorë. Në fund të pjesës së parë, Mbappé finalizoi një krosim dhe shënoi ndaj Ter Stegen.

Ky ishte goli i 50-të për Mbappé me Francën, duke u afruar vetëm një gol nga Thierry Henry dhe shtatë nga golashënuesi më i mirë në histori, Olivier Giroud.

Në pjesën e dytë, Gjermania provoi të barazojë, por një tjetër gol i Undav u anulua për faull. Thuram goditi shtyllën, ndërsa Olise shënoi golin e dytë pas një asistimi të Mbappé dhe një gabimi në mbrojtjen gjermane.

Franca përfundon kështu në vendin e tretë, ndërsa Gjermania e mbyll turneun në vendin e katërt. Finalja për vendin e parë zhvillohet mes Spanjës dhe Portugalisë.

Qindra persona kanë vdekur pasi cikloni Chido shkaktoi dëme shkatërruese në territorin francez të Mayotte në Oqeanin Indian, ka bërë të ditur të dielën ministria e Brendshme e Francës.

Cikloni intensiv tropikal ka arritur tani në bregun lindor të Afrikës, ku agjencitë e ndihmës po paralajmërojnë për më shumë humbje jetësh dhe dëme të rënda në Mozambikun verior.

Ministria e Brendshme franceze ka thënë se ishte e vështirë për të marrë një numër të saktë të të vdekurve dhe të të lënduarve në Mayotte, për shkak të frikës se numri i të viktimave do të rritet.

Pallati presidencial francez bëri publike përbërjen e një qeverie të re ku mbizotërojnë konservatorët dhe centristët, më shumë se dy muaj pas zgjedhjeve që thelluan ndasitë politike, ndërsa Franca përballet me sfida financiare dhe diplomatike në rritje.

Një koalicion i krahut të majtë siguroi numrin më të madhe të vendeve në zgjedhjet parlamentare në qershor dhe korrik, por nuk arriti të fitonte një shumicë.

Grupet studentore dhe aktivistët e së majtës mbajtën protesta në mbarë vendin të shtunën kundër një qeverie që ata thonë se refuzon vullnetin e votuesve.

Presidenti Emmanuel Macron emëroi konservatorin Michel Barnier si kryeministër në fillim të këtij muaji, edhe pse partia republikane e tij pati një paraqitje të dobët në zgjedhje. Zoti Barnier e formoi qeverinë pas negociatave të vështira. Zoti Macron e dekretoi atël.

Partia e ekstremit të djathtë kundër imigracionit Bashkimi Kombëtar i politikanes Marine Le Pen nuk ka ministra në qeverinë e zotit Barnier, por ka vota të mjaftueshme në parlament për ta rrëzuar atë. Kjo parti siguroi një fitore jo të drejtpërdrejtë me emërimin e konservatorit të Bruno Retailleau si ministër të ri të brendshëm, detyra e të cilit përfshin çështje kritike të brendshme si siguria kombëtare, imigracioni dhe zbatimi i ligjit.

Përbërja dhe orientimi i qeverisë së Francës është i rëndësishëm sepse ky vend është një zë udhëheqës në politikën e BE-së, ndër ekonomitë më të mëdha të botës dhe anëtar i Këshillit të Sigurimit të OKB-së që ka armë bërthamore dhe të drejtën e vetos.

Kabineti prej 39 anëtarësh përfshin kryesisht ministra nga aleanca qendrore e zotit Macron dhe republikanët konservatorë. Jean-Noël Barrot, një politikan centrist i njohur për punën e tij në transformimin dixhital dhe çështjet evropiane, është ministri i ri i Jashtëm.
Ai sjell përvojë të gjerë në çështjet komplekse ndërkombëtare, veçanërisht brenda BE-së.

Ministri i ri i financave është Antoine Armand, një figurë gjithjë e më e njohur në politikën franceze që tani ka për detyrë të drejtojë politikat fiskale të Francës dhe të menaxhojë buxhetin e ardhshëm të vitit 2025, mes presionit nga Brukseli për të trajtuar borxhin në rritje të Francës.

Sébastien Lecornu do të vazhdojë të mbajë postin e tij si ministër i mbrojtjes. Ai ka qenë i rëndësishëm në forcimin e aftësive ushtarake të Francës, përfshirë modernizimin e sistemeve të mbrojtjes dhe menaxhimin e ndihmës ushtarake për Ukrainën.

Udhëheqja e tij në mbrojtje do të jetë vendimtare për rolin e Francës brenda NATO-s dhe tensionet gjeopolitike në rritje nga luftërat në Ukrainë dhe në Lindjen e Mesme.

Aftësia e zotit Barnier për të qeverisur në mënyrë efektive është tashmë nën vëzhgim. Kundërshtarët e tij politikë nga e majta zotohen ta sfidojnë atë në çdo hap, ndërsa e djathta ekstreme thotë se do të monitorojë nga afër qeverinë.

Sprova e parë e madhe politike për Kryeministrin Barnier do të vijë më 1 tetor, kur ai të mbajë fjalimin për politikat e tij në Asamblenë Kombëtare.

Kontinenti i vjetër do të njohë sonte finalistin e parë të kampionatin Evropian, që do përcaktohet nga një super duel siç është ai mes Spanjës dhe Francës. La Roha vjen si favorite, por përballë kanë një kundërshtar të paparashikueshëm dhe si një shkëmb për t’u mposhtur, pasi këtë kampionat Evropian kanë pësuar vetëm 1 gol.

Sot Deshamps pritet të bëjë disa ndryshime në formacion, duke ulur fillimisht në stol Camavingën, pasi është rikthyer Rabiot. Ajo që nuk pritej, por sipas L’Equipe është vendosur, Dembele do e nisë si titullarë në vendin e Griezmann, ndërsa edhe njëherë Kolo Muani do luajë si sulmues 9-sh para Marcus Thuram.

Te Spanja janë të detyruar për ndryshime dhe pika e dobët pritet të jetë krahu i djathtë i mbrojtjes ku Carvajal dhe Le Normand mungojnë për shkak kartonash. Vendin e tyre do e marrin Nacho i cili vuan nga një lëndim dhe 38-vjeçari Jesus Navas. Për shkak të dëmtimit të Pedrit Olmo e ka të sigurtë formacionin.

Trajneri i Spanjës De La Fuente pret një ‘spektakël brilant në këtë përballje’, ndërsa Rodri thotë se ‘La Roha është në Evropian vetëm për të fituar’. Duhet theksuar se përballë në Mynih do vihen Spanja 3 herë kampione Evrope dhe Franca 2 herë. Në përballjet direkte në Evropian Spanja e ka mposhtur Francën në çerekfinalet e 2012, ndërsa Franca ka bërë të njëjtën gjë në vitin 2000. Në memorien e kombëtareve është edhe finalja e kampionatit evropian të vitit 1984 kur Franca bëri për herë të parë të vetin trofeun.