Elbasan, 15 shtator 2025 – Në vijim të veprimeve të Policisë Rrugore për monitorimin dhe garantimin e sigurisë rrugore, Drejtoria Vendore e Policisë Elbasan bën me dije se, pas verifikimeve të kryera mbi tre video të postuara në rrjetet sociale, në të cilat shfaqen gjashtë automjete që kryejnë shkelje të rënda të rregullave të qarkullimit, janë marrë masat e mëposhtme administrative:

🔹 Në aksin Elbasan–Librazhd dhe Elbasan–Peqin, janë ndëshkuar dy drejtues automjetesh me masë administrative 10 000 lekë secili, bazuar në pikat 10 dhe 16 të nenit 146 të Kodit Rrugor, për parakalim të gabuar.

🔹 Në autostradën Tiranë–Elbasan, janë ndëshkuar katër drejtues mjetesh:

Tre drejtues automjetesh që kanë ndjekur ambulancën (e cila ishte me sinjalistikë pamore dhe zanore aktive) për të përfituar përparësi lëvizjeje, janë ndëshkuar secili me masë administrative 80 000 lekë, si dhe me zbritje prej 15 pikësh nga leja e drejtimit, bazuar në pikën 3 të nenit 175 të Kodit Rrugor;

Një drejtues automjeti është ndëshkuar me masë administrative 5 000 lekë, bazuar në pikën 2 të nenit 144 dhe pikën 15 të nenit 146 të Kodit Rrugor, për mosrespektim të sinjalistikës rrugore dhe parakalim të gabuar.

Drejtoria Vendore e Policisë Elbasan

📍Në lidhje me 3 video të postuara në rrjete sociale, në të cilat shfaqen 6 automjete që shkelin rregullat e qarkullimit rrugor, bëjmë me dije se:

Specialistët e Sektorit të Policisë Rrugore kanë kryer veprimet verifikuese dhe kanë ndëshkuar me masa administrative drejtuesit e automjeteve, si më poshtë:

✅Është ndëshkuar me masë administrative 10 000 lekë, bazuar në pikat 10 dhe 16 të nenit 146 të Kodit Rrugor, drejtuesi i automjetit që ka kryer parakalim të gabuar, në aksin “Elbasan- Librazhd”;

✅Është ndëshkuar me masë administrative 10 000 lekë, bazuar në pikat 10 dhe 16 të nenit 146 të Kodit Rrugor, drejtuesi i automjetit që ka kryer parakalim të gabuar, në aksin rrugor “Elbasan-Peqin”.

✅Për sa i përket 4 drejtuesve të automjeteve që kanë kryer shkelje të rregullave të qarkullimit rrugor, në autostradën “Tiranë-Elbasan”:

– janë ndëshkuar secili me masë admninistrative 80 000 lekë dhe me zbritje të 15 pikëve nga leja e drejtimit, bazuar në pikën 3 të nenit 175 të Kodit Rrugor, 3 shtetasit që kanë ndjekur nga pas me automjetet e tyre, ambulancën, e cila është ka përdorur mjetet e sinjalizimit pamor dhe zanor, për të shfrytëzuar përparësinë e lëvizjes;

– është ndëshkuar me masë administrative 5 000 lekë, bazuar në pikën 2 të nenit 144 dhe në pikën 15 të nenit 146 të Kodit Rrugor, drejtuesi i automjetit që nuk ka respektuar sinjalistikën rrugore dhe ka kryer parakalim të gabuar.

Drejtoria Vendore e Policisë Elbasan fton qytetarët që të denoncojnë çdo rast të shkeljes së rregullave të qarkullimit rrugor, në numrin pa pagesë 112, duke i garantuar se reagimi do të jetë i menjëhershëm dhe sipas ligjit.

“I forti i Shkodrës”, banesa e të cilit u kontrollua nga Prokuroria e Posaçme Antikorrupsion ka depozituar një kallëzim, ku kërkon të hetohen dhe arrestohen personat që i kanë keqpërdorur emrin për qëllime kriminale.

“Po më cenohet reputacioni”, është shprehur Bajri.

Kallëzimi është dorëzuar në SPAK nga avokati i tij, Sokol Tahiraj.

Safet Bajri ishte një ndër personat që u shoqërua në polici, pas atentatit me tre viktima në Shkodër. Vetë ai, ka deklaruar në polici se nuk ka dijeni në lidhje me ngjarjen, ndonëse dyshimet e para nga atentati janë përplasjet mes dy grupeve në Shkodër, Bajrat dhe Licët. Pasi është pyetur, Bajri është lënë i lirë. Të vdekur nga atentati mafioz mbetën Hamza Lici, Arlind Bushati dhe aksidentalisht Flutura Basha, ndërsa po lufton për jetën bashkëshorti i saj Bashkim Basha.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Policia e Vlorës ka ashpërsuar masat për shoferët që drejtojnë mjetin në gjendje të dehur apo duke përdorur telefonin. Policia e qytetit bregdetar njofton se gjobat arrijnë deri në 400 mijë lekë të vjetra për të gjithë drejtuesit që nuk respektojnë rregullat e qarkullimit rrugor.

Policia ka ndëshkuar me gjoba drejtuesit e automjetve që përdorin telefonin si dhe mosrespektimi i sinjalistikës duke rrezikuar jetën e qytetarëve si dhe drejtuesit që lëvizin nën efektin e alkolit duke u bërë shkak për aksidente, teksa 1 person është arrestuar mbrëmjen e së shtunës në gjendje të dehur në timon

Ndërkohë, në fokus të policisë rrugore kanë qenë mjetet me xhama të zinj që nuk janë pajisur me letër identifikuese si dhe qytetarët që lëvizin me motoçikleta duke mos përdorur kasën mbrojtëse. Policia i bën thirrje drejtuesve të mjeteve të kenë kujdes në timon dhe të mos lëviz në gjendje të dehur duke rrezikuar jetën e kalimtarëve.

Policia Rrugore në një javë, ka ndëshkuar me masë administrative mbi 22 mijë drejtues mjetesh, ndërsa mësohet se 56 janë arrestuar për drejtim të mjetit në gjendje të dehur dhe për drejtim të mjetit pa patentë.

Gjithashtu, janë pezulluar 161 leje drejtimi, për shpejtësi mbi normat e lejuara, për drejtim të mjetit në efektin e alkoolit/në gjendje të dehur dhe për qarkullim në sens të kundërt.

Policia Rrugore apelon për të gjithë drejtuesit e automjeteve dhe motomjeteve, për zbatim me rigorozitet të rregullave të qarkullimit rrugor, për qëndrim në radhë kur ka ngadalësim të lëvizjes së automjeteve në raste fluksi, për përdorim të rrugëve alternative, që t’u japin përparësi këmbësorëve dhe të mos kryejnë parakalime të gabuara apo manovra të rrezikshme, të mos përdorin celularin gjatë drejtimit të automjetit dhe të vendosin rripin e sigurimit.

Njoftimi i policisë:

Drejtoria e Policisë Rrugore/Masa të shtuara për të parandaluar aksidentet rrugore.

Nisur nga fluksi shumë i lartë i automjeteve që qarkullojnë në akset rrugore nacionale, zonat bregdetare, turistike, dhe në zonat e mëdha urbane, si dhe nga shkeljet e shumta të rregullave të qarkullimit rrugor të konstatuara nëpërmjet mjeteve inteligjente, Policia Rrugore ka intensifikuar masat me qëllim parandalimin e aksidenteve rrugore.

Si rezultat i monitorimit në të gjitha akset rrugore, 24/7, duke përdorur mjete inteligjente shpejtësimatëse, poliskanë, radarë automatikë, dronë të cilësisë së lartë, dragera dhe telescope, gjatë javës që lamë pas:

-janë pezulluar 161 leje drejtimi, për shpejtësi mbi normat e lejuara, për drejtim të mjetit në efektin e alkoolit/në gjendje të dehur dhe për qarkullim në sens të kundërt;

-janë arrestuar 56 drejtues mjetesh, për drejtim të mjetit në gjendje të dehur dhe për drejtim të mjetit pa leje drejtimi.

Gjithashtu, në të gjithë vendin janë vendosur 22 260 masa administrative, nga këto:

6212 për shpejtësi tej normave të lejuara;

1123 për përdorim të celularit gjatë drejtimit të mjetit;

1125 për mospërdorim të rripit të sigurimit;

2100 për parakalime të gabuara;

178 për mosvendosje të kaskës mbrojtëse;

108 për manovra të rrezikshme në rrugë;

213 për drejtim të mjetit në efektin e alkoolit;

9229 për parkim të gabuar;

1972 për shkelje të tjera të Kodit Rrugor.

Gjatë javës që kaloi, është goditur nga Policia Rrugore e Tiranës, 1 rast i tentativës për të korruptuar punonjësit e Policisë, me qëllim shmangien e masave administrative për shkeljen e konstatuar.

Policia Rrugore apelon për të gjithë drejtuesit e automjeteve dhe motomjeteve, për zbatim me rigorozitet të rregullave të qarkullimit rrugor, për qëndrim në radhë kur ka ngadalësim të lëvizjes së automjeteve në raste fluksi, për përdorim të rrugëve alternative, që t’iu japin përparësi këmbësorëve dhe të mos kryejnë parakalime të gabuara apo manovra të rrezikshme, të mos përdorin celularin gjatë drejtimit të automjetit dhe të vendosin rripin e sigurimit.

Me qëllim rritjen e parametrave të sigurisë rrugore, Policia e Shtetit fton qytetarët që të denoncojnë në numrin pa pagesë 112, çdo rast të shkeljes së rregullave të qarkullimit rrugor.

Bashkia e Caprit ka vendosur masa kufizuese në plazhe, për të gjithë ata qytetarë që pinë duhan.
Masat për ndalimin e pirjes së duhanit në plazhet e Caprit, hyri në fuqi këtë të enjte, ndërsa ditët e fundit kryetari i bashkisë, Paolo Falco kishte firmosur urdhëresën përkatëse dhe sot u shfaqën shenjat e para, policia bashkiake abarkoi në terren për zbatimin e dispozitës.

Autoritetet vendore kanë parashikuar për shkelësit, gjoba deri në 500 euro.
Ndalimi i pirjes së duhanit, që ka të bëjë me të gjitha plazhet, shoqërohet me ndalimin e braktisjes së “mbeturinave të tymosjes”, këtë herë në të gjithë territorin e bashkisë.
Një zgjedhje që është e nevojshme, shpjegohet, “për mbrojtjen e dekorit, jetëgjatësisë dhe shëndetit publik”.

Për duhanpirësit e rëndë do të jetë e mundur të ndezin një cigare në plazh, “vetëm në zona të shënuara posaçërisht”.
Në urdhëresë, kryebashkiaku kujton se “pirja e duhanit rezulton të jetë një nga shkaqet kryesore të vdekjes dhe paaftësisë së popullatës, si për të justifikuar nismën e administratave publike, që synojnë dekurajimin e kësaj prirjeje jo të shëndetshme”.

E gjithë kjo “justifikon miratimin e rregulloreve më të rrepta”, edhe në lidhje me “hapësirat e hapura të frekuentuara nga subjekte më vulnerabël, si fëmijët dhe gratë shtatzëna”, siç janë plazhet.
Dhe urdhëresa nuk ka të bëjë vetëm me mbrojtjen e shëndetit, por edhe me “dekorimin urban dhe natyror”- përveç ndalimit të pirjes së duhanit në plazh, në fakt parashikon edhe hedhjen e vitheve dhe të çdo mbetjeje tjetër të duhanit, “në tokë, në puseta dhe ujë” dhe në të gjithë territorin e komunës.

 Policia Kufitare e Vlorës ka nisur monitorimin e vijës bregdetare edhe me jet ski. Bëhet me dije se 18 jet ski (motorë uji) janë në patrullim në vijën bregdetare nga Vlora në Sarandë si dhe 6 mjete lundruese. 

Deri me tani janë vendos 17 masa administrative duke nis nga gjoba deri në bllokim te mjeteve lundruese. Rëferuar masave për sezonin turistik mjetet lundruese duhet të qëndrojnë deri 300 metra larg bregut.

Njëkohësisht, janë krijuar korridore të veçanta për hyrjen dhe daljen e mjeteve lundruese. 

Policia Rrugore e Gjirokastrës ka bërë bilancin e muajit shkurt.

Sipas bluve të Gjirokstrës gjatë muajit shkurt janë vënë në pranga 6 drejtues mjetesh, për drejtim mjeti, në gjendje të dehur ose pa leje drejtimi, janë proceduar në gjendje të lirë 3 drejtues mjetesh, për shkelje të rregullave të tjera të qarkullimit, si dhe janë pezulluar 13 leje drejtimi.

Në këtë kuadër, gjatë muajit shkurt, janë ndëshkuar administrativisht në total, 1579 drejtues mjetesh, të ndarë konkretisht:

“Kontrollet e shërbimeve të Policisë Rrugore, me pajisje të logjistikës bashkëkohore, kanë si qëllime: parandalimin e aksidenteve rrugore me pasoja për jetën e përdoruesve të rrugës, rritjen e parametrave të sigurisë rrugore dhe lehtësimin e qarkullimit në qytet dhe në akset lidhëse”, njofton Rrugorja e Gjirokastrës.

Policia e Rrugore e Gjirokastrës apelon për të gjithë përdoruesit e rrugës, që të zbatojnë me rigorozitet rregullat e qarkullimit rrugor, si dhe të kallëzojnë në numrin pa pagesë 112, çdo rast të shkeljes së tyre.

Policia Rrugore e Elbasanit ka vendosur mbi 7 mijë gjoba vetëm në muajin shkurt.

Sakaq, janë arrestuar në flagrancë 17 drejtues mjetesh dhe janë proceduar penalisht 9 të tjerë, për veprat penale “Drejtimi i automjeteve në mënyrë të parregullt” dhe “Shkelja e rregullave të qarkullimit rrugor”.

Njoftimi i Policisë:

Policia Rrugore e Elbasanit, gjatë muajit shkurt 2024.

Kontrolle intensive në të gjitha akset rrugore të qarkut, për parandalimin e aksidenteve dhe për rritjen e parametrave të sigurisë rrugore.

Monitorim i vazhdueshëm i akseve rrugore, për të shmangur përfshirjen e përdoruesve të rrugës, në ngjarje rrugore.

Gjatë muajit shkurt 2024, si rezultat i kontrolleve të shtuara në kuadër të masave për rritjen e parametrave të sigurisë rrugore, duke përdorur pajisjet logjistike bashkëkohore, nisur dhe nga denoncimet e qytetarëve, për shkelje të ndryshme rrugore:

janë arrestuar në flagrancë 17 drejtues mjetesh dhe janë proceduar penalisht 9 të tjerë, për veprat penale “Drejtimi i automjeteve në mënyrë të parregullt” dhe “Shkelja e rregullave të qarkullimit rrugor”.

Gjatë këtij muaji, janë vendosur 7556 masa administrative, të ndara konkretisht:

3701 për shpejtësi mbi normat e lejuara;

563 për përdorim të celularit gjatë drejtimit të mjetit;

98 për mosdhënie përparësie këmbësorëve në vijat e bardha;

621 për mosvënie të rripit të sigurimit nga drejtuesit e automjeteve;

54 për mosvendosje të kaskës mbrojtëse nga drejtuesit e motomjeteve;

37 për drejtim mjeti pas përdorimit të pijeve alkoolike;

1158 për parakalime të gabuara;

291 për parkime të gabuara, 215 nga këto raste të evidentuara nga makina inteligjente;

34 për moskalim të këmbësorëve në vendin e përcaktuar për ta;

999 për shkelje të ndryshme të Kodit Rrugor.

Policia e Elbasanit apelon për të gjithë përdoruesit e rrugës që të zbatojnë me rigorozitet rregullat e qarkullimit rrugor.

Drejtuesit e mjeteve të mos kryejnë parakalime të gabuara, të mos përdorin celularin gjatë drejtimit të mjetit, të mos drejtojnë automjetin në efektin e alkoolit apo në gjendje të dehur, si dhe të ulin shpejtësinë dhe respektojnë këmbësorët në rrugëkalimin e përcaktuar për ta.