Kampionati Europian U17 nisi këtë të hënën në Shqipëri, por për përfaqësuesen kuqezi, starti nuk ishte ai i dëshiruar. Në “Arenën Kombëtare”, djemtë e drejtuar nga Tedesco u përballën me një Portugali të fortë që e dominoi takimin dhe fitoi me rezultatin e thellë 4-0.

Portugezët e nisën fuqishëm ndeshjen dhe kaluan në avantazh në minutën e 36-të me anë të Quintas. Shqipëria tentoi të reagojë, por ishte shumë e pafuqishme përballë një skuadre të organizuar dhe teknike.

Në pjesën e dytë, diferenca në cilësi u bë më e dukshme. Mide shënoi golin e dytë nga pika e bardhë në minutën e 68-të, ndërsa Cabral në të 82-ën dhe Soares në minutën e 90+2 i dhanë goditjen finale kuqezinjve.

Pavarësisht rezultatit zhgënjyes, kjo është një mundësi e jashtëzakonshme për talentet shqiptarë që të përballen me futbollin europian në nivele të larta dhe të tregojnë potencialin e tyre në sytë e skautëve ndërkombëtarë, të cilët kanë dhe dy ndeshje të tjera në Grupin A me Gjermaninë dhe Francën

Dagllas Luiz dhe e dashura e tij Alisha Lehmann janë shokuar kur janë kthyer në shtëpi mbrëmjen e kaluar, pasi kishin dalë për të festuar fitoren e Juventusit përballë Lazios.

Dagllas dhe Alisha janë tmerruar kur janë kthyer në banesë, kur kanë parë se hajdutët kishin vjedhur një pasuri të konsiderueshme në banesën e tyre.

Lexo të radhës

Rey Manaj nuk ndalet shënon dygolësh në Turqi

Myrto Uzuni rikthehet me dopietë nga dëmtimi, shënon dy gola

Sylvinho: Kemi ende punë për të bërë

11 ora dhe bizhuteri të cilat vlerësohen me 500 mijë euro, ky ishte dëmi që hajdutët ju kishin shkaktuar Luizit dhe Alishës, dy juventinëve, i pari me sakudrën e burrave dhe e dyta me atë të grave.

Kjo nuk është hera e parë që futbollistët që luajnë me fanelën e Juventusit bien pre e grabitjeve, në të shkuarën një histori e ngjashme u ka ndodhur edhe Moise Kean, Kaio Jorge dhe Angel Di Maria./vizion plus

Rey Manaj është rikthyer nga dëmtimi në mënyrën më të mirë të mundshme, duke gjetur rrugën e rrjetës.

Në minutën e 43’ të takimit me Hatayspor, sulmuesi i Kombëtares shqiptare tundi rrjetën me anë të një goditjeje me kokë.

Në minutën e 73’, Sivasspor fitoi një 11-metërsh, të cilin e mori përsipër sulmuesi shqiptar, i cili nuk gaboi nga pika e bardhë duke rikthyer momentalisht baraspeshën, me rezultatin që u përmbys nga skuadra e tij 6 minuta më vonë në shifrat 3-2.

Manaj u dëmtua në ndeshjen me Gaziantep, duke lënë fushën në minutën e 42’ pasi kishte shënuar, duke munguar tre ndeshje me skuadrën e tij turke, i cili gjithashtu nuk ishte i pranishëm për duelet e Shqipërisë me Republikën Çeke dhe Gjeorgjinë.

Me këtë dygolësh, 27-vjeçari kuqezi shkon në kuotën e tre realizimeve këtë sezon, i cili është rikthyer për të qenë protagonist me skuadrën e tij./tch

Armando Sadiku shënoi dy gola në ndeshjen e sotme që Goa luajti ndaj North Ist Junajtid.

Sulmuesi shqiptar barazoi shifrat në shtesën e pjesës së parë, duke transformuar saktësisht një penallti.

Vetëm dy minuta pas fillimit të pjesës së dytë, ai u tregua i aftë brenda zonës të lëshonte një gjuajtje të pakapshme për portierin.

Kështu, sulmuesi kaloi në avantazh ekipin e tij që për fat të keq nuk administroi siç duhet rezultatin dhe mbylli ndeshjen në barazim 3-3.

33-vjeçari është kthyer në një pikë kyçe për ekipin indian të Goa-s, me të cilët u bashkua këtë merkato verore.

ANGLI – Manchester City fiton titullin e dhjetë kampion të Premier League si dhe të katërtin radhazi, duke shkruar historinë e elitës së futbollit anglez, pasi këtë dielë u bë e para skuadër që fiton 4 tituj radhazi, me skuadrën e Pep Guardiolës që siguroi triumfin në ndeshjen e fundit të sezonit, atë ndaj West Ham të cilën e fitoi me rezultatin 3-1.

“Citizens” diktuan ritmin ndaj “The Hammers” në takimin e raundit të 38-të, me golat që për vendasit i realizuan Foden në minutat 2’ dhe 18’ si dhe Rodri në minutën e 58’.

Ndërsa për miqtë rrugën drejt rrjetës e gjeti vetëm Kudus, me një super roveshatë të shënuar në minutën e 42’. Pas kësaj fitoreje Manchester City u shpall kampion i Premier League në kuotën e 91 pikëve, teksa West Ham e mbylli sezonin në vend të nëntë me 52 pikë.

Ndërsa Arsenal edhe këtë sezon i shkoi shumë pranë fitore së titullit, por nuk ia doli, kjo edhe për shkak të triumfit të City-t në takimin e fundit.

Në raundin e 38-të skuadra e Mikel Arteta-s fitoi me rezultatin 2-1 ndaj Everton, në një ndeshje shumë të luftuar, por në fund nuk mundi të festonte.

Golat për Arsenal u shënuan nga Tomiyasu në minutën e 43’ dhe Havertz në minutën e 89’, teksa për Everton shënoi Gueye në minutën e 40’.

Në fund gjithçka u mbyll me rezultatin 2-1 me Arsenal që e mbylli sezonin në vend të dytë në kuotën e 89 pikë, dy më pak se kampionët e City-t, teksa Everton në vend të 15-të me 40 pikë.

Më në fund erdhi momenti, edhe pse Kylian Mbappe kishte vendosur tashmë të mos rinovonte kontratën e tij me Paris Saint-Germain,  ai ende nuk kishte bërë asnjë njoftim për vendimin e tij dhe këtë e bëri sot (10 prill) me anë të një videoje në rrjetet sociale.

Ishte e logjikshme që ai të priste derisa PSG të mos ishte më në garë për trofe dhe ky moment erdhi.

Mbappe mbërriti në PSG në vitin 2017 dhe ka dominuar në Ligue 1 që atëherë. Megjithatë, ai nuk arriti të fitojë Ligën e Kampionëve të UEFA-s, pavarësisht shumë përpjekjeve, edhe pse i shkoi shumë afër në vitin 2021, ku humbi në finale përballë Bayern Munich.

“Përshëndetje të gjithëve, është Kylian. Doja të flisja me ju. Unë gjithmonë kam thënë se do të flas me ju kur të vijë koha dhe kështu doja t’ju njoftoja të gjithëve se është viti im i fundit në Paris Saint-Germain dhe aventura do të përfundojë pas disa javësh. Unë do të luaj ndeshjen time të fundit në Parc des Princes të shtunën. Është shumë emocionuese që pata mundësinë dhe nderin e madh të jem anëtar i klubit më të madh francez dhe një nga më të mëdhenjtë në botë” tha ndër të tjera Mbappe.

Kujtojmë që emri i Kylian Mbappe është i lidhur ngushtë prej disa vitesh me Real Madrid dhe këtë verë duket se gjithçka do të zyrtarizohet.

Partizani ka fiuar derbin me Tiranën

Ka qenë senegalez Maguette që e dërgoi Partizanin në triumfin 2-1 në derbin e katërt sezonal kryeqytetit, duke lënë jashtë “Final4”, të paktën për momentin një rivale historike si Tirana.

Numri 14 i të kuqëve hapi dhe mbylli rezultatin e një përballje të zjarrtë dhe emocionuese, ku pati nga gjashtë kartonë të verdhe e nga dy të kuq për secilën skuadër, me Partizani e për atë që ofroi në fushë, sidomos në pjesën e dytë, e meritoi fitoren.

VIDIO

Sulmuesi i Kombëtares kuqezi, Ernest Muçi ka gjetur një tjetër gol me Beshiktashin. Ai ka kaluar në avantazh skuadrën e tij në minutën e 18-të në duelin me Ankaraguçu.

Pas një pasimi të mirë, Muçi merr topin dhe gjuan me të majtën potente duke shkundur portën e kundërshtarit.

Ky është goli i tij i tretë në kampionatin turk me fanellën e Beshiktashit.

Do të luhet sonte takimi Mançester Siti-Real Madrid, i vlefshëm për raundin çerekfinal të Ligës së Kampioneve. ku janë publikuar edhe formacionet.

“Los Blacos” nuk ka fituar kurrë në Mançester, “qytetarët” mund të bëhet skuadra e dytë që eliminon Realin e Madridit në fazat me eliminim direkt të Champions në dy sezone radhazi, pas Milanit në 1988-89 (gjysmëfinale) dhe 1989-90 (1/8-at).

Verdikti i Mançester Siti-Real Madrid sot në “Etihad”, pas barazimit 3-3 në “Bernabeu” javën e shkuar, do të jetë i paparashikueshëm, ashtu siç gjithnjë është mes dy ekipeve: njërit që konsiderohet prej shumë vitesh favorit për ta fituar këtë trofe dhe tjetri që është rekordmeni i turneut me 14 trofe.

Në ndeshjen e sotme, Ançeloti është detyruar të bëjë një ndryshim në krahasim me një javë më parë, pasi në vend të Tçuamenit të pezulluar për kartonë, luan Naço nga minuta e parë.

GJERMANI – Për here të parë në histori Bayer Leverkusen shpallet kampione e Gjermanisë duke ndërprerë kështu historinë 11-vjeçare të Bayernit të Mynihut.

Me fitoren e thellë 5-0 ndaj Werder Bremenit. Ndër 5 golat, padyshim për t’u veçuar goli i dytë i ndeshjes, spektakolari i Granit Xhakës.

VIDIO GOLI