Janë gjetur në Tërbaç mbetje kockore, të cilat dyshohet se janë nga një kafkë njerëzore.

Përmes një njoftimi, Policia bën të ditur se mbetjet kockore do të dërgohen në Institutin e Policisë Shkencore për ekspertim.

Ndërkohë materialet proceduriale iu referuan Prokurorisë së Vlorës, për veprime të mëtejshme hetimore.

Tre të vdekur janë gjetur në një ndërtesë banimi në Gjermani.

Ngjarja misterioze ka ndodhur në Weitefeld, në rajonin Westerëald të Gjermanisë Perëndimore.

Dyshohet se viktimat janë dy burra dhe një grua.

I dyshuari për rastin është larguar nga vendi i ngjarjes kur oficerët arritën dhe është në arrati, ka bërë të ditur një zëdhënës i policisë për agjencinë gjermane të shtypit, raporton BBC.

Policia ka këshilluar banorët në zonën përreth që të qëndrojnë në shtëpi raportojnë mediat lokale.

Detaje të mëtejshme për të vrarët nuk janë bërë të ditura.

Gazeta gjermane “Bild” raporton se një forcë speciale dhe një helikopter policie janë në vendngjarje.

Qyteti është rrethuar plotësisht dhe po kontrollohen automjetet që hyjnë dhe dalin.

Policia zbuloi së fundmi 40 kilogramë marijuanë në një shtëpi në Geleen të Holandës.

Siç raportojnë burimet, policia ka marrë një informatë anonime.

Më pas një oficer policie ka shkuar në vendngjarje dhe ka trokitur në derë.

Ai vuri re se njerëzit në shtëpi po silleshin në mënyrë të dyshimtë dhe kërkoi përforcime.

Kur mbërriti policia, dy persona u larguan nga pjesa e pasme e shtëpisë.

Një 28-vjeçar shqiptar është arrestuar, ndërsa i dyti arriti të arratisej.

Gjatë kontrollit të ushtruar në banesë, efektivët kanë gjetur drogën.

Një ngjarje e rëndë ka ndodhur në Podujevë, ku brenda një makine të djegur janë zbuluar edhe e mbetje kockore. Prokuroria e shtetit të Kosovës informon se pas ekzaminimit është konfirmuar se ato janë të njeriut.

“Më 4 shkurt 2025, Prokurori kujdestar është informuar nga Stacioni Policor në Podujevë për gjetjen e një veture të djegur dhe me rastin e ekzaminimit ka rezultuar se brenda saj ka prezencë të mbetjeve kockore, me ç’rast Prokurori i Shtetit ka angazhuar ekspertin antropolog mjeko-ligjor, i cili ka konstatuar se këto mbetje janë të njeriut”.

Për të zbardhur plotësisht rastin, prokurori ka marrë masa të menjëhershme dhe ka autorizuar hetime të thelluara, duke koordinuar me njësitet përkatëse të Policisë së Kosovës.

“Më pas, Prokurori i Shtetit ka autorizuar dhe në koordinim me njësitet përkatëse të Policisë së Kosovës janë duke ndërmarrë të gjitha veprimet e nevojshme hetimore, me qëllim të zbardhjes në tërësi të rastit. Duke pasur parasysh që jemi në fazën fillestare të rastit, për momentin nuk mund të jepen të dhëna të detajuara për këtë rast, mirëpo Prokurori i Shtetit është i përkushtuar që në bashkëpunim dhe koordinim me organet e rendit të zbardhë tërësisht rastin”.

Ditën e djeshme rreth orës 13:15, një ngjarje tronditëse është regjistruar në Britani, ku janë gjetur trupat e tre fëmijëve dhe një burri në një shtëpi në Surrey.

Policia u thirr nga shërbimi i ambulancës në Bregun Juglindor në një pronë në Bremer Road, Staines-upon-Thames.

Në lokacion, tre fëmijë dhe një burrë u gjetën të vdekur. Policia e Surrey tha se një hetim ishte duke u zhvilluar për të përcaktuar rrethanat e vdekjes së tyre.

Besohet se është një incident i izoluar, pa përfshirje të palëve të treta.

Të afërmit po mbështeten nga oficerë specialistë dhe rruga Bremer aktualisht është e mbyllur.

Policia e Surrey, ka përfunduar gjithashtu një referim të detyrueshëm në Zyrën e Pavarur për Sjelljen e Policisë (IOPC), për shkak të kontakteve të mëparshme të policisë me personat e përfshirë.

Kryeinspektorja Lucy Sanders tha: “Kjo është një humbje tragjike e jetës në komunitetin tonë dhe ne po punojmë për të përcaktuar saktësisht se çfarë ka ndodhur.”

“Aktualisht ka një prani të konsiderueshme të policisë në vendndodhje dhe në zonën përreth, dhe ne dëshirojmë të falenderojmë banorët lokalë për durimin dhe mirëkuptimin e tyre ndërsa ne kryejmë hetimin tone”.

Një zëdhënës i IOPC tha: “Ne jemi njoftuar nga Policia e Surrey për incidentin tragjik në Spelthorne sot”.

“Ne do të vlerësojmë një referim për të vendosur nëse kërkohet ndonjë veprim nga IOPC”.

Tetë trupa të mbytur u nxorën nga lumi Drina, pasi anija me të cilën lundronin disa migrantë, u fundos natën e shkuar gjatë përpjekjeve për të kaluar nga Serbia në Bosnje e Hercegovinë. Drejtori i Administratës Republikane për Mbrojtjen Civile në Republikën Sërpska, Boris Tërniniq, konfirmoi për Radion Evropa e Lirë se anija u përmbyt pranë qytetit Tegara në komunën e Bratunacit në Bosnje e Hercegovinë.

“Një pjesë e migrantëve shpëtuan, dolën në breg, ndërsa pjesa tjetër jo”, tha ai, duke shtuar se kërkimet janë në vazhdim e sipër.

Dy persona janë vetëvrarë në Fier, në dy fshatra të ndryshëm.

Rreth orës 17:30, në fshatin Kashisht, në një hangar në afërsi të banesës së saj, është gjetur nga familjarët, dyshohet e vetëvarur, shtetasja F. K., 59 vjeçe.

Rreth orës 22:55, në fshatin Dushk, në një kasolle në afërsi të banesës së tij, është gjetur nga familjarët, dyshohet i vetëvarur, shtetasi I. T., 66 vjeç.

Grupet hetimore po punojnë për dokumentimin me prova ligjore të rrethanave të këtyre rasteve.

Burrë e grua gjenden të vrarë në banesën e tyre. Ngjarja ka ndodhur në Fano (Pesaro), ndërsa viktimat janë Giuseppe Ricci dhe Luisa Marconi, përkatësisht 75 dhe 70 vjeç.

Ricci dyshohet se është goditur në pjesën e kokës me një mjet të fortë, që i ka dëmtuar kafkën, ndërsa bashkëshortja e tij ishte mbytur.

Alramin për vdekjen e të moshuarve e ka dhënë djali i tyre, Luca, i cili është marrë në pyetje nga policia. Ai jeton një kat më lart banesës ku u gjet pa shenja jete babai dhe nëna e tij.

Me kalimin e orëve nga krimi i rëndë, dolën disa detaje për jetën e Giuseppe dhe Luisas. Vetëm sot ata duhej të dilnin nga shtëpia e tyre, një apartament 75 metra katrorë. Prona ka përfunduar në ankand dhe është blerë për rreth 60 mijë euro. Shitja është kryer për të mbuluar borxhet që do të kishte djali 40-vjeçar, Luca.

Për hetuesit, ky mund të jetë një element i rëndësishëm për zbardhjen e krimit.

Një çift të rinjsh në Itali janë gjetur të vdekur në një garazh në Secondigliano, lagje periferike në Napoli.

Sipas mediave të huaja, kufomat e tyre i gjeti babai i djalit 24-vjeçar brenda një makine ku ata ndodheshin.

Në momentin që u gjetën të pajetë, ata ishin të zhveshur, të shtrirë në një nenjëse dhe dyshohet se kanë humbur jetën nga tymi i lëshuar nga makina.

Kjo skenë zhyti në dëshpërim absolut babanë e viktimës, Vincenzo Nocerino, një djalë 24-vjeçar.

Zbulimi u bë mëngjesin e sotëm në orën 8.30 kur ai ngriti grilat e garazhit në via Fosso de Lupo në Secondigliano.

Ndërkohë Policia po punon për zbardhjen e plotë të rrethanave të ngjarjes.

ANGLI- Një grua është vënë në pranga në Britaninë e Madhe nën dyshimin për vrasje pasi tre fëmijë u gjetën të vdekur në një banesë në Bristol.

Policia lokale tha se ngjarja e rëndë u zbulua të dielën pasi oficerët morën pjesë në një thirrje për kujdesin e mirëqenies në Blaise Walk, Sea Mills, rreth orës 12:40 të mëngjesit.

Tre fëmijët e vegjël kishin ndërruar jetë në vendngjarje. 42-vjeçarja e dyshuar për vrasjen e tyre ndodhet në paraburgim, ndonëse ende nuk dihet motivi i ngjarjes së rëndë, shkruan The Guardian.

Një nga fqinjët thanë se familja kishte dy djem, rreth tetë vjeç dhe gjashtë muajsh, dhe një vajzë rreth katër vjeç. Ajo tha se kishte pasur vështirësi në muajt pas lindjes së fëmijës së saj më të vogël. Ai tregoi se se gruaja ishte me origjinë sudaneze.