Artistja me famë botërore zgjodhi një veshje totalisht të zezë, e cila kombinonte sensualitetin me stilin e fuqishëm urban.

Ajo mbante një korse saten të zezë me detaje dantelle, të kombinuar me një xhaketë me qime të shkurta të zeza, që i jepte një nuancë glamuroze dhe luksoze.

Veshja plotësohej me pantallona të shkurtra prej lëkure dhe geta të zeza, duke theksuar siluetën e saj elegante.

Detajet e aksesorëve ishin gjithashtu të zgjedhura me kujdes, unaza masive argjendi, vathë të mëdhenj rrethorë dhe këpucë klasike me taka të zeza që shtonin një prekje sofistikimi.

Ndërkohë, grimi minimalist me theks tek lëkura e shkëlqyer dhe flokët e kapur pas koke në stil ‘slicked-back’, e bënin të dukej moderne dhe e rafinuar.

Kjo paraqitje e Dua Lipës është një tjetër dëshmi e aftësisë së saj për të kombinuar muzikën dhe stilin, duke u shndërruar në një ikonë të padiskutueshme të modës dhe performancës.

Shpërthime të forta u dëgjuan sot në Teheranin qendror dhe verior, raportuan gazetarët e AFP.

Nuk është e qartë nëse shpërthimet ishin për shkak të bastisjeve izraelite apo përgjigjes së mbrojtjes iraniane, specifikon agjencia.

Vetmia është kthyer në një shqetësim të shëndetit publik. Mediat sociale, që në teori na lidhin, shpesh na lënë më të izoluar, ndërsa shohim imazhe të kuruara që rrisin ndjesinë e shkëputjes. Nëse ndiheni të vetmuar, ja katër fjalë kyçe që mund t’ju ndihmojnë të kaloni nga ndjenja e izolimit në ndjenjën e lidhjes me të tjerët.

1. Lidhu

Bëni hapin e parë dhe kontaktoni me dikë. Kjo nuk do të thotë të krijoni menjëherë një lidhje të thellë, por të nisni me hapa të vegjël – si të ftoni një mik të vjetër për kafe ose të bashkoheni me një grup lokal për diçka që ju pëlqen. P.sh., Arta, një 35-vjeçare që punon në marketing, u ndje e izoluar pasi u shpërngul në një qytet të ri. Edhe pse kishte qindra miq në Facebook, asnjëri nuk i dukej aq i afërt sa ta kontaktonte. Në vend që të priste, ajo u bashkua me një klub librash. Fillimi kërkonte përpjekje, por shumë shpejt, ajo filloi të lidhej me njerëz realë, duke lehtësuar vetminë.

Ide: Vendosni një qëllim të vogël, si të kontaktoni një person në javë. Mund të habiteni sa shumë njerëz nuk kanë ndërmarrë hapin e parë.

2. Dëgjo

Shpesh vetmia buron nga ndjenja se nuk po dëgjohemi apo kuptohemi. Por ndonjëherë, të jesh ai që dëgjon, mund të krijojë lidhje që nuk i prisnit. Kur Tani, një mësues 42-vjeçar, ndihej i shkëputur nga kolegët, ai filloi të dëgjonte më aktivisht bisedat përreth, pa pritur të fliste për veten. Duke dëgjuar të tjerët, ai vuri re se ata hapeshin dhe kështu filluan të krijoheshin lidhje përtej bisedave të zakonshme.

Ide: Sfidojeni veten të tregoni kureshtje për të tjerët. Nuk keni nevojë të jepni zgjidhje – thjesht akti i dëgjimit mund të jetë transformues për të dy palët.

3. Angazhohu

Angazhimi në diçka që ju intereson mund të mbushë boshllëkun që vetmia e thellon. Kërkoni aktivitete, punë vullnetare, apo hobi që ju bëjnë të ndiheni pjesë e diçkaje më të madhe. Klaudia, një 27-vjeçare që punonte nga shtëpia, u ndje e izoluar. Ajo iu bashkua një grupi teatror lokal, fillimisht si spektatore dhe më pas u ofrua si vullnetare për skenografi. Jo vetëm që krijoi miqësi të reja, por gjeti një mënyrë të vlefshme për të kaluar kohën.

Ide: Kërkoni mundësi për të bërë punë vullnetare ose të përfshiheni në një kauzë që ju intereson. Do të takoni njerëz me interesa të përbashkëta dhe qëllimi pas veprimeve tuaja mund të luftojë ndjenjën e vetmisë.

4. Shkëputu

Mund të duket në kundërshtim, por ndonjëherë shkëputja – nga mediat sociale, mendimet negative, edhe shkëpuzja nga persona të caktuar – mund të reduktojë vetminë. Mediat sociale shpesh e përkeqësojnë izolimin përmes krahasimeve që nxisin. Beni, një kuzhinier 30-vjeçar, shpesh ndihej i vetmuar gjatë natës, duke parë postime që e linin të shkëputur. Ai vendosi të largonte telefonin një orë para gjumit dhe të kalonte kohën duke shkruar në ditar ose duke lexuar. Ky ndryshim i vogël e ndihmoi të ndihej më mirë.

Ide: Përpiquni të kufizoni përdorimin e rrjeteve sociale. Shkëputuni nga hapësirat online që ju lënë bosh dhe zëvendësojini me aktivitete që ushqejnë mendjen tuaj.

Shumë shpërthime u regjistruan në depot e municioneve në territorin e Krasnodarit dhe rajonin e Tverit. Një sulm me dron në rrethin Tikhoretsk në rajonin Krasnodar të Rusisë shkaktoi shpërthime eksplozivi, njoftoi guvernatori rajonal, Veniamin Kondratyev.

Sipas Washington Post, Qarku Tikhoretsk është shtëpia e një depoje të madhe municionesh që është zgjeruar gjatë vitit të kaluar për të akomoduar dërgesat e municioneve nga Koreja e Veriut.

Kushtet e një stuhie gjeomagnetike të nivelit katër – në shkallën pesë – u vëzhguan të hënën nga ora 1500 GMT, sipas një qendre të specializuar në Administratën Kombëtare të Oqeanit dhe Atmosferës së SHBA (NOAA). Këto kushte mund të vazhdojnë për disa orë, por nuk pritej të rriteshin më tej në intensitet, shtoi NOAA në një deklaratë. “Një stuhi e fortë gjeomagnetike përfshin mundësinë që aurora të shihet paksa në jug deri në Alabama dhe Kalifornia veriore,” tha NOAA në një deklaratë, duke iu referuar dy shteteve të SHBA.

Stuhia e re diellore është shkaktuar nga nxjerrjet e masës koronale, të cilat janë shpërthime të grimcave që largohen nga dielli. Kur këto grimca mbërrijnë në Tokë, ato prishin fushën magnetike të planetit. “Ka shumë aurora tani… Nëse zgjat deri në mbrëmje këtu, ne mund të jemi në gjendje të shohim disa,” tha Eric Lagadec, një astrofizikan në Observatorin Cote d’Azur në Francë, në X, dikur Twitter. Të dielën, astronauti i NASA-s Matthew Dominick publikoi në X një foto të mrekullueshme të aurora borealis – ose Dritave Veriore – të marra nga Stacioni Ndërkombëtar i Hapësirës, ​​ku ai ndodhet aktualisht.

Por stuhitë diellore ose gjeomagnetike gjithashtu mund të shkaktojnë efekte të padëshirueshme. Për shembull, ato mund të degradojnë komunikimet me frekuencë të lartë, të prishin satelitët dhe të shkaktojnë mbingarkesa në rrjetin elektrik. Operatorët e infrastrukturës së ndjeshme janë njoftuar për të marrë masa për të kufizuar këto efekte, tha NOAA.

Në maj, planeti kaloi nëpër stuhitë më të fuqishme gjeomagnetike të regjistruara në 20 vjet. Ata bënë që aurorat të ndriçojnë qiellin e natës në Shtetet e Bashkuara, Evropë dhe Australi, në gjerësi gjeografike shumë më të ulëta se zakonisht. Kjo lloj ngjarje është rritur kohët e fundit sepse dielli është aktualisht afër kulmit të aktivitetit të tij, sipas ciklit të tij 11-vjeçar.

Tre tërmete të forta me mangitudë 3.5, 4.5 dhe 4.8 Rihter kanë goditur Kretën ditën e sotme. Tërmeti i parë me magnitudë 3.5 të shkallës Rihter kishte thellësi fokale 10 kilometra dhe epiqendër 32 kilometra në juglindje të Miamos, Heraklion.

Tërmeti i dytë kishte magnitudë 4.8 të shkallës Rihter, thellësi fokale 10 kilometra dhe epiqendër 16 kilometra në jugperëndim të Kullës së Heraklionit. Tre tërmetet u regjistuarn në një afat kohor të shkurtër. Mediet fqinje nuk raportojnë për dëme në njerëz apo dëme materiale.

Të paktën shtatë persona kanë humbur jetën si pasojë e stuhisë tropikale “Eviniar” që goditi Filipinet gjatë fundjavës.

Për shkak të erërave të forta dhe shiut në jug të kryeqytetit të Filipineve, Manila, pati ndërprerje të energjisë elektrike, si dhe u mbyllën disa aeroporte dhe porte detare.

Stuhia solli erëra deri në 130 kilometra në orë.

Një automjet tip “Reno” është përfshirë nga flakët këtë të dielë në zonën e “Skelës “në Vlorë.

Bulevardi është bllokuar për disa minuta deri sa situata është vendosur nën kontroll. Mësohet se zjarri ka rënë në pjesën e pasme të makinës.

Menjëherë pas njoftimit të shërbimit zjarrfikës kanë mbërritur në vendin e ngjarjes forcat zjarrëfikse, të cilat kanë bërë të mundur shuarjen e flakëve si dhe forcat blu të Vlorës të cilët po hetojnë më tej rreth kësaj ngjarjeje.

Igor dhe Gorica Dodik, djali dhe vajza e liderit serb të Bosnjes, Milorad Dodik, janë futur në listën e zezë të Shteteve të Bashkuara të Amerikës, sipas një njoftimi zyrtar të Departamentit të Shtetit.

“Vendimi i sotëm synon që të pengojë elementet e rrjetit financiar që pasurojnë personalisht Dodikun në dëm të integritetit territorial dhe qeverisjes funksionale në Bosnje-Hercegovinë”, thuhet në njoftimin e Departamentit të Shtetit.

Përmes një postimi në platformën X, Gorica Dodik ka reaguar me nota ironike, duke e quajtur një privilegj të madh futjen e saj në listën e zezë të SHBA.

“Faleminderit shumë, nuk ka privilegj më të madh në këtë ditë dhe kohë se sa të jesh në listën tuaj të zezë, është prova se ne nuk jemi agresorë dhe kriminelë si ju. Duart tuaja janë me gjak deri në bërryla, kushdo që ju mbështet ju është bashkëpunëtor në krimet tuaja të tmerrshme rreth botës. E vërteta është se ju udhëhiqni korrupsionin në të gjithë botën përmes kompanive të ndryshme dhe ata që nuk iu binden i quani kriminelë. Përshëndeteni presidentin tuaj pedofil, djalin e tij të droguar dhe të afërmit e tij të shumtë”, shkruan Gorica.
Vetë Dodik, i njohur edhe si lider pro-rus, është sanksionuar nga SHBA-ja më 5 janar të vitit 2022.