BRUKSEL – Përveç faktit që është sërish e zënë në befasi nga nisma e Donald Trump me Vladimir Putin, Evropa duhet të përballet edhe me një problem që është si diplomatik ashtu edhe ligjor. Një problem që po shkakton jo pak siklet. Pyetja është: si mund të mbërrijë presidenti rus në Hungari, dhe pra në territorin e BE-së, pa shkelur sanksionet e vendosura nga Brukseli dhe urdhrin e arrestit të Gjykatës Ndërkombëtare Penale? Një enigmë e vërtetë.

Pika e nisjes është ndalimi për avionët rusë për të fluturuar në hapësirën ajrore të Bashkimit Evropian. Bëhet fjalë për një ndalim që nuk lidhet personalisht me Putinin apo Lavrovin, ministrin e fuqishëm të Jashtëm, por vetëm me fluturimet. Një ndalim që mund të anashkalohet në dy mënyra: “SAR-i” i Moskës mund të ulet në Budapest me një avion që nuk është rus, për shembull duke siguruar një “udhëtim” në Air Force One të Trump-it — hipotezë krejtësisht jorealiste; ose një shtet i vetëm i BE-së jep një përjashtim, një mundësi që hyn brenda kompetencave të qeverive kombëtare.

Në këtë rast, Kremlini do të duhej ta kërkonte atë nga një prej këtyre tre shteteve: Polonia, Rumania ose Bullgaria (përveç, sigurisht, Hungarisë), me Varshavën që duket më pak e prirur të tregohet e mirëkuptueshme ndaj rusëve. Nëse asnjë prej këtyre tre anëtarëve të BE-së nuk do të shprehej e gatshme, avioni i Putinit do të duhej të bënte një devijim të madh, duke kaluar mbi katër shtete që nuk i përkasin BE-së dhe duke pasur shumë kujdes të qëndronte në hapësirën ndërkombëtare. Ai do të duhej të fluturonte fillimisht mbi Turqinë, të bënte një kthesë të gjerë mbi Mesdhe dhe pastaj të kalonte mbi Shqipëri, Kosovë dhe Serbi. Dhe më pas të zbriste në tokën hungareze, ku tashmë është garantuar hyrja e kreut të Kremlinit. “Jemi gati – tha ministri i Jashtëm hungarez Péter Szijjártó – të krijojmë kushtet e duhura që presidentët amerikan dhe rus të mund të zhvillojnë bisedime në kushte sigurie dhe paqeje”.

Pasi, pra, të jetë anashkaluar ky problem i parë, do të duhet të zgjidhet edhe një i dytë: urdhri i arrestit ndaj Putinit i lëshuar nga Gjykata Ndërkombëtare Penale. Është e vërtetë që Budapesti u tërhoq nga Gjykata disa muaj më parë, por anëtarësimi mbetet në fuqi për një vit pas “dorëheqjes”. Pra, për momentin, Hungaria është ende pjesë e saj në çdo kuptim. Dhe në fakt, shpjegoi një zëdhënës i GJNP-së, “tërheqja nuk ka asnjë efekt mbi procedurat në zhvillim apo mbi çështjet që tashmë janë në shqyrtim nga Gjykata”. Prandaj, edhe për autoritetet hungareze, ekzekutimi i urdhrit të arrestit është “një detyrim ligjor dhe një përgjegjësi”.

Është e qartë, megjithatë, se kjo çështje do të zgjidhet në mënyrën më të thjeshtë: kryeministri hungarez do ta injorojë. Nuk do ta respektojë të drejtën ndërkombëtare, edhe sepse nuk ekziston asnjë sanksion që mund ta trembë. Dhe në fakt, Orbán ka qenë i qartë: “Ministrat e Jashtëm të SHBA-ve dhe Rusisë po përpiqen të zgjidhin çështjet e mbetura pezull dhe më pas do të mund të takohen në Budapest një javë më pas”. Po aq e qartë është që zgjedhja e kryeqytetit hungarez nuk është rastësi. Orbán është lideri evropian që e mbështet më shumë Putinin, duke u përpjekur të bllokojë edhe sanksionet e reja. Për Trumpin, kjo është një mënyrë për ta vënë BE-në në vështirësi, për të theksuar mungesën e ndikimit të saj dhe për të ndihmuar mikun e Budapestit, i cili pas gjashtë muajsh do të përballet me zgjedhjet politike.

Komisioni dje u fsheh pas një ekrani simulimesh: “Presidentja von der Leyen – tha një zëdhënës – mirëpret çdo hap që çon drejt një paqeje të drejtë dhe të qëndrueshme për Ukrainën”. Ndërsa një përfaqësues që në Komision merret me këto çështje u mjaftua të shpresonte që “Trump të mos lejojë Putinin ta tradhtojë sërish. Në Alaskë, në fakt, u tradhtua, pasi pati një përshkallëzim në Ukrainë”. Fakti mbetet se në këtë takim mes dyve, nuk do të ketë as Ukrainë, as Bashkim Evropian./La Repubblica

Gjykata e Apelit të Tiranës ka reaguar sot pas vrasjes në sallën e gjyqit të gjyqtarit të saj Astrit Kalaja.

Në një reagim, Gjykata e Apelit e cilëson këtë ngjarje të rëndë si një goditje jo vetëm për komunitetin e drejtësisë, por për të gjithë shoqërinë tonë.

“Kjo ngjarje tragjike imponon reflektim të thellë mbi nevojën për të forcuar masat e sigurisë në ambientet gjyqësore, duke garantuar mbrojtjen e gjyqtarëve, prokurorëve, avokatëve, palëve dhe çdo qytetari që hyn në sallat e drejtësisë.

]Siguria është parakusht i pandashëm për ushtrimin e pavarur dhe të paanshëm të detyrës gjyqësore. Kërkojmë që institucionet përgjegjëse të ndërmarrin masa të menjëhershme për rritjen e nivelit të sigurisë dhe për parandalimin e ngjarjeve të tilla në të ardhmen”, thuhet në reagimin e Gjykatës së Apelit.

Reagimi i plotë

Sot gjyqtari Astrit Kalaja u vra në sallën e gjykimit.

Kjo ngjarje e rëndë është një goditje jo vetëm për komunitetin e drejtësisë, por për të gjithë shoqërinë tonë.

Në emër të kolegëve gjyqtarë dhe të gjithë trupës gjyqësore, shprehim ngushëllimet më të sinqerta për familjen e kolegut të ndjerë dhe për të gjithë ata që ndjejnë dhimbjen e kësaj humbjeje të rëndë. Zemrat tona janë me ta në këtë moment të dhimbshëm dhe solidariteti ynë është i plotë.

Kjo ngjarje tragjike imponon reflektim të thellë mbi nevojën për të forcuar masat e sigurisë në ambientet gjyqësore, duke garantuar mbrojtjen e gjyqtarëve, prokurorëve, avokatëve, palëve dhe çdo qytetari që hyn në sallat e drejtësisë. Siguria është parakusht i pandashëm për ushtrimin e pavarur dhe të paanshëm të detyrës gjyqësore. Kërkojmë që institucionet përgjegjëse të ndërmarrin masa të menjëhershme për rritjen e nivelit të sigurisë dhe për parandalimin e ngjarjeve të tilla në të ardhmen.

Po aq e rëndësishme është ndalimi i gjuhës së urrejtjes, denigrimit dhe kërcënimit ndaj gjyqtarëve dhe sistemit të drejtësisë. Asnjë shprehje armiqësie, asnjë fjalë që nxit dhunë apo paragjykim ndaj personave që përmbushin detyrën e tyre nuk duhet të tolerohet. Gjuha e urrejtjes nuk është shprehje lirie, por një mjet që ushqen intolerancën dhe dëmton besimin e qytetarëve te drejtësia. Është detyrë e çdo institucioni, politikani, media e çdo përfaqësuesi publik dhe qytetari të ruajë gjuhën e respektit dhe të dialogut.

Njëkohësisht, bëjmë apel për reflektim shoqëror, për unitet dhe për respekt ndaj drejtësisë si themel i rendit demokratik.

Në këtë moment të errët, ne gjyqtarët mbetemi të palëkundur në vendosmërinë tonë për të zbatuar ligjin me integritet dhe kurajë. Drejtësia nuk do të trembet. Ne do të vazhdojmë të shërbejmë me dinjitet, paanshmëri dhe besim të plotë se e vërteta dhe ligji janë mburoja më e fortë ndaj çdo akti dhune apo urrejtjeje.

Bashkë në dhimbje, por edhe më të bashkuar se kurrë në përkushtimin tonë për drejtësi.

Sipas gjykatës, kjo periudhë kohore i jep mundësi që aktakuza të refuzohet.

Ndryshe, sipas Prokurorisë, ekziston dyshimi i bazuar se me datën 11 shtator 2025 rreth orës 21:00, në rrugën “Zenel Hajdini” në Ferizaj, Betim Januzi “Buta” ka mbajtur në posedim pa autorizim substancë narkotike të dyshuar si kokainë dhe marihuanë, me qëllim shitjeje apo shpërndarje.

“Policia gjatë një kontrolli rutinë ka ndaluar veturën e tipit BMW, të cilin e voziste i pandehuri dhe gjatë kontrollit në veturën e tij është gjetur një qese najloni me substancë të dyshuar narkotike të llojit kokainë me peshë 0.30 gr, në çantën e dorës së të dyshuarit janë gjetur edhe 3 qese najloni me substancë të dyshuar narkotike të llojit kokainë me peshë të përgjithshme 1.32 gr dhe një qese me substancë të dyshuar narkotike e llojit marihuanë me peshë 0.46 gr, ndërsa gjatë kontrollit në banesën e të pandehurit janë gjetur edhe 2 qese najloni me substancë të dyshuar narkotike të llojit marihuanë me peshë 2.62 gr, të cilat janë sekuestruar nga polica, me këtë do të kryente veprën penale “Blerja, posedimi , shpërndarja dhe shitja e paautorizuar e narkotikëve, substancave psikotrope dhe analoge” nga neni 267 paragrafi 1 të Kodit Penal të Republikës së Kosovës”, thuhej në njoftimin e Prokurorisë.

Gjici u dënua me 3 vite burgim për korrupsion pasiv dhe shpërdorim detyre

Gjykata e Lartë nuk ka pranuar rekursin e Safet Gjicit, ish-kryebashkiaku i Kukësit, për pafajësi, pasi ai kërkoi prishje të vendimit të Apelit të Posaçëm të datës 24 qershor 2024.

Lajmi konfirmohet nga gazetarja e Top Channel, Anila Hoxha. Ndërkohë Safet Gjici është liruar nga qelia më datë 19 maj për shkaqe shëndetësore dhe ndodhet në ‘arrest shtëpie’.

Inspektoriati i Lartë i Deklarimit dhe Kontrollit të Pasurive dhe Konfliktit të Interesit, (ILDKPKI), ka gjobitur me 3 mijë euro ish ministren e Bujqësisë Frida Krifca.

Lajmi bëhet i ditur në faqen zyrtare të Gjykatës Administrative të Tiranës, ku është kërkuar ekzekutimi i gjobës.

Policia e Gjirokastrës dha detaje në lidhje me rastin e efektivit të policisë në Këlcyrë, i cili dyshohet se kishte një raport intim me një të mitur. 

Sipas policise ky i fundit është shpallur në kërkim pasi dyshohet se ka ngacmuar të miturën, por lidhje intime me të ka pasur një tjetër person, i cili është arrestuar.

Ky i fundit, shtetasi me iniciale  K. P., 46 vjeç dhe shoku i tij, shtetasi I. P., 27 vjeç, të dy banues në Këlcyrë, po ashtu i arrestuar, dyshohet se kanë kanosur njerkun që t’iu jepte 1 000 000 lekë, për të mos i publikuar video me përmbajtje intime.

Në pranga është vënë edhe njerku i 16-vjeçares, shtetasi P. B., 55 vjeç, banues në Këlcyrë, punonjës i Komisariatit të Policisë Përmet, pasi dyshohet se ka ngacmuar seksualisht, për rreth 3 vjet, të miturën.

Po punohet intensivisht, në bashkëpunim me homologët grekë, për lokalizimin dhe kapjen e 53-vjeçarit, punonjësi policisë që dyshohet se ka ngacmuar 16-vjeçaren, i cili nga verifikimet rezultoi se është në Greqi.

Gjithashtu, në lidhje me këtë rast, Drejtori i Drejtorisë Vendore të Policisë Gjirokastër ka bërë pezullimin e menjëhershëm nga detyra të punonjësve të Policisë, Inspektor P. B., me detyrë trup shërbimi “Patrullë e Përgjithshme” në Komisariatin e Policisë Përmet dhe Inspektor A. A., me detyrë trup shërbimi “Patrullë e Përgjithshme” në Komisariatin e Policisë Tepelenë.

FIER- Gjykata e Fierit ka vendosur dënimin me burg të përjetshëm për Azgan Mërnicën, i cili një vit më parë vrau efektin e Shqiponjës Novruz Cenalian. Prokuroria kërkoi dënimin maksimal për Mërnicën, i cili akuzohej për tre vepra penale, vrasje me armë zjarri të punonjësit të policisë, armëmbajtje pa leje dhe drejtim të parregullt të mjetit.

Si ndodhi ngjarja e rëndë?

Ngjarja e rëndë ndodhi më 14 maj të vitit të kaluar në fshatin Baltëz. Efektivi Novruz Cenalia ishte nisur për të shkuar në punë, por u përfshi në një debat me Azgan Mërnicën, për radhën e kalimit me makinë në një rrugë të ngushtë. Në këtë moment, 23-vjeçari nxori pistoletën që e mbante me vete dhe me një plumb në kokë la të vdekur në vend efektivin. Mërnica u vetëdorëzua disa ditë pas ngjarjes, pas negociatave me familjarët, ndërsa ka treguar më shumë detaje se si ndodhi ngjarja dhe ku qëndroi i fshehur për 48 orë. Ai tregon se pasi ka kryer krimin ka shkuar në shtëpinë e dajës së tij ka lënë makinën dhe më pas është arratisur nëpër kanale, siç tregon ai për 48-orë, ndërsa shprehet se e kishte marrë uria dhe më pas kthehet te shtëpia e dajës ku dhe është vetëdorëzuar dhe është shoqëruar në polici.

Atilla Kardesh, ish-banori i edicionit të tretë të Big Brother VIP Kosova, është përballur me një zhvillim të papritur në procesin gjyqësor ndaj ish-bashkëshortes së tij, Drenusha Latifi. Gjykata ka lëshuar një urdhër-arrest ndaj tij, pasi ai mungoi në seancën e fundit gjyqësore të mbajtur më 23 korrik, e cila zgjati deri në orën 13:40.

Avokati i Kardesh tha në sallën e gjyqit se klienti i tij ishte detyruar të udhëtonte në Suedi për çështje që lidhen me nënshtetësinë. “Para tre ditësh më njoftoi përmes telefonit për udhëtimin. Megjithatë, deri më tani nuk më ka siguruar asnjë dëshmi për këtë lëvizje,” deklaroi ai para trupit gjykues.

Nga ana tjetër, përfaqësuesja ligjore e Drenusha Latifit e hodhi poshtë këtë pretendim, duke e quajtur të pavërtetë. Ajo theksoi se Kardesh është shtetas i Suedisë dhe Kosovës dhe nuk ka asnjë pengesë ligjore që lidhet me nënshtetësinë, duke shtuar se vetë klientja e saj kishte dhënë informacion të saktë për këtë çështje.

Pas shqyrtimit të rrethanave, gjykata vendosi të shtyjë seancën për në 25 shtator 2025, në ora 09:30, ndërkohë që për Atilla Kardesh është lëshuar një urdhër-arrest për mungesë të pajustifikuar. Gjykata sqaroi se kjo datë e re vlen si zëvendësim për ftesat standarde për të gjitha palët.

Washington, 15 korrik 2025 – Gjykata Supreme e Shteteve të Bashkuara ka vendosur të lejojë përkohësisht administratën e Presidentit Donald Trump të vijojë me planin për shpërbërjen e Departamentit Federal të Arsimit, duke i dhënë një fitore të rëndësishme politikave të tij reformuese.

Vendimi i së hënës anulon një urdhër të mëparshëm nga një gjykatë federale në Boston, që kishte bllokuar ekzekutimin e urdhrit presidencial dhe kishte urdhëruar rikthimin në punë të qindra punonjësve të pushuar. Gjykata e Lartë votoi me shumicë për heqjen e pezullimit, pavarësisht mospajtimeve nga tre prej nëntë gjyqtarëve.

Plani i shpallur në mars nga Departamenti i Arsimit përfshin një shkurtim prej rreth 50% të stafit dhe është pjesë e një fushate më të gjerë të Presidentit Trump për të kufizuar ndikimin e qeverisë federale në çështjet arsimore. Urdhri ekzekutiv i nënshkruar më pas i kërkonte Sekretares së Arsimit, Linda McMahon, të niste procesin për shfuqizimin e plotë të departamentit.

Megjithëse arsimi në SHBA është kompetencë kryesisht e shteteve dhe autoriteteve lokale, Departamenti Federal luan një rol kyç në menaxhimin e fondeve federale për shkollat në komunitetet me disavantazhe ekonomike dhe sociale. Kritikët paralajmërojnë se shpërbërja do të dëmtojë këto zona më të ndjeshme.

Rreth 20 shtete amerikane dhe sindikata të mësuesve kishin paditur administratën, duke e akuzuar për shkelje të ndarjes së pushteteve dhe për përpjekje për të anashkaluar Kongresin, pasi vendimi për mbylljen e një agjencie federale kërkon miratim legjislativ.

Vendimi i Gjykatës Supreme përbën një precedent të rëndësishëm në betejën mes kompetencave të presidentit dhe kontrollit gjyqësor, ndërkohë që përmbajtja përfundimtare e reformës mbetet ende për t’u shqyrtuar nga Kongresi. Për momentin, procesi i shpërbërjes së Departamentit të Arsimit mund të vazhdojë, duke ngjallur debat të ashpër në rrafshin politik dhe shoqëror në Shtetet e Bashkuara.

Endrit Doku, tentoi t’i shmangej kontrollit duke u hedhur në det bashkë me çantën që mbante me vete. Ai u kap nga skafi i policisë kufitare Sarandë, ndërsa një polumbar gjeti në thellësi çantën me një armë zjarri (pistoletë) brenda saj.

SARANDA- Gjykata e Sarandës ka lënë në burg 27-vjeçarin Endrit Doku, 27-vjeçarin Ervis Cukali dhe 21-vjeçarin Imer Gega të cilët lëviznin me armë në një automjet luksoz të premten në mbrëmje.

Të rinjtë u ndaluan nga efektivët e forcave “Shqiponja” të Komisariatit të Sarandës, në rrugën “Butrinti”, teksa lëviznin me një automjet luksoz “Porsche Panamera”.

Endrit Doku, tentoi t’i shmangej kontrollit duke u hedhur në det bashkë me çantën që mbante me vete. Ai u kap nga skafi i policisë kufitare Sarandë, ndërsa një polumbar gjeti në thellësi çantën me një armë zjarri (pistoletë) brenda saj.

Ndërsa Ervis Cukali rezultoi person në kërkim prej dy vitesh për akuzat “Sigurimi i kushteve dhe mjeteve materiale për të kryer vrasje” dhe “Mbajtja pa leje dhe prodhimi i armëve luftarake”.