ITALI – Një ngjarje e rëndë, por me fund të lumtur, ka patur si protagonist mesfushorin e Sampdorias, Alesandro Bellomo. Futbollisti i ka shpëtuar jetën një turisteje e cila ishte sulmuar dhe qëlluar më thikë në rrugë.

Në natën e të martës, Bellomo gjendej në shtëpinë e tij në Kioxha të Venetos bashkë me familjarët. Por jashtë shtëpisë të tij po zhvillohej një ngjarje e rëndë, pasi një person me probleme mendore ka sulmuar në rrugë një turiste polake 34-vjeçare. Apo kishte nxjerrë për xhiro qenin kur është sulmuar nga personi, i cili e ka qëlluar edhe me thikë duke i shkaktuar plagë të rënda.

Bellomo dhe vëllai i tij kanë dëgjuar klithmat në rrugë dhe kanë dalë menjëherë, duke gjetur turisten e shtrirë. “E shoqëruam thuajse deri brenda shtëpisë time”, tregoi Stefano, vëllai i futbollistit. “Thirrëm ndihmën e shpejtë falë edhe disa komshinjve që folën gjermanisht me të. Ajo ishte e ndërgjegjshme në disa momente dhe kërkonte qenin”, tha ai.

Një lajm i trishtë për futbollin evropian. Ndërron jetë në moshën 28 vjeçare futbollisti i Liverpool, Diogo Jota.

Mediat raportojnë se Jota pësoi një aksident automobilistik në Spanjë, në provincën e Zamora-s.

HOLANDE – Ish-lojtari i Ajax dhe i kombëtares holandeze Quincy Promes është ekstraduar zyrtarisht nga Dubai për në Holandë, konfirmuan prokurorët holandezë.

Ish-sulmuesi 33-vjeçar u dënua në shkurt 2024 me gjashtë vjet burg për përfshirjen e tij në importimin e më shumë se 1.3 ton kokainë nga Brazili në vitin 2020.

Ky nuk është i vetmi rast ligjor që e përfshin atë: në një rast tjetër, Promes ishte dënuar tashmë me 18 muaj burg për goditjen me thikë të një kushëriri gjatë një grindjeje për një bizhuteri të vjedhur. Apelimet janë ende në pritje në të dyja rastet.

Ish-futbollisti u arrestua në Dubai në mars të vitit 2024 për një krim lokal që nuk lidhet me hetimin holandez: sipas transmetuesit NOS, ai dyshohet se iku pas një aksidenti me makinë. Vetëm më vonë u bë kërkesa për ekstradim, e cila tani është përfunduar.

Promes, i cili ka grumbulluar 50 ndeshje dhe 7 gola për Holandën, ishte protagonist në Euro 2020, por që atëherë nuk është thirrur në ekipin kombëtar.

Pas përvojave me Ajax dhe Sevilla, ai u rikthye te Spartak Moscow në vitin 2021, ku kishte shkëlqyer tashmë midis viteve 2014 dhe 2018, duke u zgjedhur gjithashtu ‘Lojtari i Vitit’ në Rusi. Megjithatë, tani emri i tij është i lidhur pazgjidhshmërisht me çështje ligjore që kanë lënë në hije karrierën e tij.

Futbollistët po arrijnë performanca atletike gjithnjë e më ekstreme. Gabriel Silva, sulmuesi brazilian 23-vjeçar i klubit portugez Santa Clara, ka regjistruar shpejtësinë më të lartë të arritur ndonjëherë nga një futbollist, gjatë një ndeshjeje zyrtare: 40.3 km/h.

Rekordi u vendos në minutën e 95-të të sfidës kundër Famalicão në kampionatin “Primeira Liga”, në stadiumin “Estádio de S. Miguel”. Këtë e bëri të ditur vetë klubi portugez.

Rekordi u konfirmua nga të dhënat GPS të “StatSports”. Me këtë arritje, Gabriel Silva është bërë futbollisti më i shpejtë në botë, duke thyer rekordin e mëparshëm të mbrojtësit të Newcastle, Sven Botman, i cili kishte arritur 39.21 km/h.

Për të dhënë një ide më të qartë mbi këtë shpejtësi, ja një krahasim: Usain Bolt, njeriu më i shpejtë në histori, ka arritur maksimumin prej 44 km/h gjatë karrierës së tij si sprinter.

Ndërkohë, edhe Kylian Mbappé, i njohur për shpërthimin e tij në fushë, ka regjistruar 37 km/h në Kupën e Botës 2018. Gabriel Silva është tashmë vetëm një hap larg mitit të pistës, Usain Bolt, por me këmbët mbi barin e gjelbër.

Futbollisti i ekipit të Flamurtarit, Sodiq Atanda është plagosur me thikë pasditen e sotme në Vlorë.

31-vjeçari nga Nigeria është transportuar drejt spitalit të Vlorës, ku po merr ndihmë mjekësore.

Fillimisht u raportua se ishte tentuar grabitja e tij, por sipas policisë, ngjarja ka ndodhur për shkak të një konflikti të çastit.

Pasi është mjekuar në spital, për një plagë jo serioze, futbollisti është shoqëruar në komisariat ku ka rrëfyer ngjarjen.

Raportohet se policia ka arritur të identifikojë autorin dhe po punon për kapjen e tij.

Njoftimi i Policisë së Vlorës:

Sot, rreth orës 18:00, në vendin e quajtur “Kali i Trojës”, gjatë një konflikti të çastit për motive të dobëta, ka mbetur i dëmtuar lehtë në dorë, dyshohet me mjet prerës (thikë), shtetasi S. A., 31 vjeç, me origjinë nigeriane. Pas marrjes së mjekimit në spital, 31-vjeçari është paraqitur në komisariat për të bërë kallëzimin për rastin.

Falë veprimeve të shpejta të kryera nga strukturat e Komisariatit të Policisë Vlorë, është bërë i mundur identifikimi i autorit të dyshuar, shtetasit D. B., 21 vjeç. Vijon puna për kapjen e tij, i cili paraprakisht dyshohet se vuan nga probleme të shëndetit mendor.

Grupi hetimor vijon punën për sqarimin dhe dokumentimin e plotë ligjor të ngjarjes.

Futbolli shqiptar humb një tjetër vlerë dhe ikonë, ish-futbollistin dhe gjyqtarin Hajro Leskaj.

Në moshën 78-vjeçare dhs frymën e fundit ish-lojtari i Partizanit dhe gjyqtari i FIFA-s, njeriu që pasionin e kishte aleat për aq sa jetoi dhe punoi.

Kontributin e tij më të madh, falë përgatititjes së jashtëzakonshme fizike e dha te klubi i kuq pas viteve ‘70, por shpejtësia dhe instikti i dhanë përparësi edhe në përvojën si gjyqtar futbolli deri në moshën 50-vjeçare në Kategorinë e Parë dhe në ndeshjet ndërkombëtare.

Një futbollist i kategorive të ulta në Belgjikë ka humbur një gisht dhe i janë prerë pjesërisht dy të tjerë pasi i ka plasur në dorë një kapsollë i hedhur në fushë nga një tifoz dhe të cilën lojtari po mundohej ta largonte nga fusha.

Fabio Schiafino, i cili luan me KSCT Menen në kategorinë e katërt belge, kishte shënuar dy gola gjatë ndeshjes dhe po e festonte më së miri ditëlindjen e tij deri në momentin kur ndodhi incidenti i pakëndshëm.

“Më plasi në dorë dhe kur u largua tymi, pashë që një pjesë e gishtave të mi ishte zhdukur”, rrëfen Schiafino për “HLN”.

Lexo të radhës

Frika nga parëndësia: epidemia aktuale

 Del shifra stratosferike sa pagoi Meta për lobim në SHBA

Kontrabandoi ilaçet nga Greqia, e pëson keq 55-vjeçari në Berat

Policia arrestoi tifozin që hodhi fishekzjarrin, një 21-vjeçar nga Wevelgem, për t’u marrë në pyetje dhe më pas e la të lirë.

Futbollisti shqipëtar Myrto Uzuni ka shënuar dy gola këtë të shtunë në La Liga 2 të Spanjës.

I kthyer nga dëmtimi, beratasi u fut në fushë nga minuta e parë dhe kaloi Granadan në epërsi pas vetëm 20 minutave lojë, në sfidën e javës së 10-të të kampionatit kundër Tenerifes.

Sulmuesi nuk u mjaftua dhe në të 34 dyfishoi shifrat.

Uzuni ishte pjesë e Kombëtares, por u largua nga grumbullimi për shkak të një lëndimi dhe mesa duket e ka marrë veten dhe ka gjetur formën, duke shënuar dopietë në Spanjë.

Katër gola në tetë ndeshjet e luajtura këtë sezon për Uzunin, teksa shpreson që të ndihmojë ekipin e tij për t’u ngjitur në elitën e futbollit spanjoll.

Nuk do jetë surprizë nëse verën që vjen ai mos jetë më pjesë e Granadas, paçka kontratës deri në qershorin e 2026.

Estudiantes fitoi Kupën e Ligës së Argjentinës të dielën, duke mundur Vélez në penallti, por festa përfundoi në mënyrën më të keqe për një nga lojtarët titullarë në atë ndeshje.

Tiago Palacios, mesfushori 23-vjeçar uruguajan që luajti 75 minuta në ndeshjen e djeshme, pësoi një aksident të rëndë automobilistik në orët e para të mëngjesit kur po kthehej nga festa, teksa makina e tij u përplas me një karburant në periferi të Buenos Aires.

Pas aksidentit, Palacios shpëtoi i padëmtuar, ndryshe nga një grua, punonjëse në atë hapësirë, e cila pësoi lëndime të lehta.

Për t’i bërë gjërat më keq, lojtari uruguaian iu nënshtrua më pas një testi alkooli në vend, i cili zbuloi një nivel të alkoolit në gjak prej 1.84 g/l, kjo në një provincë që ka pasur një ‘politikë’ të rreptë kundër alkoolit që nga viti i kaluar.

Një futbollist i Afrikës së Jugut është vrarë gjatë një atentatit për t’i vjedhur makinën.

24 vjecari Luke Fleurs mbeti i vdekur gjatë të shtënave në mbrëmjen e të mërkurës në periferi të Johanesburgut, në zonën e Floridës.

Disa persona të armatosur ende të panjohur për policinë, e urdhëruan atë të dilte nga automjeti gjatë qëndrimit të tij në një pikë karburanti.

Një nga të dyshuarit raportohet se është larguar nga vendi i ngjarjes me veturën e Fleurs pas të shtënave.

“Futbolli ka humbur një talent të shëndritshëm”, postoi në rrjetin social “X” prezantuesja e njohur sportive në Afrikën e Jugut, Carol Tshabalala

Sipas të dhënave të policisë, Afrika e Jugut, vazhdon të përballet me një rritje të sulmeve me armë duke prekur normat më të larta të vrasjeve në botë.