Pasditen e së enjtes, vendgrumbullimi i mbeturinave në Vlorë u përfshi sërish nga flakët, duke çuar në ngritjen e shtëllungave të mëdha tymi mbi zonën përreth.

Forcat zjarrfikëse janë në terren për të lokalizuar dhe shuar flakët, ndërsa dyshohet se zjarri mund të jetë i qëllimshëm. Paralelisht, pritet të nisë një hetim për të përcaktuar nëse zjarri është pasojë e një akti të qëllimshëm apo ka ardhur si rezultat i një reaksioni kimiko-biologjik me vetëndezje.

Djegia e mbeturinave në këtë zonë është kthyer në një fenomen të përsëritur, me pasoja që prekin jo vetëm cilësinë e ajrit, por edhe shëndetin e banorëve. Vetëm këtë vit, ky është rasti i disatë i raportuar, me zjarre të ngjashme që kanë ndodhur më herët, si ai i datës 22 nëntor, që zgjati dy ditë dhe ndoti gjithë zonën përreth.

Ky problem ka shtuar shqetësimet e qytetarëve, të cilët kërkojnë zgjidhje urgjente dhe masa konkrete për menaxhimin e mbetjeve dhe parandalimin e rasteve të ngjashme në të ardhmen.

Merr një flakë një sipërfaqe me grurë të korrur në fushën e Maliqit, në afërsi të fshatit Drithas.

Vetëm pak ditë më parë në të njëjtën fushë janë djegur jo me pak se 4 hektarë me sipërfaqe grurë të korrur duke rrezikuar dhe sipërfaqe të tjera të grurit të pakorrur.

Autoritetet lokale herë par here kane bere thirrje banorëve të zonës të tregojnë kujdes në këtë zonë me temperatura shumë të larta pasi zjarret e pakontrolluara bëhen shpesh jo vetëm rrezik jo vetëm për kulturat bujqësore por dhe banesat përreth.