Hipoglicemia quhet sëmundja që prek nivelin e sheqerit dhe glukozës në trup. Konsiderohet si e kundërta e diabetit, pasi ul poshtë normave të lejuara nivelin e sheqerit në gjak. Shfaqet kur këto nivele bien nën shifrën 70 mg/dl dhe mund të kthehet në një rrezik të vërtetë për jetën.

Efektet anësore të kësaj sëmundjeje janë thuajse të menjëhershme, duke shkaktuar lodhje, dhimbje koke, marramendje apo rrahje të larta zemre.

Si shumë gjendje të trupit edhe kjo ndikohet ngushtë nga ushqimi i mirë ose jo dhe stili i jetesës.

Në këtë artikull tregojmë ushqimet që ju ndihmojnë në balancimin e nivelit të sheqerit në gjak pa e dëmtuar aspak organizmin. Ndiqini më poshtë të gjitha këshillat për dietën perfekte kundër hipoglicemisë.

Gjatë natës, kur flini gjumë nivelet e sheqerit në gjak bien, për këtë arsye këshillohet që mëngjesi të konsumohet direkt pasi jeni zgjuar.

Në këtë mënyrë trupi do të marrë energjinë e nevojshme nga ushqimet, pa pasur nevojën që të shterojë të gjithë glukozën e mbetur.

Sërish tension në Detin Balltik, F-35 holandezë ndjekin 3 avionë luftarakë rusë
Sigurisht duhet të filloni me ushqime të shëndetshme që përmbajnë shumë vitamina. Në mëngjes konsumoni vezë të ziera, drithëra, kos, mjaltë apo fruta të ndryshme të stinës.

Frutat e pyllit janë një ndër kombinimet më të mira të sheqerit të shëndetshëm, antioksidantëve dhe vitaminave për trupin tuaj.

Dreka këshillohet të jetë e lehtë, por e mbushur me proteina, yndyrna dhe karbohidrate të shëndetshme. Fokusohuni tek mishi i pulës, sallata, patatet e ëmbla dhe perimet e ndryshme të stinës.

Karbohidrate të tjera mund të merrni nga buka, zgjidhni ato që përmbajnë shumë lloje drithërash në përbërjen e tyre. Mjekët rekomandojnë shumë edhe konsumimin e peshkut si sardelet dhe peshku ton i shoqëruar me sallatë apo perime.

Ndonëse vaktet e darkës mund të jenë tunduese për këdo, mjekët ju këshillojnë që edhe ato të jenë të lehta. Në darkë zgjidhni karbohidrate dhe proteina që përfshijnë bishtajorët, sallatën, mishin e pulës apo orizin.

Nëse ndiheni të uritur, atëherë duhet të konsumoni një ushqim të pasur me glukozë siç janë petullat dhe frutat. Këshillohet se lëngjet e frutave janë gjithashtu të rekomandueshme.

Gjithnjë jini vigjilentë të kuptoni shenjat që trupi juaj po ju jep në lidhje me këtë sëmundje. Të rrezikuar janë edhe personat që marrin kura të forta kundër diabetit, pasi ilaçet mund të prishin balancën e mirë të sheqerit në gjak.

Trigliceridet janë një tip yndyre që gjendet në gjak. Ato i duhen trupit për energji. Por duhet të keni kujdes me nivelet e larta të tyre.

Nëse nuk janë në nivelet e duhura, mund të shkaktojnë krijimin apo përkeqësimin e sëmundjeve të zemrës.

Njerëzit që vuanë nga diabeti shpesh hasin probleme me manaxhimin e triglicerideve pasi diabeti është një sëmundje shumë e komplikuar.

Sipas Shoqatës Amerikane të Shëndetit të Zemrës, ndryshimet në mënyrën e jetesës shkaktojnë një rritje të nivelit të yndyrnave apo triglicerideve.

Sipas të dhënave të AgroWeb.org, disa nga mënyrat për t’i mbajtur nën kontroll janë: kontrolli i diabetit, aktiviteti fizik, humbja në peshë dhe lënia e cigares.

Gjithsesi ju mund të provoni të ulni trigliceridet tuaja duke evituar konsumimin e ushqimeve që ndikojnë në rritjen e tyre.

Sheqeri në formën e fruktozës, është shumë i lehtë që të tejkalohet doza e nevojitur ditore e tij.

Duke qenë se fruktoza gjendet më së shumti tek frutat dhe shtohet tek shumë produkte si një ëmbëlsues, personat që vuajnë nga trigliceridet duhet të evitojnë ngrënien e tepër të tyre.

Nëse vuani nga diabeti këshillohuni me mejkun rreth dozës ditore të frutave që ju mund të konsumoni.

Për më tepër frutat janë të pasura me fibër, gjë që e ngadalëson përthithjen e fruktozës nga trupi.

Ndërsa produkte si akulloret, lëngjet e frutave, pekmezi, reçeli, apo kompostot duhet t’i evitoni.

Yndyrnat e ngopura zakonisht gjenden tek ushqimet e skuqura, tek mishi i kuq, tek lëkura e pulës, gjalpi, të verdhat e vezëve. Po ashtu tek margarina, bulmeti dhe tek produktet e fast-food.

Të gjithë personat që vuajnë nga nivelet e larta të triglicerideve, duhet që t’i shmangin këto ushqime sa më shumë të munden.  Në vend të mishit të kuq apo pulës së plotë, përdorni peshk apo pjesë pa shumë yndyrë të pulës.

Drithërat e përpunuara kanë përmbajtje të lartë sheqernash të shtuara, dhe zakonisht përgatiten nga mielli i bardhë, i cili ngre nivelet e triglicerideve.

Këshillohet që të qëndroni larg produkteve të bukës së bardhë, makaronave të përgatitura me miell të tillë apo dhe picave, ëmbëlsirave, biskotave apo tortave.

Konsumimi i tepërt i alkoolit përveçse dëmton mëlçinë, nxit atë që të prodhojë më shumë trigiliceride.

Kaloritë ndryshojnë sipas moshës, gjinisë, gjatësisë dhe peshës së gjithësecilit.

Prandaj është shumë e rëndësishme që të konsumohet sasia e duhur.

Nëse e tejkaloni limitin tuaj të kalorive ditore ju mund të rrezikoni që të rrisni nivelet e triglicerideve duke shkaktuar probleme në organizmin tuaj.