Një 18-vjeçar i cili drejtonte automjeti tip “Chevrolet” me targa greke, ka humbur kontrollin dhe është përplasur me një shtyllë elektrike.

SARANDË- Një aksident automobilistik ka ndodhur në qytetin bregdetar të Sarandës. Një 18-vjeçar i cili drejtonte automjeti tip “Chevrolet” me targa greke, ka humbur kontrollin dhe është përplasur me një shtyllë elektrike. Nga përplasja e madhe automjeti është përmbysur në trotuar.

Nuk raportohet për lëndime në njerëz, por dëmi material është i konsiderushëm. Policia ka mbërritur menjëherë në vendngjarje dhe ka bërë testin e alkolit për të riun. Nga rezultatet e testit ka dalë që 18-vjeçari Aleksandro Gunella rezultonte në gjendje të dehur. Policia ka arrestuar 18-vjeçarin, ndërsa po heton më shumë mbi rastin.

Një incident i rëndë është shënuar sot rreth orës 15:00 në qytetin e Podujevës, konkretisht në rrugën “Zahir Pajaziti”, ku një person ka pësuar lëndime serioze si pasojë e një sulmi me thikë. Policia e Kosovës ka reaguar menjëherë dhe ka arrestuar të dyshuarin për këtë akt. Zëdhënësja e Policisë për rajonin e Prishtinës, Flora Ahmeti, ka bërë me dije se rasti është duke u trajtuar nga autoritetet përkatëse dhe se hetimet kanë filluar në koordinim me Prokurorinë.

“Sot rreth orës 15:00, kemi pranuar informacionin për një lëndim trupor të shkaktuar nga një mjet i mprehtë në rrugën ‘Zahir Pajaziti’ në Podujevë. Një person është lënduar dhe është dërguar për trajtim mjekësor, ndërkohë që i dyshuari është arrestuar nga njësitet policore. Policia, në bashkëpunim me Prokurorinë, ka nisur hetimet për zbardhjen e rrethanave të këtij rasti,” ka deklaruar Ahmeti.

Ngjarja ka ndodhur në ambientet e shkollës së mesme ekonomike “Isa Boletini”, ku i plagosuri ka marrë ndihmën e parë dhe më pas është transportuar në Qendrën Klinike Universitare të Kosovës. Drejtori i Klinikës Emergjente në QKUK, Naser Syla, ka bërë me dije se gjendja shëndetësore e viktimës është e rënduar dhe jo stabile.

“Pacienti është sjellë nga Podujeva me plagë të shkaktuara nga një mjet i ftohtë. Janë realizuar të gjitha ekzaminimet e nevojshme mjekësore dhe ai është dërguar menjëherë në sallën e operacionit. Në ndërhyrje janë përfshirë ekipet e anestezionit, kirurgjisë abdominale dhe asaj torakale. Gjendja e tij vazhdon të jetë e rëndë dhe jo stabile,” ka deklaruar Syla.

Autoritetet janë duke e trajtuar rastin me seriozitet të lartë dhe pritet të publikohen më shumë detaje pas përfundimit të hetimeve fillestare.

KOSOVA- As në seancën e sotme e në tentativën e 24-t nuk u arrit të konstituohet Kuvendi i Kosovës, pasi dështoi miratimi i propozimit për formimin e komisionit zgjedhor, i cili do të mundësonte votimin e fshehtë për zgjedhjen e kryetares së Kuvendit.

Kryesuesi i seancës, Avni Dehari ftoi subjektet politike të propozojnë përfaqësuesit për komisionin zgjedhor, por që propozimi sërish dështoi. Ky komision do t’i hapte rrugë votimit për kandidaten e propozuar nga Lëvizja Vetëvendosje, Albulena Haxhiu, për postin e kryeparlamentares. Seanca u ndërprerë për të vazhduar pas 48 orësh.

Përmes një postimi në “Instastory”, ajo ka publikuar një fotografi ku shihet duke marrë infuzion, ndërsa ndodhet në një dhomë luksoze, larg angazhimeve të përditshme.

Edhe pse nuk ka dhënë detaje për gjendjen e saj, Xheneta ka lënë të kuptohet se është sëmurë.

Ndërkohë, ajo po vazhdon të jetë e pranishme në botën e televizionit, duke marrë pjesë në emisione të ndryshme si në Kosovë ashtu edhe në Shqipëri.

Bora Zemani, një nga figurat më të njohura në botën e showbizit shqiptar, ka zbuluar së fundmi se po përballet me disa probleme shëndetësore dhe emocionale.

Në një postim në rrjetet sociale, moderatorja e njohur tregoi se ndjehet e lodhur, pa forcë, dhe po has vështirësi me gjumin dhe rutinën e saj të përditshme.

Një 60-vjeçar ka gjetur vdekjen e ditën e sotme në Tiranë. Mësohet se ai është rrëzuar nga ura e Paskuqanit ku më pas ka ndërruar jetë.

Policia ka bërë me dije se viktima dyshohet se ka qenë në gjendje të dehur.

‘Ditën e sotme ka ndërruar jetë shtetasi A. J., 60 vjeç, banues në Paskuqan, i cili dyshohet se dje, duke qenë në gjendje të dehur, është rrëzuar te Ura e Paskuqanit. Punohet për sqarimin e rrethanave të ngjarjes. Materialet i kaluan Prokurorisë’, njofton policia.

Kreu i PL-së Ilir Meta solli edhe njënherë në vëmendje në një emision televiziv deklaratat ndaj Altin Dumanit.

Nga ana tjetër Meta iu përgjigj edhe pyetjes lidhur me shëndetin e tij mendor, pasi shumë pretendojnë për jnë gjendje të rënduar psikologjike të tij kohët e fundit.

Karapanço: Torollaku sipas fjalorit është një njeri i trashë që nuk mbush nga mendja, budalla. Është menduar se ju i drejtoheni Dumanit.

Meta: Për sa kohë ai vepron si Rama , i shkon dhe për të.

Karapanço: Ka që nuk mendojnë se ju nuk jeni mirë. Për anën tuaj shëndetësore. Ka shumë që i kanë hedhur këto mendime.

Meta: Tani si ju dukem?

Karapanço: Shumë i qetë.

Meta: Jam i qetë sepse gjithmonë i përmbahem të vërtetës, pastaj çështja e intonacionit varet nga dinamika e ngjarjeve. Kështu ngrinit pretendime ju mediat, disa diplomatë edhe për çështjen Dvorani. Që ishte punë McGonigalësh. Edhe mund të kem dhënë ndonjë dekoratë të gabuar në presidencë. Të dekorosh një hero dhe të mos e takosh. Nuk ja kishin dhënë që ka qenë hetues në kohën e komunizimit. Që nuk ka asnjë kontribut në luftën ndaj korrupsionit. Kjo nuk do të thotë që të humbasim besimin tek SHBA për një rast të tillë. Kjo do të thotë se Ilir Meta kishte të drejtë.

Një 34-vjeçar është vënë në prangat e policisë, teksa drejtonte automjetin në gjendje të dehur.

Ndërkohë mësohet se për veprime të mëtejshme, materialet procedurale i kanë kaluar Prokurorisë pranë Gjykatës së Shkallës së Parë Dibër.

Njoftimi i policisë:

Specialistët e sektorit të Policisë Rrugore, arrestuan në flagrancë shtetasin E.Ç., 34 vjeç, banues në Bulqizë, pasi është konstuatuar, duke drejtuar automjetin e tij në gjendje të dehur.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Dibër, për veprime të mëtejshme.

Një ngjarje e rëndë ka ndodhur në Prishtinë. Një foshnjë, e cila ishte dërguar dy ditë më parë në spital, ka humbur jetën.

Mësohet se foshnja kishte lindur më 15 tetor në banesë, dhe një ditë më vonë, më 16 tetor, ishte dërguar në spital ku ka humbur jetën.

Policia njofton se lidhur me rastin është marrë në pyetje një person i cili kishte deklaruar se motra e tij e ka lindur foshnjën në banesë.

“Nga Klinika e Gjinekologjisë është pranuar informata për një vdekje të një foshnje e cila ishte pranuar në klinikë më datë 16.10.2023 rreth orës 06:15. Lidhur me rastin është intervistuar dëshmitari mashkull kosovar i cili ka deklaruar se më datë 15.10.2023 rreth orës 21:30 motra e tij e ka lindur foshnjën në banesën e saj dhe më pas është dërguar në QKUK”, thuhet në njoftim.

Në konsultim me prokurorin kujdestar trupi i pa jetë është dërguar në IML për obduksion.

Sakaq, drejtoresha e Klinikës së Neonatologjisë, Hajrije Ismaili ka thënë për Telegrafin se foshnja është pranuar në klinikë në gjendje të rëndë shëndetësore.