EGJIPT- Një anije u përmbys në Gjirin e Suezit të martën, duke vrarë të paktën katër persona dhe duke plagosur rreth 20 të tjerë, thanë autoritetet egjiptiane në orët e para të mëngjesit. Anija , Adam Marine 12, u përmbys në rajonin Jabal el-Zayt në Egjiptin verilindor, rreth 250 kilometra nga hyrja e Kanalit të Suezit, tha Ministria e Naftës dhe Burimeve Minerale në Facebook.

Ministria e Shëndetësisë tha se ishte njoftuar për aksidentin nga Offshore Shukeir Oil Company Co. (OSOCO), ndërsa nuk shpjegoi arsyet pse kishte ndodhur.

“Katër persona të plagosur u transportuan me helikopter dhe 18 të tjerë u dërguan me ambulancë në Spitalin El Jouna”, në Egjiptin lindor, ndërsa trupat e “katër të tjerëve u transferuan në spitalin e përgjithshëm në Hurghada” (lindje), tha Ministria e Shëndetësisë nëpërmjet X.

Zëvendëskryeministri dhe Ministri i Shëndetësisë Khaled Abdel Ghaffar, si dhe ministrat e Naftës dhe Punës, po e monitorojnë nga afër situatën, sipas të njëjtit burim. Kanali i Suezit, në Gjirin me të njëjtin emër, është një rrugë detare me rëndësi strategjike për transportin nga Azia në Evropë dhe anasjelltas.

Rreth 12% e tregtisë detare botërore kalonte nëpër të përpara se rebelët Huthi të Jemenit të fillonin të sulmonin anijet në Detin e Kuq në fund të vitit 2023, në atë që ata e quajnë një shfaqje solidariteti me palestinezët në Rripin e Gazës. Në vitin 2021, një anije kontejnerësh prej 200,000 tonësh, Ever Given, ngeci në brigjet e Kanalit të Suezit, duke e mbyllur atë për gjashtë ditë, duke shkaktuar përsëri një ndërprerje të rëndë të tregtisë ndërkombëtare detare.

Të paktën 150 persona janë zhdukur pasi një anije me pasagjerë u përmbyt në rajonin Niger të Nigerisë. Drejtori i Përgjithshëm i Agjencisë për Situata Emergjente, Abdullahi Baba Arah tha se anija me rreth 300 persona u përmbyt mbrëmë në një lum në rajonin Mokwa.

Gjithashtu ai theksoi se të paktën 150 persona janë zhdukur në fatkeqësi. Sipas mediave nigeriane, zhytësit vendas shpëtuan shumë udhëtarë pas fatkeqësisë ndërsa përpjekjet e kërkim-shpëtimit vazhdojnë në rajon

Dy emigrantë vdiqën dhe një vijon të jetë ende i zhdukur, pasi një varkë me më shumë se 30 persona u mbyt rreth 17 milje në jug-lindje të qytetit italian të Sirakuzës, Siçili, njoftoi roja bregdetare italiane të dielën.

Pasi morën një telefonatë fatkeqësie të shtunën vonë, një varkë e rojes bregdetare dhe një avion shkuan në zonë, shpëtuan 34 persona dhe i çuan në portin e Sirakuzës, tha autoriteti në një deklaratë.
Megjithatë, një migrant vdiq në mbërritje në port dhe një tjetër vdiq më vonë në spital. Roja bregdetare tha se ishte ende në kërkim për një person të zhdukur.

Emigrantët në bordin e varkës ishin të kombësisë siriane, egjiptiane dhe bengali.
Sipas të dhënave të OKB-së, më shumë se 23,500 emigrantë kanë vdekur ose janë zhdukur në Mesdheun qendror që nga viti 2014.

Në Republikën Demokratike të Kongos, 86 persona vdiqën dhe 86 u plagosën pas mbytjes së një varke përgjatë lumit Kwa, pranë kryeqytetit Kinshasa.

Sipas radios Okapi të mbështetur nga OKB-ja, anija mbante 271 pasagjerë kur u prish mesditën e së mërkurës për shkak të problemeve në motor. 185 persona të tjerë arritën të notojnë deri në breg.