Në Gjykatën e Shkallës të Fierit është paraqitur sërish sot eurodeputeti Fredi Beleri. Ky i fundit është paraqitur për të kërkuar lirimin me kusht. Tre seancat e mëparshme kanë dështuar për shkak të mungesës së dokumentacionit të nevojshëm.

Në fakt kjo seancë pritet të jetë vendimtare për fatin e Belerit teksa ndryshe nga herët e tjera, sot ka një interes më të madh nga mediat greke në ambientet pranë gjykatës.

Ish-kryebashkiaku i zgjedhur i Himarës është dënuar me dy vjet burg pasi akuzohet për blerje votash. Beleri u zgjodh eurodeputet i kandiduar nga partia e Mitsotakis, “Demokracia e Re” në zgjedhjet europiane të 9 qershorit.

Pas dënimit nga Apeli me 2 vite burg për korrupsion zgjedhor, Komisioni Qendror i Zgjedhjeve i hoqi Belerit mandatin e të zgjedhurit si kryetar bashkie në Himarë dhe më pas presidenti i Republikës shpalli zgjedhjet e pjessmeshme për kreun e kesaj bashkie më 4 gusht të këtij viti.

Gjykata e Apelit në GJKKO ka lënë në fuqi vendimin e Shkallës së Parë, duke e shpallur fajtor Fredi Belerin për korrupsion në zgjedhje. Apeli vendosi sot që Beleri të dënohet me 2 vite burg. Vendimi u shpall nga tre gjyqtarët Daniela Shirka, Dhimiter Lara dhe Ilirjana Olldashi. Ndërkaq është rrëzuar kërkesa e avokatëve të Belerit për perjashtimin e Daniela Shirkës.

GJKKO ka dënuar dhe e 1 vit e 6 muaj burg Pandeli Kokaveshin, por dënimi me burg për të është pezulluar dhe do të qëndrojë 3 vite në shërbim prove.

Fredi Beleri i cili garoi nën siglën e koalicionit ‘Bashkë Fitojmë” në zgjedhjet lokale të 14 Majit u arrestua nga policia disa orë para zgjedhjeve pasi u kap duke bërë pazare me votat. Më vonë ai u dënua me 2 vite burg nga Shkalla e Parë, nën akuzën për korrupsion në zgjedhje. Aktualisht Fredi Beleri është zgjedhur eurodeputet i partisë Demokracia e Re e drejtuar nga Kyriakos Mitsotakis.

Apeli i GJKKO-së ka shtyrë seancën për Fredi Belerin, i dënuar me 2 vite burg për blerje votash, i cili kërkoi lirimin nga qelia.

Seanca gjyqësore për dhënien e vendimit do të mbahet më 25 Qershor në orën 13:00. Kryebashkiaku i zgjedhur i Himarës, i cili ndodhet në qeli prej 12 Majt 2023, ka deklaruar para togave të zeza se është arrestuar në emër të kryeministrit Edi Rama dhe se provat janë manipuluar.

“Në emër të kryeministrit jam arrestuar dhe provat janë manipuluar. Unë ndërgjegjen e kam të qetë dhe ju kur të shpallni vendimin ta keni të qetë ndërgjegjen tuaj”, tha Fredi Beleri.

Ai është dënuar nga Gjykata e Posaçme me dy vite burg, por Fredi Beleri ka ankimuar vendimin në Apelin e GJKKO-së dhe ka pretenduar pafajësi. Kujtojmë që Fredi Beleri është zgjedhur eurodeputet pas zgjedhjeve për Parlamentin Europian, pasi u fut në listën e kandidatëve nga partia Demokracia e Re e kryeministrit grek Mitsotakis.

noa.al

Gjykata Kushtetuese ka caktuar datën 19 mars për zhvillimin e seancës gjyqësore për Fredi Belerin, i cili kërkon shfuqizimin si antikushtetues të vendimit të Gjykatës së Lartë që nuk i dha leje për t’u betuar si kryebashkiak i votuar i Himarës.

Po ashtu, Beleri kërkon shfuqizimin edhe të dy vendimeve, të Gjykatave të Posaçme kundër Krimit të Organizuar dhe Korrupsionit, datë 1 qershor dhe 22 maj.

Publikimi i vendimit nga Kushtetuesja vjen pak ditë pasi SPAK shpalli pretencën për Belerin duke kërkuar dënimin e tij me dy vjet dhe gjashtë muaj burgim, ndërsa për Pandeli Kokaveshin u kërkua dy vjet burg, që sipas sugjerimit të SPAK të konvertohen në katër vjet shërbim prove.

Ndërkohë që avokatët e tij iu drejtuan në re njëjtën kohë Kushtetueses të përshpejtonte procesin, të cilin mbledhja e gjyqtarëve kushtetues njoftoi se e kaloi në seancë plenare.