Një ish-politikan në Nevada të Shteteve të Bashkuara është shpallur fajtor për vrasje, lidhur me vdekjen e një gazetari që shkruante artikuj kritikë ndaj tij.

Robert Telles, 47 vjeç, ndodhet në burg pa të drejtë lirimi kundrejt garancisë që prej vitit 2022 për vrasjen me thikë të gazetarit investigativ Jeff German.

Capital T ka ndarë një lajm të rëndësishëm me ndjekësit e tij në llogarinë e Instagramit.

Reperi bën të ditur se ka për të hedhur në gjyq për shpifje gazetarin Robert Bojaj.

Ky i fundit deklaroi gjatë emisionit bashkë me një të ftuar se Capital T i ka kërkuar një artisti, pa përmendur emër, 50 mijë euro për të realizuar një këngë me të.

Në postimin e tij, reperi shkruan: “Rastësisht e pash emisionin e një gazetari që e ka emrin Robert Bojaj, që më njeh dhe ka kontakt me mua. Ai po pretendon se unë i kam kërkuar një x artisti 50.000 euro për bashkëpunim, këto janë komplet shpifje dhe rrena. Kurrë në jetën time nuk i kam lyp askujt para për bashkëpunim. Sepse unë muzikën e bëj për qejf dhe e bëj me njerëzit që më kanë pëlqyer çfarë bëjnë dhe më ka pëlqyer muzika e tyre. Dhe kam bërë muzikë për qejf, s’kam bërë muzikë për të marrë para. Kështu që ti e ke pasur mundësinë Robert të më thërrasësh dhe ta konfirmosh, por tani s’ke më punë, i ke hapur probleme dhe atij djalit që e vure në siklet me zor u mundove të ja nxirrje fjalët, keni për të shkuar të dy në Gjykatë për prishje imazhi! Edhe tani vërtetë keni për të paguar nga 50.000 euro të dy!”

Rusia ka dëbuar një gazetar të së përditshmes spanjolle El Mundo, pasi refuzoi të rinovojë vizën e tij të punës, raportoi gazeta të enjten, duke e quajtur atë një sulm ndaj lirisë së shtypit.

Xavier Colas, i cili ka punuar në Moskë për 12 vjet, iu dha të mërkurën 24 orë kohë për t’u larguar nga Rusia, sepse ai nuk kishte marrë dokumentin që është “thelbësor” për të punuar në Rusi, tha ai.

Ai u njoftua për këtë vendim nga një zyrtar, i cili e kërcënoi me “probleme” të paspecifikuara nëse nuk largohej pa skaduar viza e punës, shkruan El Mundo në një artikull.

Ai tha se në muajt e fundit Colas ishte vizituar në shtëpinë e tij nga oficerë policie, të cilët i kërkuan atij “të ndalonte së mbuluari demonstratat nga gratë e ushtarëve rusë”, që është “një nga shenjat e pakta të dukshme të pakënaqësisë me luftën” në Ukrainë.

“Refuzimi për të rinovuar vizën e një gazetari është një nga mjetet e zakonshme” që përdoret nga autoritetet ruse për të “minuar lirinë e shprehjes”, shtoi ai, duke kritikuar “kërcënimet” dhe “presionin” e përdorur ndaj gazetarëve që punojnë atje.