Mënyrë të dhimbshme dhe vuajtëse ka zgjedhur një djalë në moshe fare të re në Tiranë, për ti dhënë fund jetës në lule të rinisë.

I riu A.U., banor i Tiranës, 23 vjeç, raportohet se ditën e djeshme, në rrugën “Loni Ligori”, në gjendje të rënduar psikologjike, është vetëdëmtuar në banesë, me mjet prerës.

Policia lokale tha se A. U., 23 vjeç, është dërguar në spital dhe aktualisht gjendet atje, jashtë rrezikut për jetën.

Materialet procedurale iu referuan Prokurorisë së Tiranës, për veprime të mëtejshme.

Kohët e fundit ka një shtim të theksuar të rasteve të përpjekjeve për vetëvrasje, me raste të moshave nga më të ndryshme, përfshirë të rinjtë.

Pjesa më e madhe e tyre kanë përfunduar tragjikisht. /noa.al

Kursi i këmbimit të Euros me Lekun pësoi përsëri rënie të premten dhe preku një minimum të ri historik. Sipas kursit zyrtar të këmbimit të Bankës së Shqipërisë, Euro u këmbye me 97.88 lekë, niveli më i ulët i shënuar ndonjëherë.

Agjentët e këmbimit mendojnë se rënia e kursit të Euros duket se lidhet me shtimin e ndjeshëm të prurjeve valutore të lidhura me turizmin gjatë muajit qershor. Një rënie e ndjeshme u shënua edhe në prag të fundjavës së kaluar, kur Euro pati zbritur përsëri poshtë vlerës së 98 lekëve.

Por, me afrimin e fundjavës duket se presionet rënëse mbi Euron janë forcuar përsëri, duke e zbritur monedhën europiane në vlerën më të ulët të regjistruar ndonjëherë në kursin zyrtar të këmbimit.

Sezoni veror, ashtu siç pritej, po ndikon edhe këtë vit në një rënie të mëtejshme të kursit të këmbimit të Euros me Lekun. Duke filluar nga gjysma e dytë e muajit prill, kursi i këmbimit Euro-Lek ka pësuar një zhvendosje në rënie. Të dhënat e viteve të fundit tregojnë se një rënie e tillë është pak a shumë e zakonshme dhe lidhet me rritjen e flukseve valutore hyrëse, të lidhura sidomos me shtimin e numrit të vizitorëve të huaj. Trysnia mbi kursin e Euros është forcuar më tej me fillimin e qershorit, kur sezoni veror bëhet më intensiv.

Nga ana tjetër, edhe politika fiskale shtrënguese, me suficite të mëdha, e viteve të fundit tenton të shtrëngojë ofertën e Lekut me kalimin e muajve, duke shtuar presionin për mbiçmimin e monedhës vendase. Deri në fund të 4-mujorit, buxheti ishte përsëri në suficit të dukshëm, në vlerën e 38 miliardë lekëve, megjithëse në rënie me 24% krahasuar me të njëjtën periudhë të një viti më parë.

Vitin e kaluar, Banka e Shqipërisë e kufizoi rënien e kursit deri në nivelin e 98 lekëve, nëpërmjet blerjeve të mëdha valutore, që filluan në muajin maj dhe vazhduan pothuajse për të gjithë pjesën e mbetur të vitit. Banka Qendrore bleu afërsisht 933 milionë euro në tregun e brendshëm valutor në 2024, në vlerën më të lartë historike.

Banka e Shqipërisë ndërhyri në tregun valutor në fillim të javës së kaluar për të blerë Euro, duke bërë që monedha europiane të ringrihej përkohësisht sipër nivelit të 98 lekëve.

Mund të duket e çuditshme, por e hëna është dita më e zakonshme e ndarjeve. Dhe kur të mendoni për këtë, ndoshta ka kuptim: Stresi i fillimit të javës mund të jetë një shkak që çon njerëzit të prishin marrëdhëniet që po vuajnë prej kohësh. Ja cilat janë pesë faktorët kryesorë që mund të paralajmërojnë një ndarje të afërt:

1. Historitë e vjetra nuk ju lënë të qetë

Sa më shumë ish-partnerë të keni pasur, aq më lehtë mund të ndjeni kur diçka s’po shkon. Mendja juaj mund të fillojë të krahasojë momentet e vështira të marrëdhënies aktuale me përvojat e së shkuarës: “Kjo më kujton atë që bëri (X).” Mësimet e hidhura nga marrëdhëniet e së shkuarës mund të ndikojnë në vendimin tuaj për t’u larguar.

2. Nuk po e menaxhoni më marrëdhënien si dikur

Komunikimi, empatia dhe aftësia për të zgjidhur konfliktet janë çelësi për një marrëdhënie të gjatë. Nëse këto aftësi mungojnë, mos u çudisni kur gjërat të shkojnë keq. Sa më të pajisur të jeni për të përballuar “tërmetet” emocionale, aq më shumë shanse ka që të mbijetoni.

3. Keni pak ose aspak dëshirë për t’u përfshirë në marrëdhënie

Një marrëdhënie pa një qëllim të qartë është më e prirur për t’u shkatërruar. Nëse të dy nuk jeni duke investuar në marrëdhënie është shumë më e lehtë të shihni derën më të afërt të daljes. Një angazhim i dobët shpesh është më i lehtë për t’u ndërprerë se një që ka rrënjë më të thella.

4. Kontrolli i tepërt ju krijon ndjesi “mbytëse”

Njerëzit e pavarur (ata që nuk duan t’u cënohet liria) shpesh marrin hapin e parë për të ndarë rrugët me partnerin kur ndihen të mbytur. Në të kundërt, personat që janë të varur nga partneri dhe të pasigurt për ndjenjat e tyre zakonisht kanë frikë nga ndarja dhe luftojnë të mbajnë marrëdhënien, edhe kur ndihen të pashpresë.

5. Jeni vazhdimisht të tunduar nga “opsionet e tjera”

Kur mendoni se mund të keni mundësi më të mira, apo kur lidhja juaj nuk ju jep entuziazmin e dikurshëm, mund t’ju rritet tundimi për t’i dhënë fund lidhjes ekzistuese dhe të përfshiheni në një raport emocionues.

Nëse mendoni se marrëdhënia po lëkundet, ndaloni për një moment dhe mendoni: A është kjo një frikë momentale apo diçka më e thellë? E ndoshta, herën tjetër që hidhni një monedhë për të marrë vendimin përfundimtar, përgjigjen e dini brenda vetes para se ajo të bjerë në tokë.

Ndërkohë që shumë çifte sot kanë kremtuar dashurinë dhe i kanë premtuar njëri-tjetrit dashuri të përjetshme, disa të tjerë kanë nënshkruar aktin e fundit të një marrëdhënieje.

Eksperti i lidhjeve, Adrienne Levy, thotë se dashuria dhe besimi janë komponentë jetësor për themelimin e një martese të fortë që zgjat. Por, sipas tij, ndonjëherë nuk mjaftojnë vetëm këto dyja!Më poshtë janë disa nga shkaktarët më të mëdhenj të ndarjeve, nga të cilët çdo çift duhet të ketë kujdes.

Mbajtja e sekreteve nga njëri-tjetri: Ka gjëra që ne shpesh preferojmë t’i mbajmë për vete, por mbajtja e sekreteve në martesë është e dëmshme. Nuk është nevoja t’ia thoni partnerit çdo mendim që ju vjen ndërmend, por nëse me vetëdije mbani sekrete, kjo shumë shpejt mund të sjellë në probleme të vështira martesore, shkruan living.al.
Ekspertët nuk rekomandojnë të mbani sekrete, pavarësisht sa të vogla apo të mëdha janë! Sinqeriteti gjithmonë është opsioni më i mirë.