Në një subjekt minerar, në vendin e quajtur “Maja e Drenit”, fshati Cerujë, Klos, ka ndërruar jetë shtetasi H. D., 61 vjeç, banues në Klos.

Nga kryerja e veprimeve të para hetimore ka rezultuar se më datë 03.10.2025, rreth orës 11:30, shtetasi në fjalë ka qenë duke punuar në galerinë nr. 5 të një subjekti minerar, ku është konstatuar nga punëtorët e tjerë pa ndjenja dhe më pas ka humbur jetën.

Nga këqyrja paraprake e trupit nuk janë konstatuar shenja apo dëmtime trupore që mund të lidhen me aksident gjatë punës, dhe paraprakisht dyshohet për arrest kardiak.

Trupi i 61-vjeçarit është dërguar në Institutin e Mjekësisë Ligjore, Tiranë, për kryerjen e ekspertizës mjeko-ligjore.

Materialet procedurale i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Dibër, për vlerësim të mëtejshëm.

Nje person eshte gjetur i vrare mbremjen e sotme ndersa policia thote se eshte qelluar me mjet preres.

Kamëz/Informacion paraprak

Rreth orës 20:10, në Babrru, është konstatuar pa shenja jete një shtetas ende i paidentifikuar, rreth 50 vjeç.

Nga këqyrja paraprake, viktima ka një plagë të shkaktuar me mjet prerës, e cila dyshohet të ketë qenë shkaku i humbjes së jetës.

Grupi hetimor ndodhet në vendngjarje dhe po punon për identifikimin e viktimës, kapjen e autorit si dhe sqarimin e rrethanave dhe dokumentimin e plotë të rastit.

Një ngjarje e rëndë ka ndodhur sonte në fshatin Llapashticë të Podujevës, ku është raportuar për të shtëna me armë zjarri.

Zëdhënësja e Policisë së Kosovës për rajonin e Prishtinës, Flora Ahmeti, ka konfirmuar për RTKlive se viktima, një mashkull, është gjetur pa shenja jete dhe vdekjen e tij e ka konstatuar ekipi mjekësor në vendngjarje.

“Sot rreth orës 19:30, kemi marrë informatën për të shtëna me armë në fshatin Llapashticë të Podujevës.

Menjëherë në vendin e ngjarjes kanë dalë njësitet e nevojshme policore, ku kanë hasë në një person pa shenja jete.

Vdekjen e viktimës mashkull e ka konstatuar ekipi mjekësor në vendngjarje.

Aktualisht, hetuesit policorë, në koordinim me prokurorin e shtetit, kanë nisur hetim për ndriçimin, sqarimin e të gjitha rrethanave që kanë të bëjnë me këtë rast”, tha ajo.

Një person i pajetë gjendet në një rrugë rurale në Librazhd, ende të paqarta rrethanat

Një trup i pajetë është gjetur mëngjesin e sotëm në një rrugë rurale në fshatin Dragostunjë, që bën pjesë në Njësinë Administrative Qendër të Bashkisë Librazhd.

Sipas burimeve jo zyrtare, trupi është konstatuar nga një kalimtar, i cili ka njoftuar menjëherë policinë.

Forcat e rendit kanë mbërritur në vendngjarje dhe po punojnë për të identifikuar personin e pajetë si dhe për të sqaruar rrethanat e ngjarjes.

Aktualisht, nuk dihet nëse bëhet fjalë për një vdekje nga shkaqe natyrale apo për një ngjarje kriminale.

Hetimet janë në fazë paraprake dhe pritet që ekspertiza mjeko-ligjore të ndihmojë në zbardhjen e plotë të rastit .Policia ka rrethuar zonën dhe ka marrë në pyetje banorë të afërt për çdo informacion të mundshëm që mund të ndihmojë në zbardhjen e ngjarjes.

Një ngjarje tragjike u regjistrua mbrëmjen e djeshme në Gjinar, ku dyshohet se 54-vjeçari Pëllumb Toçi, banues në fshatin Pashtresh, është rrëzuar aksidentalisht në kanionin e njohur si “Shkëmbi i Vashës”.

Trupi i pajetë u gjet dhe u nxorr nga polumbarët e Repartit Special “RENEA”.

Viktima ishte larguar nga banesa e tij që në mëngjesin e djeshëm. Një grup hetimor po punon për të sqaruar plotësisht rrethanat e ngjarjes, e cila është regjistruar si aksidentale.

MALIQ- Një person në gjendje të rëndë shëndetësore është gjetur rreth orës 15:30 nga policia poshtë urës së Maliqit. Mësohet se policia ka konstatuar një person poshtë urës. Personi bëhet me dije se ishte në gjendje të rëndë shëndetësore dhe është dërguar menjëherë në spitalin e Korçës.

Ende nuk dihet se përse personi është plagosur ndërsa i plagosuri kishte humbur kontaktet me të afërmit që mbrëmjen e djeshme. Teksa policia po kryente kontrolle për të, ai u gjet i plagosur por gjallë. Policia ka nisur hetimet për të zbardhur ngjarjen dhe personat që mund të jenë përfshirë në plagosjen e personit.

Një shtetase amerikane, me banim në Sarandë është gjetur pajetë paraditen e sotme në banesën e saj.

63 vjeçarja ëshrë identifikuar si Sharly Lynn Chaddick, e cilaprej pak vitesh kishte blerë shtëpi në Sarandë dhe jetonte aty.

Një ngjarje e rëndë ka ndodhur mbrëmjen e djeshme në fshatin Pjeshkë të Durrësit, ku një grua 44-vjeçare është gjetur pa shenja jete nga familjarët pranë banesës së saj, ndërsa po kulloste bagëtitë.

Sipas njoftimit zyrtar të Policisë, ngjarja ka ndodhur rreth orës 22:00, kur viktima, e identifikuar si M. Ll., u transportua në spitalin e Shijakut, por fatkeqësisht kishte ndërruar jetë. Nga hetimet e para dyshohet se vdekja ka ardhur për shkaqe natyrale.

Ndërkohë, materialet procedurale për rastin i janë kaluar Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.

Një person i moshuar është gjetur i pajetë në ujërat e liqenit të Pogradecit.

Sipas burimeve lokale, trupi i viktimës është gjetur nga banorët në breg të liqenit, të cilët njoftuan menjëherë autoritetet.

Policia ka mbërritur në vendngjarje dhe ka nisur hetimet për të zbardhur rrethanat e ngjarjes dhe për të identifikuar viktimën.

Mësohet se i moshuari është denoncuar nga familjarët si i larguar nga banesa, ndërkohë pritet të verifikohet edhe identiteti.