Çmimi mesatar i shitjes së pronës në Tiranë është vlerësuar në 124 mijë lekë për metër katror, pas miratimit të referencave të reja për çmimet. Këto çmime kanë pësuar rritje në gjithë vendin, me zonat më të shtrenjta që përfshijnë Farkën, Liqenin Artificial dhe Dhërmiun, ku çmimi për metër katror arrin nga 190,000 deri në 258,000 lekë.

Qeveria ka miratuar çmimet e reja mesatare të shit-blerjes së banesave, dhe krahasuar me vitin 2023, ato janë rritur në qytetet e mëdha dhe zonat bregdetare, të cilat nuk janë të klasifikuara si qytete. Në Tiranë, çmimi mesatar për metër katror është 124,300 lekë, me Paskuqanin si zonën më të lirë me çmim prej 62,500 lekë/m2, ndërsa zona pranë liqenit artificial ka çmimin më të lartë me 227,400 lekë/m2. Farka, përtej kryeqytetit, mban çmimin më të lartë në të gjithë vendin, ku çmimi arrin deri në 257,000 lekë/m2.

Po ashtu, në Durrës, çmimi i mesëm i banesave është rritur në 71,200 lekë/m2 nga 67,500 lekë/m2 në vitin 2023, dhe gjithashtu ka pasur një rritje të çmimit në disa qytete të tjera të qarqeve të ndryshme, deri në 14,000 lekë/m2 për një vit. Ndërkohë, në zonat bregdetare, Dhërmiu udhëheq me çmimin më të lartë, që arrin në 190,000 lekë/m2.

Përcaktimi i këtyre çmimeve shërben si referencë për qytetarët dhe bizneset që dëshirojnë të investojnë, si dhe për politikën e strehimit të Entit Kombëtar të Banesave dhe qeverisë në fushën e politikave fiskale.

Çmimi referencë i pronave në Tiranë, 2024

Çmimi mesatar

124.300 lekë/m2

Çmimi më i lartë Liqeni artificial 227 400 lekë/m2

Çmimi më i ulët Njësia 11 (pranë Paskuqanit) 62 500 lekë/m2

Zona më e shtrenjtë në Shqipëri

Njësia Farkë 257 mijë lekë/m2

Çmimi referencë i pronave në Shqipëri

Tiranë 124 300 lekë/m2

Durrës 71 200 lekë/m2

Vlorë 66 700 lekë/m2

Kamëz 62.500 lekë/m2

Shkodër 62 300 lekë/m2

Elbasan 55 400 lekë/m2

Fier 55 400 lekë/m2

Korçë 59 500 lekë/m2

Berat 52 200 lekë/m2

Kukës 54 000 lekë/m2

Gjirokastër 48 600 lekë/m2

Çmimi i pronave në bregdet

Dhërmi 186 400 lekë/m2

Orikum 61 400 lekë/m2

Velipojë 60 400 lekë/ m2

Golem 56 500 lekë/m2

Shëngjin 49 200 lekë/m2

Një person ka mbetur i lënduar si pasojë e një aksidenti të ndodhur paraditen e sotme në afërsi të fshatit Sovjan të Maliqit. Shoferi i një mjeti tip “Opel” ka goditur një të moshuar, cili po udhëtonte me motor. Goditja ka qenë e fortë duke i shkaktuar dëmtime serioze motociklistit rreth të 60-ave.

Drejtuesi i mjetit tip “Opel” ka qenë duke udhëtuar nga Pogradeci në drejtim të Korçës se bashku me familjarët të tij kur një motor që drejtohej nga i moshuari, ka dalë nga një pikë karburanti në rrugën nacionale, kalim ky që ka sjellë edhe përplasjen e motorit me mjetin. I aksidentuarit është nisur me urgjencë drejt spitalit rajonal të Korçës aty ku po merr edhe ndihmën mjekësore.

Burime pranë spitalit bëjnë me dije se i moshuari ndodhet në gjendje të rëndë, por jo në rrezik për jetën. Drejtuesi i mjetit është shoqëruar në komisariatin e Korçës ku po pyetet për rrethanat e këtij aksidenti.

Një aksident automobilistik ka ndodhur mëngjesin e sotëm në aksin Tiranë-Durrës, teksa raportohet se dy makina janë përplasur me njëra-tjetrën.

Siç shfaqet edhe në pamje, një automjet tip Audi ka goditur nga pas një makinë tip VolksWagen.

Fatmirësisht nga përplasja nuk ka dëme në njerëz, ndërsa të dy automjetet kanë pësuar dëme materiale.

Sakaq, grupi hetimor po punon për zbardhjen e plotë të dinamikës së aksidentit.

Në aksin rrugor “Sarandë-Krane”, punonjësi i Stacionit të Policisë Livadhja, inspektor D. M., duke drejtuar automjetin e Policisë tip “Land Rover”, dyshohet se ka humbur kontrollin mbi drejtimin e automjetit dhe si pasojë automjeti ka dalë nga rruga.

Nga kryerja e testit të alkoolit, punonjësi i Policisë rezultoi 0.00 mg/l.

Aktualisht ai ndodhet në spitalin e Sarandës, jashtë rrezikut për jetën.

Grupi hetimor po punon për zbardhjen e plotë të rrethanave të aksidentit.

Një aksident rrugor ka ndodhur këtë të enjte në rrugën “Xhanfize Keko” në Tiranë.

Një 21-vjeçar, duke drejtuar automjetin ka përplasur një 28-vjeçare.

E reja ka pësuar lëndime të shumta në trup dhe ndodhet në spital nën kujdesin e mjekëve.

Drejtuesi i automjetit është shoqëruar në komisariat për veprime të mëtejshme ndërsa grupi hetimor po punon për sqarimin e rrethanave të aksidentit.

Reshje të dendura breshëri kanë përfshirë sot qytetin e Milanos në Itali.

Vendi prej ditësh ka pasur prezencë të masave ajrore të paqëndrueshme, me shira të dendur, ndërsa në ditët në vijim pritet të ketë një përmirësim të kushteve atmosferike dhe rritje të temperaturave.

Edhe vendi ynë ka qenë nën ndikimin e të tilla kushteve, por me temperatura të larta.

Aksident i frikshëm në Lezhë. Një automjet foristradë Toyota ka hyrë në një dyqan në rrugën e Shtrausit në afersi të urës së Cenit.

Ende nuk dihet nëse ka persona të lënduar nga aksidenti, ndërsa policia ndodhet në vendin e ngjarjes.