E ftuar në “Live From Tirana” ka qenë gazetarja e njohur Anduena Llabani, e cila bëri bujë me deklaratën e saj ku tha se kishte konsumuar një drekë me peshk dhe verë në burg me një të dënuar. Si qëndron e vërteta pas kësaj deklarate dhe kush ishte ky i burgosur?

A mund ta themi emrin e të burgosurit?

Jo.
Vazhdon të jetë në burg?

Po.

Me rrezikshmëri të lartë?

Jo.

I dënuar me vrasje?

Jo.

Pjesë e bandave?

Jo.

I politikës?

Deri diku po.

Pse shkove aty?

Unë u kërkova nga personi në fjalë për të shkuar në paraburgim, për të sqaruar një lajm që unë kisha bërë disa kohë më parë. Ai lajm që unë kisha bërë kishte disa të vërteta që ishin pak specifike dhe ishte tronditëse për administratën e burgjeve dhe kishte shkaktuar një lloj reaksioni dhe reagimi.

Dhe duke qenë në këto kushte, për shkak të njohjeve që unë kisha me personin në fjalë më përpara, sepse ka qenë njeri me goxha pozita, i detyrova të shkoj e të takohem me të. Por gjithmonë duke mos harruar që unë jam një gazetare, që përpiqem të nxjerr të vërteta.

A kishte shkelje ligji në vizitën tënde?

Jo, unë u regjistrova dhe i bëra të gjitha procedurat, u kontrollova. U futa në një vend që sigurisht nuk kishte lidhje me qelinë. Ishte një zyrë ku priteshin të bëheshin takime me familjarë dhe u futa në një vend ku gardianin e kisha në krah gjatë gjithë kohës. Madje ishte një grua që më kontrolloi se nuk lejohet që një mashkull të kontrollojë një femër. Dhe gjatë gjithë kohës e kisha aty, kam qenë vetë i tretë në takim.

Çfarë ndjesie pate?

Ishte hera e parë në burg, nuk kam konsumuar kurrë më parë gjëra të kësaj natyre, se nuk ka qenë e nevojshme.

KOSOVE – Vendimi i Edon Zhegrovës për t’u mos grumbulluar me përfaqësuesen e Kosovës në dy ndeshje mjaft të rëndësishme për kualifikueset drejt “Botërorit 2026”, konkretisht me Zvicrën që po luhet aktualisht dhe kundër Suedisë ka shkaktuar diskutime të forta. Gazetarja sportiv Qeqa Krelani ka bërë një shkrim të gjatë në rrjetet sociale, teksa kritikon sulmuesin 26-vjeçar:

“Baba i Zhegroves thojke: ‘Djalin tem gjumi nuk e merr kur vjen me lujt per Kosoven, gjithmone i pari e merr aeroplanin.’ E ku eshte djali sot, kur Kosova ka dy ndeshjet me te medha te historise? Me 20 milion transfer, nuk eshte problem as aeroplani privat – Pandevi i Maqedonise e pagunte per cdo grumbullim. Isak i Suedise firmosi kontrate rekord me Liverpool, ne te njejten dite kur Zhegrova firmosi me Juventus. Isak vjen me lujt ne ‘Fadil Vokrri’ per Suedine ndersa Zhegrova nuk vjen per dy ndeshjet me te rendesishme te Kosoves. Arsytimi? ‘S’ka lujt 9 muaj, i duhet kohe.’

Gazetarja Enki Braçaj ka qenë e ftuar në “Live From Tirana” me Ronaldo Sharkën, ku ka folur më shumë për lajmet e fundit që kanë bërë bujë në botën e showbiz-it. Ajo është ndalur edhe te kënga e re e ish-finalistes së “Big Brother VIP 4”, Egli Tako, ku nuk i ka kursyer thumbat për të.

“Tani ajo po tregohet e zgjuar, që më në fund me këtë histori, ajo po fiton, se boll humbi. Ajo është depresive, sepse që është një mesazh i qartë për Gjestin, këtë e dimë të gjithë. Dhe sot e kësaj dite, ajo vazhdon dhe i thotë: “Unë nuk të fal” – nëse e dëgjojmë tekstin – dhe pastaj thotë “se zemra më sjell te ti”. Kjo nuk ndodh në realitet. Nëse unë të urrej, të urrej”, tha gazetarja.

E pyetur ‘nuk mendon se je nxituar pak me termin “depresive”?’, Enki u përgjigj:

“Jo, absolutisht. Jemi bërë tani me këtë ‘bullizmin’, ‘depresionin’, kemi frikë të themi mendimin tonë, në këtë kohë që gjithë njerëzit kanë probleme mendore. Depresive, është një person që shikon vetëm zi dhe unë mendoj se shikon vetëm zi. Sepse është një vajzë që mori gjithë atë famë nga BBV, atë famë po e përdor për fama dhe para, bravo në fund të ditës. Por mund t’a përdorte shumë më mirë dhe mund t’a përdorte larg hijes së Gjestit. Nuk mendoj se ajo duhet të vazhdojë karrierën e saj muzikore, të flasë vetëm për ish-at në këtë jetë. Mua nuk më pëlqeu, m’u duk depresive”.

Incident i pazakontë në transmetim të drejtpërdrejtë: Mikrofoni godet Donald Trump në fytyrë!

Një skenë e paprecedentë ndodhi disa orë më parë gjatë një deklarate të Presidentit të SHBA-ve, Donald Trump, raporton noa.al.

Teksa ai po fliste para kamerave, një mikrofon doli papritur nga askund dhe e goditi në fytyrë!

Reagimi i Trump ishte i menjëhershëm dhe karakteristik: “E patë këtë? Kjo do të bëhet lajm kryesor në të gjitha kanalet sonte!”

Incidenti ka bërë xhiron e rrjeteve sociale, me shumë përdorues që komentojnë situatën si një nga momentet më të pazakonta të një fjalimi presidencial. /noa.al

Një aksident ka ndodhur në fshatin Melan të Dibrës. Mësohet se gazetarja Ledjona Xheladinaj ëshë aksidentuar me motomjet.

Si pasojë e aksidentit ka pësuar frakturë në shtyllën kurrizore dhe ndodhet nën kujdesin e mjekëve në spitalin e Traumës.

Sipas burimeve gjendja shëndetësore paraqitet stabël, dhe do të vijoj të qëndrojë nën monitorimin e bluzave të bardha për të parë ecurinë nëse do duhet ti nënshtrohet ndërhyrjes kirurgjikale.

Biznesmeni dhe sipërmarrësi i njohur i Malit të Zi, Zoran Beqiroviç, djali dhe truproja e tij janë arrestuar nën dyshimet se kanë sulmuar gazetaren e gazetës së përditshme ditore “Pobjeda”, Ana Raiçkoviç dhe familjen e saj, njoftoi të hënën policia malazeze.

Sipas autoriteteve, tre të dyshuarit sulmuan “verbalisht dhe fizikisht” gazetaren Raiçkoviç dhe anëtarët e familjes së saj të dielën në Podgoricë. Vetura e zonjës Raiçkoviç u dëmtua gjatë sulmit, sipas njoftimit të policisë.

Sulmi ndaj gazetares Raiçkoviq, e cila raporton mbi ngjarjet e kronikës së zezë në gazetën “Pobjeda”, është dënuar nga udhëheqësit malazezë, zyrtarët ndërkombëtarë dhe sindikata e gazetarëve.

“Liria e medias dhe puna e papenguar e gazetarëve është thelbësore për demokracinë”, deklaroi Kryeministri i Malit të Zi, Milojko Spajiç.

Presidenti malazez, Jakov Milatoviç, kërkoi nga autoritetet shtetërore “të krijojnë një mjedis në të cilin gazetarët do të mund ta bëjnë punën e tyre të papenguar dhe pa frikë”.

Ambasadori i BE-së në Mal të Zi, Johan Sattler, tha se BE-ja “pret një hetim të shpejtë dhe një përgjigje efektive gjyqësore”.

“Dhuna ndaj gazetarëve nuk ka vend në një shoqëri demokratike”, shkroi zoti Sattler në platformën X.

Sindikata e Medias së Malit të Zi (SMCG) bëri thirrje për ndjekjen e menjëhershme të autorëve të sulmit, duke theksuar se vetëm në këtë mënyrë “mund të dërgohet një mesazh i qartë se nuk ka të paprekshëm në këtë shoqëri dhe se çdo përplasje fizike dhe verbale me përfaqësues të mediave është e papranueshme”.

Gjatë vitit 2024, sipas kësaj sindikate, janë shënuar 18 sulme apo incidente ndaj gazetarëve në Mal të Zi. /VOA

Gazetarja Eksiola Shehu është shprehur se kryeministri Edi Rama e ka paralajmëruar më parë, por edhe gjatë ditës së sotme në Asamblenë e PS, se pjesa më e madhe e Grupit të ri Parlamentar, pas zgjedhjeve të vitit 2025 do të përbëhet nga deputetë të rinj.

Komentet Shehu i bëri në një emision televiziv ku tha se PS po ikën nga ‘Rilindja’ e deputetëve të vjetër e me eksperiencë shumëvjeçare drejt ‘një gjaku të ri’.

Ajo tha gjithashtu se Rama i ka bërë të qarta pakënaqësitë kur ka kritikuar deputetët që nuk zhvillojnë takime në zonat e tyre elektorale, apo që zhvillojnë takime vetëm sa për të bërë fotografi.

Sipas Shehut, Rama e ka të qartë profilin e kandidatëve që pritet të garojnë në zgjedhjet parlamentare të 2025.

“Rama e ka të qartë profilin e kandidatëve që pritet të garojnë në zgjedhjet parlamentare të 2025. Ai ka shprehur pakënaqësi për grupin aktual parlamentar duke nisur nga takimet që nuk zhvillojnë në terren, apo disa takime apo minitakime që zhvillojnë vetëm për foto në rrjetet sociale.

Kam përshtypjen që pjesa më e madhe e grupit të PS që do prodhojnë zgjedhjet e 2025 do të jenë deputetë të rinj, në funksion të asaj PS-je që nga Rilindja tani do të shkojë jo tek ata që kanë 30 e kusur vite eksperiencë, por një gjak i ri. Edhe sot e nënvizoi pak Rama ‘të rinjtë e dekadës tjetër, atë të BE’.

Emrat më të rëndësishëm politikë do të jenë aty, por pjesa tjetër nuk do të jetë. Rama bëri me dije sot se nuk do të ketë më kandidatë me listë të mbyllur me më shumë se një mandat”, tha Shehu.

Një gjykatë në Milano ka urdhëruar një gazetare që t’i paguajë kryeministres italiane Giorgia Meloni dëmshpërblim prej 5,000 euro për tallje me të në një postim në rrjetet sociale, njoftoi agjencia e lajmeve ANSA dhe media të tjera lokale që citon noa.al.

Gazetares, Giulia Cortese, iu dha gjithashtu një gjobë e pezulluar prej 1,200 € për një postim në Twitter, tani të quajtur X, në tetor 2021 në lidhje me gjatësinë e Melonit, e cila u përkufizua si fyerje trupore.

Në mjë reagim Cortese shkroi në X: “Qeveria e Italisë ka një problem serioz me lirinë e shprehjes dhe mospajtimin gazetaresk”.

Meloni kishte nisur veprimet ligjore ndaj gazetares pas përplasjes mes dy femrave në rrjetet sociale tre vite më parë.

Meloni, partia e ekstremit të djathtë të të cilës, Vëllezërit e Italisë ishte në opozitë në atë kohë, mbajti qëndrim kur Cortese publikoi një foto tallëse me një foto të liderit të ndjerë fashist Benito Musolini në sfond.

Cortese vijoi me postime të tjera duke përfshirë “ti nuk më tremb mua, Giorgia Meloni. Në fund të fundit, ju jeni vetëm 1.2 metra (4 këmbë) e gjatë. Unë as nuk mund të të shoh.”

Lartësia e Melonit jepet midis 1.58 metra dhe 1.63 metra në faqet e internetit të mediave të ndryshme.

Cortese mund të apelojë kundër dënimit. Avokati i Melonit tha se kryeministrja do të dhuronte për bamirësi çdo dëm që ajo merr përfundimisht.

Duke shkruar në anglisht në X të enjten, Cortese tha se ishte një kohë e vështirë për gazetarët e pavarur në Itali.

“Le të shpresojmë për ditë më të mira në vazhdim. Ne nuk do të dorëzohemi!” shtoi ajo.

Një numër i madh padish të ngritura kundër gazetarëve u citua këtë vit nga Reporterët pa Kufij, të cilët e zbritën Italinë me pesë vende në vendin e 46-të në Indeksin e Lirisë së Shtypit Botëror 2024.

Meloni nuk e ka për herë të parë që çon gazetarët në gjykatë. Vitin e kaluar, një gjykatë në Romë gjobiti autorin më të shitur Roberto Saviano me 1000 euro plus shpenzimet ligjore pasi ai e ofendoi atë në televizion në vitin 2021 për qëndrimin e saj të ashpër ndaj imigracionit të paligjshëm. /noa.al

Gazetarja e njohur, Iva Tiço, i ka dhënë fund beqarisë.

Sot e shtunë 27 prill, Iva Tiço ka kurorëzuar dashurinë me partnerin e saj gjerman.

Siç duket edhe nga fotot, Iva ka veshur fustanin e nusërisë dhe shkëlqen nga lumturia. Iva ka zgjedhur që ta mbajë larg “syrit” të mediave partnerin e saj të huaj.

Sakaq ajo ka ndarë më herët me ndjekësit e saj në Instagram disa informacione për të dashurin e saj. Ajo ka thënë ne partneri  është një muaj më i madh se ajo.

Në daljte e saj televizive Iva Tiço ka zbuluar se komunikon në tre gjuhë me partnerin: shqip, anglisht dhe gjermanisht.

Detaje të reja janë zbuluar në lidhje me vrasjen e 18-vjeçarit Aurelio Dervishi, mbrëmjen e ditës së dielë në Shkozë.

E ftuar në një studio televizive, gazetarja e kronikës Aida Topalli, zbuloi dhe dnamikën e krimit të rëndë.

Ajo tha se i riu teksa po drejtonte mjetin u konfliktua verbalisht në semafor me 4 të rinj që po lëviznin me një automjet tjetër.

Shkak për zënkën ishte e dashura 15-vjeçare e viktimës e cila ndodhej në automjet me të.

Sipas gazetares, 15-vjeçarja më herët kishte qenë e lidhur me një nga autorët.

Pasi ndaluan automjetet, 4 të rinjtë sulmuan me leva viktimën, por duke qenë se fiziku i tij ishte i madh, një 15-vjeçar nxori thikën dhe e qëlloi në gjoks.

“Rreth orës 22:00 të darkës viktima ka qenë në makinë, me atë që sipas dëshmisë së vajzës e quan të dashur, dhe në praninë e një shoku tjetër, teksa po ktheheshin në zonën e Shkozës, aty ku është dhe banor 18-vjeçari Aurelio Dervishi. Përpara se të shkohet te rrethi i Shkozës është një semafor dhe në momentin kur automjeti ku ndodhej viktima me të dashurën dhe shokun ka ndaluar, paralel me ta ka qenë dhe një automjet tjetër ku ndodheshin katër të rinj. Njëri prej tyre 20-vjeç dhe tre të tjetrët të mitur të moshës 15 dhe 16-vjeç. Midis tyre është dhe një djalë që ende nuk i ka bërë 15-vjeç, i cili dyshohet se është dhe autori i vrasjes me thikë. Fillimisht ata janë ofenduar për vajzën në automjet, e cila dyshohet se më herët ka qenë e dashura e një prej djemve që ndodheshin në automjetin tjetër. Më pas me të shkuar te rreth i Shkozës, ata kanë daluar. Duke qenë se viktima ka pasur një fizik të madh, nuk kanë mundur ta mposhtin dot duke përdorur dhe leva. Vlen të theksohet se viktima është qëlluar dhe me levë. Në atë moment 15-vjeçari dyshohet se ka nxjerrë një thikë dhe e ka qëlluar duke i shkaktuar vdekjen”, tha gazetarja.