Tepelenë- Një vatër zjarri masive ka përfshirë gjatë gjatë natës fshatin Hormovë, Bashkia Tepelenë, pranë kufirit me Gjirokastrën. Bëhet me dije se që prej orës 04:00 të mëngjesit, forcat e Mbrojtjes nga Zjarri dhe Shpëtimi Gjirokastër po punojnë në terren për izolimin e flakëve, me synimin që ato të mos kalojnë në territorin e Bashkisë Gjirokastër.

Gjithashtu zona paraqet rrezik të lartë për shkak të bimësisë së dendur dhe afërsisë me disa fshatra, ku pasojat mund të ishin katastrofike. Ky është një operacion emergjent i ndërmarrë vetëm nga efektivët e MZSH Gjirokastër, për të parandaluar përhapjen e zjarrit në një territor me potencial të madh dëmesh.

Po ashtu situata paraqitet alarmante që prej ditës së djeshme në disa zona, pasi flakët u përhapën në mënyrë masive, duke shkaktuar viktima dhe të plagosur.

Mitropoliti i Gjirokastrës, Imzot Dhimitri ka ndërruar jetë mbrëmjen e së shtunës. Sipas njoftimit të Kishës, Imzot Dhimitri nuk arriti të mposhtë dot sëmundjen, ai vuante nga mosfunksionimi i disa organeve.

Mitropoliti ishte shtruar në spitalin e Janinës për shkak të një infeksioni respirator dhe të endokarditit.

“Me hidhërim të thellë njoftojmë, fjetjen në Zotin të Hirësisë së Tij, Mitropolitit të Gjirokastrës, vëllait dhe bashkëmeshtarit tonë, Imzot Dhimitrit. Gjatë periudhës së fundit, Hirësia e Tij ishte i shtruar në Spitalin e Përgjithshëm Universitar të Janinës, për shkak të një infeksioni respirator dhe të endokarditit.

Pavarësisht përpjekjeve të mjekëve, Hirësia e Tij nuk arriti ta mposhtte sëmundjen dhe fjeti në Zotin sot, më 28 qershor 2025, në orën 20:30, si pasojë funksionimit të pamjaftueshëm të shumë organeve.

Reshjet e shiut të shoqëruara me shkarkime atmosferike kanë goditur sot Qarkun Gjirokastër, me intensitet mesatar. Prefektura e Qarkut njofton se ndërprerjet e energjisë elektrike që ka shkaktuar moti i keq janë rikuperuar në disa zona, përfshirë Pogonin, Dropullin e Sipërm (Bashkia Dropull), Zagorinë (Bashkia Libohovë), si dhe Lunxhërinë dhe Picari (Bashkia Gjirokastër).

Megjithatë, disa zona si njësia administrative Kurvelesh (Bashkia Tepelenë) dhe lagjja “Kala” e qytetit të Tepelenës kanë ende mungesë energjie elektrike.

Pavarësisht kushteve të motit, strukturat e Mbrojtjes Civile dhe Policisë Vendore të Gjirokastrës raportojnë se nuk ka pasur situata problematike apo dëme të konsiderueshme. Rrugët kombëtare dhe rurale mbeten të kalueshme, dhe furnizimi me ujë të pijshëm është i qëndrueshëm në shumicën e zonave.

Pas rreth 7 orësh përpjekjesh zjarrfikësit dhe forcat vullnetare ia kanë dalë të shuajnë zjarrin në malin e Sopotit që po i drejtohej Gjirokastrës.

Për shkak të distancës nga rrugët ndërhyrja kryesore është realizuar me mjete rrethanore. Në zonën e antenave që gjenden mbi malin e Sopotit ka ndërhyrë një automjet zjarrfikës.

Territori po mbahet në mbikëqyrje për rrezikun e riaktivizimeve të mundshme ndërsa po hetohet për shkakun e zjarrit që nisi në zonën e bashkisë së Delvinës e që dyshohet se ka qenë i qëllimshëm.

Zjarr në varrezat e Gjirokastrës.

Mendohet se shkak janë bërë qirinjtë e ndezur nga qytetarët nëpër qivure.

Në vendngjarje zjarrfikëset që po punojnë për lokalizimin dhe fikjen e flakëve. noa.al