TIRANË- Aktori dhe prezantuesi Florjan Binaj ka shpallur ditën e sotme kandidaturën për kryetar bashkie të Tiranës. Me ana të një postimi në Facebook, Binaj shkruan se ka ardhur koha që të gjithë qytetarët të bashkohen.

Me mbi dy dekada përfshirje aktive në çështje me interes kombëtar, ai vjen si një alternativë e pavarur, larg partive politike, me synimin për ta kthyer bashkinë në një institucion në shërbim të qytetarëve, jo të partive.

Binaj shpreson që të gjitha partitë politike që duan vërtet ndryshimin, pavarësisht ngjyrave, të bashkohen me këtë nismë. Me një thirrje për unitet, ai fton të majtë, të djathtë dhe gjithë spektrin shoqëror që të bashkohen për një ndryshim real.

Postimi i plotë:

Të dashur mikesha dhe miq, qytetarë të ndershëm punëshumë e fjalëpakë të kryeqytetit të Shqipërisë. Si një artist i përfshirë në çështje publike me interes Kombëtar prej 22 vitesh, si një kryefamiljar, i rritur në një kryeqytet i cili ka shkatërruar shumëçka në emër të zhvillimit dhe që shumë pak gjëra kanë mbetur ende pa u bërë ish, nisur nga nevoja e menjëhershme për të pasur në drejtim të kryeqytetit një figurë e cila nuk është gjymtyrë e asnjë partie pasi e kemi parë në 34 vite që kjo mënyrë jo e drejtpërdrejtë nuk ka qënë frytëdhënëse në përmirësimin e cilësisë së jetës tonë. Na duhet një drejtues qytetar i zgjedhur nga qytetarët për qytetarët sepse asnjë nga ne nuk mund të presë më edhe 34 vite të tjera.

Prandaj kam vendosur, të shpall kandidaturën time për Kryetar Bashkie të Tiranës duke dhënë gjithë veten time për të përfaqsuar sa më denjësisht çdo qytetare dhe qytetar, me apo pa parti, elektoratin gri por pa i ndarë njerëzit në krahë, por si të barabartë, sepse asnjë qytet dhe aq më tepër kryeqyteti, nuk mund ti shërbejë vetëm palës politike që e drejton. Unë besoj se kontributi im do i shërbejë edhe pse gjysëm mandati, shpresës dhe bashkimit, përmirësimit të jetës të të gjithë kryeqytetasve.

Uroj dhe shpresoj që të gjitha partitë politike qe duan vërtet ndryshimin pavarësisht ngjyrave të bashkohen me këtë nismë dhe të kenë besim tek qytetarët ashtu siç qytetarët kanë pasur besim tek ta. Qëllimi im është, që së bashku, ta nxjerrim bashkinë nga gjëndja në të cilën ndodhet për shkak të politikës dhe t’jua rikthejmë atë qytetarëve si një shtëpi për të gjithë ne. Të rikthejmë besimin tek institucioni i bashkisë në shërbim të komunitetit! Ftoj të gjithë qytetarët, intelektualët të majtë dhe të djathtë të na bashkohen. Faleminderit.

SPAK njofton shtatë kandidatët për drejtorë të BKH se në datën 10 korrik do të mbahet testi fizik që do të mbikëqyret nga një prokuror i posaçëm pjesë e komisionit dhe përfaqësues të Universitetit të Sporteve.

Siç raporton gazetarja e Top Channel, Anila Hoxha kandidatët do të garojnë sipas disa ushtrimeve të mëposhtme: 300 metra sprint, palosje barku për 1 min, pompa dhe 2.4 kilometra vrap.

Shtatë kandidatët e ngelur në garë duhet të paraqiten herët në mëngjes në repartin e Reneas, në Yzberisht , ndërkohë që pas këtij testi ata janë edhe sporova të tjera si eseja, poligrafi dhe Vettingu.

Para se të fillojnë testin fizik kandidatët duhet te plotësojnë një pyetësor vetëdeklarues për gjendjen e tyre shëndetësore ne momentin e testimit. Një mjek i caktuar nga Komisioni i Përzgjedhjes duhet të jetë i pranishëm për të përcaktuar nëse kandidati mund të marrë pjesë në testimin fizik.

Gazetarja Klodiana Lala ka folur për garën për kreun e BKH-së.

E ftuar në njq emision tyeleviziv gazetarja u shpreh se ka patur tone të larta për mënyrën se si do të zhvillohej procesi i garës.

Ajo u shpreh se sipas saj dy emra janë favorit për ta fituar garën, Elton Kërluku dhe Joni Keta.

“Debatet nuk ka qenë për emra konkretë por për mënyrën si do zhvillohej procesi ka patur tone të larta

Unë shoh dy emra si kryesues për këtë garë që janë Elton Kërluku dhe Joni Keta”, tha gazetarja.

Në Drejtorinë e Përgjithshme ka nisur faza e intervistimit për shefat e komisariateve. Seanca e intervistimit zgjat jo më shumë se 20 minuta. Komisioni i vleresimit në Drejtorinë e Përgjithshme përbëhet nga tre gra, kryetare Alma Përmeti, antëtare Ervina Gjana dhe Anisa Duçkollari. Intervistimi ka nisur për 30 aplikantët e parë ndërsa ky proces pritet të zgjasë deri më 10 dhjetor ku përmbyllet faza e intervistimit.

Në total garojnë 274 aplikante për 48 pozicione si shef komiasriati. Pas përfundimit të intervistave në Drejtorinë e Përgjithshme të Policisë, Komisioni i Vleresimit i dërgon pikëzimin e kandidatëve kryepolicit Proda, i cili më pas bën edhe emërimet sipas përzgjedhjes së më të mireve. Aplikantët që marrin mbi 70 pikë ju lind e drejta për të kaluar në fazën e përzgjedhjes.

2 nga 38 kandidatët në garë për të qenë në krye të 1 prej 12 drejtorive të policisë në qarqe kanë ankimuar pikët e marra nga Komisioni i Vlerësimit.

Bëhet fjalë për Lorenc Panganikën dhe Adriatik Tafçiun, të rankuar në vendin e 16 dhe 19, të cilët brenda 5 ditëve do u rishikohen pikët e dhëna nga Komisioni i Vlerësimit.

Ndërkohë këtë të martë, policia ka publikuar emrat e 290 aplikantëve për 48 komisariate, kandidatë të cilët gjithashtu do vlerësohen nga komisioni.

Tv Klan

Igli Celmeta: Komisioni i Posaçëm i Vlerësimit ka nisur seancën dëgjimore me kandidatët. 8 nga 11 kandidatët kanë përfunduar seancën dëgjimore. Në këtë moment është Pëllumb Seferi, që po shpalos platformën e tij. Më pas Rebani Jaupi dhe Skënder Hitaj janë në radhë për të dalë para Komisionit. Përpara 3 ditëve, janë skualifikuar 4 kandidatë.

Pas largimit të Muhamet Rrumbullakut, drejtuesi i ri do të zgjidhet me konkurs. Sot do të përfundojnë seancat dëgjimore. Nesër Komisioni do të bëjë vlerësimin me pikë të kandidatëve. Më 27 shtator, pritet që ministri Hoxha t’i propozojë kryeministrit Edi Rama emrin e drejtorit të Policisë së Shtetit.