Mbretëria e Bashkuar do t’i kërkojë Kosovës që të marrë azilkërkuesit që mbërrijnë me gomone në ishull.

Kështu shkruan gazeta britanike “The Times”.

Sipas saj, Kosova është një prej shteteve të identifikuara nga qeveria britanike për të ngritur “kampet e kthimit” ku emigrantët do të dërgohen pasi kërkesat e tyre për të qëndruar në Britani të jenë ezauruar.

Mes shteteve të tjera të përmendura nga “The Times” janë edhe Serbia, Maqedonia e Veriut dhe Bosnje-Hercegovina.

Përfaqësuesit e qeverisë së Keir Starmer do të flasin së shpejti me drejtuesit e këtyre shteteve për të arritur një marrëveshje të mundshme, shkruhet në artikull.

Më parë, edhe Shqipëria ishte përfolur si një destinacion i mundshëm për azilkërkuesit që shkojnë në Britani.

Por në një konferencë të përbashkët për mediat më 15 maj në Tiranë, Kryeministri Edi Rama ia bëri të qartë homologut Starmer se marrëveshje si ajo me Italinë nuk mund të ketë.

“Kam qenë shumë i qartë që prej ditës së parë që kur nisëm këtë proces me Italinë, që kjo ishte një marrëveshje e vetme me Italinë, për shkak të marrëdhënies sonë të veçantë, por edhe falë situatës gjeografike që është tejet kuptimplotë. Për të qenë i sinqertë me ju, na kanë kërkuar një sërë vendesh nëse ishim të hapur për një gjë të tillë dhe ju kemi thënë jo, sepse jemi besnik martesës me Italinë dhe pjesa tjetër është thjesht dashuri”, tha Rama.

Monedhat e huaja janë nënçmuar në raport me lekun këtë të martë, duke thelluar humbjen për të dytën ditë me radhë.

Sipas kursit zyrtar të Bankës së Shqipërisë, monedha e gjelbër amerikane zbriti me 0.37 lekë dhe këmbehet me 94.80 lekë.

Leku shfaqet i fortë edhe përballë monedhës evropiane, e cila sot po këmbehet me 102.9 lekë me rënie të lehtë nga një ditë më parë. Por në raport me fillimin e vitit zhvlerësimi është i madh, pasi në fillim të janarit euro këmbehet afër 105 lekë.

Franga zvicerane këmbehet me 105.23 lekë, ose 0.77 lekë më pak se një ditë më parë. Terren humbi edhe paundi britanik krahasuar me një ditë më parë, duke prekur nivelin 120.05 lekë.