Një aksident automobilistik është regjistruar në aksin Fushë Krujë – Vorë.

Si pasojë e këtij aksidenti, ju janë përplasur dy automjete, janë mbetur të plagosur tre persona.

Ngjarja ka ndodhi në afërsi të zones së fshatit Budull, ndërsa të plagosurit janë dërguar për ndihmë mjekësore në Spitalin e Traumës.

Policia ndodhet në vendngjarje për të zbadhur shkaqet e aksidentit.

Është zbardhur ekspertiza paraprake lidhur me ngjarjen e 3 efektivëve të forcave “Shqiponja” që kanë qëlluar me armë një automjet të tipit “Audi” në aksin Tiranë – Fushë Krujë.

Ngjarja ka ndodhur në 8 mars të këtij viti por efektivët e kanë fshehur ngjarjen e cila është zbuluar vetëm dy javë më parë.

Nga kqyrja e provave rezulton se plumbi që është qëlluar makina, ka dalë nga arma e shërbimit të efektivit Rezart Berberi, tashmë i shpallur në kërkim.

Gjithashtu dyshohet se drejt makinës mund të jetë qëlluar dhe nga dy efektivët e tjerë që kanë qenë sëbashku me Berberin, por gëzhoja është e dëmtuar dhe nuk mund të verifikohet.

Një sasi me lëndë eksplozivi ka shpërthyer mbrëmjen e sotme në portën e jashtme të banesës së shtetasit Artur Kurti në lagjen Arrameras të Fushë Krujës.

Lidhur me ngjarjen ka reagur edhe policia ku bëhet me dije se janë shkaktuar vetëm dëme materiale. Ngjarja ka ndodhur rreth orës 22:10 të mbrëmjes së sotme.

Grupi hetimor ndodhet në vendngjarje dhe po punon për sqarimin e rrethanave të ngjarjes. Ende nuk dihet shkaku ose autori i vendosjes së tritolit.

‘Në datë 18.05.2024, rreth orës 22:10, në Arrameras, në ambientet e jashtme të banesës së shtetasit A. K., dyshohet se ka shpërthyer një sasi e vogël lënde plasëse, dhe si pasojë ka vetëm dëme materiale (është dëmtuar porta e jashtme).

Grupi hetimor po punon për sqarimin e rrethanave të ngjarjes’, njofton policia.

Katër kallashnikovë janë gjetur në mjetin  e djegur “Land Rover” që dyshohet se është e autorëve që ekzekutuan pasditen e sotme Gentian Bejtjan në oborrin e banesës së tij në Larushkë të Fushë Krujës.

Pamjet e kallashnikovëve të djegur. Makina e djegur u gjet në fshatin Hasan, gati 5 km larg banesës ku dhe ndodhi ekzekutimi.

Gentjan Bejtja u ekzekutua pak momente më parë në banesën e tij në Fushë-Krujë.

Në 9 janar të vitit 2022 Gentian Bejtja ish-polic burgu, i shpëtoi një atentati me breshëri kallashnikovi, në afërsi të Niklës në Fushë-Krujë, por u plagos në krah miku i tij 31 vjeçar Klodian Stafuka i cili ndodhej me të në makinë gjatë momentit kur ndaluan për të furnizuar makinën në një pikë karburanti.

I njohur si ish-mik i Durim Bamit, person me rrezikshmëri të lartë shoqërore, 42-vjeçari Gentjan Bejtja ka qenë i dyshuar për një seri ngjarjesh në zonën e Fushë-Krujës, por jo vetëm.

Në shtator të vitit 2016, ndaj tij u bë një atentat me tritol. Bejtja po udhëtonte me makinën e tij tip “Tuareg”, në fshatin Nikël të Krujës, kur nga poshtë mjetit shpërtheu eksplozivi që e dëmtoi rëndë në këmbë.

42-vjeçari, u përmend shumë si personi i cili dyshohet që së bashku me Enver Stafukën kishin vjedhur makinën me të cilën u krye vrasja e kryekomisar Dritan Lamajt 24 shkurt 2013. Por me vendim gjykate Betja dhe Stafuka u shpallën të pafajshëm me 13 nëntor 2013, pasi u vlerësua se nuk kishte prova të mjaftueshme për dënimin e tyre për akuzën e vjedhjes në bashkëpunim.

Gentian Bejtja është shoqëruar edhe për dy atentate, atë të vrasjes së Ilias Çalit në autostradën Tiranë-Durrës, në prill të 2022-it dhe atentatit ndaj Marklen Hakës në qershor po të vitit të shkuar, por nuk u gjetën prova për ta fajësuar si autor të dyshuar.

Një tjetër ngjarje e rëndë ka ndodhur këtë mbrëmje në Fushë Krujë.

Mësohet se në Fushë Krujë janë regjistruar të shtëna me armë zjarri, ku për pasojë ka mbetur një person i plagosur.

‘Në rrugën “Asim Zeneli”, shtetasi V. M., dyshohet se ka plagosur me armë zjarri pistoletë shtetasin A. G., 57 vjeç, i cili ndodhet në spital, jashtë rrezikut për jetën.

Vijon puna për kapjen e autorit të dyshuar të ngjarjes.

Grupi hetimor po punon për sqarimin e rrethanave të ngjarjes’, njofton policia Lezhë.