Gjykata e Posaçme e Shkallës së Parë për Korrupsionin dhe Krimin e Organizuar ka pranuar kërkesën e Prokurorisë së Posaçme për zgjatjen e afateve të paraburgimit për Ilir Beqajn dhe Ermal Kurtulajn. Kjo masë u mor në kuadër të hetimeve për procedimin penal nr. 190 të vitit 2023.

Vendimi, i marrë nga trupi gjykues nën drejtimin e gjyqtares Rudina Palloj, zgjat masën e paraburgimit “Arrest në burg” me tre muaj, duke filluar nga data 4 janar 2025. Ky hap synon të sigurojë vijimin e hetimeve ndaj dy të ndaluarve.

Pala mbrojtëse ka të drejtë të apelojë vendimin brenda 15 ditëve në Gjykatën e Posaçme të Apelit për Korrupsionin dhe Krimin e Organizuar.