Një ngjarje e rëndë ka tronditur opinionin publik në Gjermani, ku kryebashkiakja e zgjedhur së fundmi, Iris Stalzer, 57 vjeçe, ka humbur jetën si pasojë e një sulmi të ndodhur në banesën e saj në qytetin Herdecke, në landin e Nordrhein-Westfalen.

Sipas autoriteteve hetimore, ngjarja dyshohet të ketë ndodhur në bodrumin e shtëpisë, ku Stalzer është goditur për vdekje nga vajza e saj e adoptuar, 17 vjeç. Mjekët konfirmuan se ajo kishte pësuar plagë të shumta, përfshirë dëmtime të rënda në kafkë dhe plagë me armë të mprehtë.

Hetimet paraprake tregojnë se viktima është torturuar për orë të tëra dhe më pas është transportuar me urgjencë në spital me helikopter, por nuk ka mundur t’u mbijetojë plagëve.

Gjatë kontrollit në banesë, policia ka gjetur një thikë dhe rroba me gjurmë gjaku brenda një çante që i përkiste djalit 15-vjeçar të adoptuar. Dyshohet se vajza ka përdorur mjete shtëpiake për ta lënduar dhe më pas ka tentuar të pastrojë gjurmët përpara se të njoftonte shërbimet e emergjencës.

Autoritetet gjermane kanë konfirmuar se më parë kishte pasur tensione në familje, përfshirë një incident me thikë disa javë më parë.

Ndërkohë, të dy fëmijët e adoptuar janë vendosur nën kujdesin e zyrës për mirëqenien e të miturve, dhe hetimet vazhdojnë për të zbardhur të plotë motivet e kësaj ngjarjeje tragjike. Prokuroria po e trajton rastin si dëmtim të rrezikshëm trupor, duke marrë parasysh faktin që vajza e mitur ka kërkuar ndihmë pas incidentit, gjë që konsiderohet si tërheqje nga vepra penale.

GJERMANI- Një sulm me thikë ka ndodhur në Gjermani. Mësohet se një nxënës ka sulmuar një mësues në një shkollë në Hesse të Gjermanisë. Sipas gazetës Bild, mësuesi është plagosur rëndë dhe pritet t’i nënshtrohet një ndërhyrjeje kirurgjikale urgjente.

Sipas të njëjtit burim, mësuesi u plagos në stomak. Autori i sulmit, i cili sipas Bild është një 18-vjeçar shqiptar nga Kosova. Sipas autoriteteve gjermane autori është ende i lirë. Incidenti ndodhi në lagjen Nordviertel të Hesse në shtetin e North Rhine-Westfalia. Forcat speciale të policisë gjermane janë vendosur në zonë dhe po kryejnë hetime për të identifikuar autorin.

Babai i Renis Dobrës ka rrëfyer se nuk i njeh 4 autorët e dyshuar të vrasjes së djalit të tij, Petrit Çakrri, Fatjon, Kristi dhe Aleksandër Bushgjokaj (3 vëllezër).

Rifat Dobra tregon se emrat e tyre i ka dëgjuar në media. Ai theksoi se djali i tij ka në burg në Gjermani pasi ka thyer ekspuls, duke shtuar se “nuk e di me çfarë merrej atje”.

 “Autorët nuk i njoh më parë, emrat e tyre i kam dëgjuar vetëm nga mediat. Jo, fare.

Nuk kam kuptuar asgjë që djali mund të kishte ndonjë shqetësim, si ditët e zakonshme. Nga Gjermania kishte një vit e pak muaj që ishte kthyer. Ai nuk kishte shqetësime, lëvizte vetëm, me makinë, pa makinë. Bënte rrugën edhe në këmbë, vinte tek shtëpia. Nuk ruhej.

Atje ka qëndruar 6 muaj e 20 ditë. 6 muaj ishte në burg për ekspuls, 20 ditë që i ka rënë të qëndrojë jashtë. Kishte qenë edhe herë të tjera në Gjermani dhe ka thyer ekspulsin. Nuk e dimë me çfarë merrej djali në Gjermani.

Nuk besoj që ngjarja ka ndodhur për shkak të ndonjë konflikti që ka ndodhur në shtetin gjerman. Nuk kam asnjë dyshim çfarë mund të ketë ndodhur pasi nuk kam parë asgjë të dyshimtë tek djali”, tha ai në Zemër e Hapur.

Europa po përballet me një valë të re të motit ekstrem, mes temperaturave përvëluese, zjarreve të egra dhe stuhive.

Gjermania është një nga vendet më të goditura nga kontrasti dramatik mes vapës dhe motit të keq. Të mërkurën temperaturat në disa zona arritën deri në 40°C, duke rritur ndjeshëm rrezikun e zjarreve në pyje dhe duke shkaktuar paralajmërime të shumta nga autoritetet.

Ndërkohë që dielli përvëlon pjesën më të madhe të vendit, disa rajone jugore, përreth liqenit Konstanz, janë goditur nga stuhi të papritura breshëri. Në komunën Sipplingen, breshëri arriti madhësinë deri në pesë centimetra, duke dëmtuar makina dhe duke bllokuar rrugët. Ekipet e emergjencës përdorën automjete speciale për të pastruar rrugët nga breshri i pazakontë për një ditë vere.

Shërbimi Kombëtar i Motit në Gjermani paralajmëroi për përmbytje të mundshme, erëra të forta deri në 90 km/h dhe reshje intensive shiu që shoqërojnë këto stuhi. Në veri të vendit, valët e të nxehtit kanë dëmtuar edhe infrastrukturën, duke bërë që disa segmente autostradash të deformohen dhe duke rrezikuar drejtuesit e mjeteve.

GJERMANI- Një ngjarje e rëndë është regjistruar këtë të martë në Gjermani. Një person humbi jetën dhe dy të tjerë janë plagosur rëndë nga një 21-vjeçar pas një konflikti. Ngjarja ka ndodhur mes punonjësve të një furnizuesi të energjisë elektrike.

I dyshuari u arrestua në vendngjarje ndërsa policia thekson se akti i rëndë u regjistruar rreth orës 07:30 të mëngjesit. Autori gjithashtu është punonjës në këtë kompani. Viktima mësohet se është një grua 59-vjeçare ndërsa dy burra të tjerë, të moshës 55 dhe 62 vjeç, u plagosën rëndë. Arma e dyshuar e vrasjes, një thikë u sekuestrua. Policia ka nisur hetimet për zbardhjen e shkaqeve të mundshme që solli konfiktin e përgjakshëm.

Një aksident i rëndë ajror ka ndodhur në Gjermani ditën e sotme. Një avion i vogël u rrëzua mbi një shtëpi në North Rhine-Westphalia.

Dy persona humbën jetën, përfshirë piloten 71-vjeçare.

Sipas Bild, pilotja kishte raportuar probleme me motorin gjatë fluturimit. Më pas avioni u rrëzua mbi shtëpi.

Një ngjarje e rëndë ka ndodhur mbrëmjen e sotme në Gjermani.

Sipas mediave të huaja, mësohet se në stacionin e trenit në Hamburg një grua ka sulmuar me thikë 12 persona.

Fillimisht, u fol për tetë persona të plagosur, më pas policia sqaroi se tre prej të tyre janë në gjendje të rëndë për jetën.

Ende nuk dihen rrethanat e ngjarjes, ndërsa autoritetet gjermane janë duke punuar për zbardhjen e plotë të rrethanave.

Nje sulm me thike ndodhi sulmit me thikë ndaj një grupi personash që po festonin në qendër të Bielefeld-it në orët e mëngjesit të së dielës.

Policia gjermane ka zbulua informacione të reja sipas te cilave një 35-vjeçar nga Harseuinkel, një qytet rreth 30 kilometra larg, ka sulmuar “pa kriter” kalimtarë para një bari rreth orës 04:20, duke plagosur të paktën pesë persona, katër prej tyre rëndë.

Një nga të plagosurit ndodhet në rrezik për jetën, njoftuan policia dhe prokuroria të dielën në mbrëmje. Autori i dyshuar është ende në arrati dhe dyshohet se është i armatosur.

Sipas asaj që raportoi më parë gazeta Bild, burri ka lënë pas një çantë. Brenda saj janë gjetur dokumente identifikimi dhe “një shishe me një lëng të panjohur që kishte erë benzine”.

Hetuesit thanë gjithashtu se disa thika janë gjetur në vendin e ngjarjes. Rrethanat e sulmit mbeten të paqarta dhe hetimet po vazhdojnë intensivisht në të gjitha drejtimet. Kontrollet e policisë në Harseuinkel deri më tani nuk kanë çuar në arrestimin e autorit.

Policia ka publikuar një foto të të dyshuarit dhe u ka bërë thirrje qytetarëve që të japin informacion nëse kanë ndonjë të dhënë për të. Sipas policisë, të plagosurit janë të moshës nga 22 deri në 27 vjeç dhe vijnë nga qytetet Bielefeld dhe Gutersloh.

Sipas agjencisë së lajmeve dpa, ata janë persona që kanë lidhje me futbollin. Mësohet se janë përpjekur të mbrohen duke goditur agresorin, i cili ndoshta ka pësuar plagë në fytyrë gjatë përleshjes. Më pas ai është larguar nga vendi i ngjarjes. Deri më tani, nuk ka asnjë tregues që ngjarja të ketë pasur motive politike, tha një zëdhënëse e policisë./Spiegel/

Gjykata Rajonale e Bielefeld në Gjermani ka dënuar me burgim të përjetshëm autorin e vrasjes së boksierit shqiptar, Besar Nimani.

Ky vendim i Gjykatës ka ardhur pas kërkesës së Prokurorisë për një dënim maksimal të autorit të vrasjes. Aktgjykimi nuk është ende përfundimtar, shkruajnë gjermane.

Ky vendim mund të apelohet në Gjykatën Federale të Drejtësisë në Karsluhe.

Mediat gjermane sqarojnë gjithashtu se burgimi i përjetshëm në gjermani nënkupton heqje të lirisë për një periudhë të pacaktuar, por të paktën për 15 vjet. Vetëm pas kësaj periudhe 15 vjeçare mund të pezullohet vendimi.

Ditën e djeshme, një aksident rrugor i shkaktuar nga një tentativë e dështuar për parakalim, ndodhi në shtetin jugor gjerman të Baden-Wuerttemberg të shtunën, duke lënë tre persona të vdekur dhe katër të tjerë të plagosur rëndë, tha policia lokale.

Aksidenti ndodhi në një autostradë pranë Haigerloch rreth orës 09:30 me orën lokale. Sipas policisë, një drejtues 32-vjeçar tentoi të parakalonte një automjet në korsinë e majtë të rrugës me dy korsi, por humbi kontrollin, duke rrëshqitur dhe duke u përplasur me një furgon që po afrohej.

Drejtuesi i furgonit 44-vjeçar dhe dy pasagjerët kanë ndërruar jetë në vendngjarje, ndërsa dy pasagjerë të tjerë kanë mbetur të plagosur rëndë dhe janë transportuar për në spital.

Shoferi përgjegjës për aksidentin dhe pasagjeri i tij gjithashtu u plagosën rëndë.

Policia tha se hetimet për shkaqet e aksidentit janë duke vazhduar.