Pas kërkesës së avokatëve të Ervin Salianjit, Gjykata e Lartë ka hedhur shortin dhe Sokol Binaj është caktuar gjyqtari që do të shqyrtojë çështjen. Gazetarja Anila Hoxha raporton se nuk është caktuar ende data, ndërkohë që Gjykata e Apelit nuk e ka zbardhur ende vendimin në të cilin deputeti Ervin Salianji u dënua me 1 vit burg për akuzën e kallëzimit të rremë.

Kërkesa e dorëzuar në Gjykatë teksa Salianji është në burgun e Fierit ka si objekt: “Pezullimin e ekzekutimit të Vendimit Nr. 30-2024-6822, datë 26.09.2024 të Gjykatës së Apelit të Juridiksionit të Përgjithshëm.” Avokatët e ish-deputetit demokrat Ervin Salianji dorëzuan në Gjykatën e Lartë një kërkesë për pezullimin e vendimit të dënimit me 1 vit burg.

Ish-gjyqtari Gjin Gjoni i futet politikës. Mësohet se në kuadër të riorganizimit të PD-së së Berishës, pak ditë me parë u lajmërua nisja e garës për të zgjedhur 19 kryetarët e rinj të degëve të kësaj force politike.

Gjithashtu bëhet me dije se një nga kandidatët të cilët do të garojë për kreun e PD Lezhë, është Gjin Gjoni. Kujtojmë se Gjin Gjoni ka dhënë dorëheqjen si Gjyqtari i Gjykatës së Apelit në Tiranë në vitin 2020, para se të kalonte në procesin e vetingut.

Gjyqtari Gjoni u shortua për t’iu nënshtruar procesit të vetingut në vitin 2018, ndërkohë që në tetor të të njëjtit vit ai mori leje prindërore 2-vjeçare nga Këshilli i Lartë i Drejtësisë. Në letrën e tij të dorëheqjes, Gjoni pretendonte se vettingun po e kalonin vetëm “shërbëtorët e politikës” dhe ata që “firmosin dhe vulosin pa menduar”.