Një ngjarje tragjike ka tronditur arenën “Campo Pequeno” në Lisbonë të Portugalisë, ku një 22-vjeçar humbi jetën pas një përplasje të fortë me një dem që peshon rreth 700 kilogramë.

Manuel Maria Trindade ishte pjesë e një shfaqjeje tradicionale portugeze, kur vendosi të përballej me kafshën. Sipas raportimeve nga mediat lokale dhe ndërkombëtare, ai iu afrua demit dhe tentoi ta kontrollonte duke e kapur nga brirët, një manovër e rrezikshme.

Por demi reagoi me dhunë, duke u përplasur me shpejtësi mbi të riun, e duke e hedhur në ajër për ta përplasur më pas me forcë në murin anësor të arenës.

Trindade mbeti i shtrirë pa ndjenja, ndërsa spektatorët mbetën të shokuar.

Ndihma e parë, 22-vjeçarit iu dha në vendngjarje, përpara se ai të dërgohej me urgjencë në spital. Aty u vendos në koma artificiale, por fatkeqësisht ndërroi jetë brenda 24 orëve, si pasojë e dëmtimeve të parikuperueshme në tru.

Tragjedia nuk përfundoi me kaq. Një tjetër viktimë u shënua nga radhët e publikut. Një 73-vjeçar, i cili po ndiqte ngjarjen nga shkallët e arenës, humbi jetën pasi pësoi atak, dyshohet nga shoku emocional i momentit.

Një tërmet me magnitudë 4.7 ballë goditi brigjet e Nisyros, Greqi, të mërkurën në mbrëmje.

Epiqendra e tërmetit ndodhej 38 kilometra në jugperëndim të ishullit.

Thellësia fokale e tërmetit është 122 kilometra.

Për fat të mirë, deri më tani sipas mediave greke nuk raportohet për të lënduar apo objekte të dëmtuara.

Sot, rreth orës 19:10, në lagjen nr. 4 të qytetit të Sarandës, gjatë një konflikti, është dhunuar fizikisht shtetasi A. V., 56 vjeç, i cili dyshohet se është goditur me një send të fortë, me gjasë me tytën e një pistolete. Ai ndodhet në spital nën kujdesin e mjekëve.

Sipas të dhënave paraprake nga vendngjarja, gjatë momentit të goditjes, arma dyshohet të jetë shkrepur në mënyrë të pavullnetshme në ajër, pa shkaktuar dëmtime të tjera. Si provë materiale, Policia ka sekuestruar një gëzhojë arme zjarri në vendin e ngjarjes.

Grupi hetimor po vijon punën për zbardhjen e plotë të rrethanave, identifikimin dhe kapjen e autorit të dyshuar, si dhe dokumentimin ligjor të ngjarjes.

Sarandë/Informacion paraprak

Sot, rreth orës 19:10, në lagjen nr. 4, Sarandë, dyshohet se gjatë një konflikti është dëmtuar me një send të fortë, dyshohet me tytën e një pistolete, shtetasi A. V., 56 vjeç, i cili ndodhet në spital, nën kujdesin e mjekëve.

Nga këqyrja paraprake e vendit të ngjarjes, dyshohet se gjatë momentit të goditjes me tytën e armës, arma është shkrepur në mënyrë të pavullnetshme në ajër, pa shkaktuar pasoja. Si provë materiale, në vendin e ngjarjes është gjetur dhe sekuestruar një gëzhojë arme zjarri.

Grupi hetimor po punon për sqarimin e plotë të rrethanave të ngjarjes, identifikimin dhe kapjen e autorit të dyshuar, si dhe për dokumentimin e plotë ligjor të saj.

Rreth orës 18:30, në sheshin “Prek Cali” në Shkodër, ka shpërthyer një konflikt mes dy të rinjsh për motive të dobëta. Shtetasi V. D. dyshohet se ka goditur me mjet prerës (thikë) shtetasin Pjetër Guraleci, 33 vjeç, i cili është dërguar në spital për trajtim mjekësor. Aktualisht, ai ndodhet jashtë rrezikut për jetën.

Grupi hetimor është në vendngjarje dhe po kryen hetime për sqarimin e rrethanave të ngjarjes.

Policia vazhdon kontrollet për kapjen e autorit të dyshuar.

Policia greke ka zhvilluar një operacion antidrogë mëngjesin e sotëm duke bastisur një banesë.

Sipas protothema.gr, operacioni përfshin shkatërrimin e një rrjeti të trafikimit të drogës.

Zjarri në landfillin e Elbasanit, vijon djegia e plehrave në fushën e mbetjeve pas më shumë se një dite

Sipas medias greke brenda shtëpisë ishte krijuar një “fabrikë” në mënyrë që rrjeti të nxirrte kokainë nga lëkura që gjendej në paletat e importuara nga jashtë vendit.

Më pas, rrjeti më pas trafikonte kokainën në Greqi dhe jashtë vendit.

Policia ka arrestuar tashmë gjashtë persona, grekë dhe shqiptarë, ndërsa operacioni po vazhdon për të identifikuar anëtarë të tjerë të rrjetit.

Katër persona janë vënë në pranga si pjesë e një grupi të strukturuar kriminal që vepronte në Fier e Lushnje për trafikimin e armëve si dhe prodhimin, shitjen dhe kultivimin e lëndëve narkotike.

Përfaqësues të prokurorisë dhe policisë së Fierit bënë me dije se hetimet për këtë grup zgjatën për gjashtë muaj.

Përveç Fierit e Lushnjes, grupi vepronte dhe jashtë këtij qarku, në Durrës, Shkodër e Kukës.

Siç bëri me dije drejtori i policisë së Fierit, Skënder Hita, në disa raste armët siguroheshin nga Kosova dhe futeshin ilegalisht përmes kufirit të gjelbër në Morinë.

Më 2 Qershor janë zhvilluar 13 kontrolle në ambiente banimi, automjete, magazina dhe sipërfaqe toke ku janë gjetur municione, armë zjarri dhe lëndë narkotike.

Janë sekuestruar: 4 mijë fidanë kanabis, 5 mijë fara kanabis, tre armë zjarri automatike, dy armë gjahu, një pistoletë, 636 fishekë të kalibrave të ndryshëm, dy radio si të policisë, dy uniforma policie, një maskë plastike me paruke, tre automjete dhe dhjetë celularë.

Sa i përket të arrestuarve, ata janë persona me rrezikshmëri të theksuar shoqërore dhe me precedentë të mëparshëm në fushën e lëndëve narkotike.

Të arrestuarit janë:

Boran Buzi – 48 vjeç, banues në Kallm, Fier, i dënuar më parë në Itali, me 30 vjet burgim, për veprat penale “Shfrytëzimi i prostitucionit” dhe “Armëmbajtja pa leje”;

Niko Osma – 53 vjeç, banues në Durrës, me precedent penal në fushën e armëmbajtjes pa leje;

Qamil Shurdhi – 48 vjeç, banues në Lushnjë, i dënuar më parë për veprimtari kriminale në fushën e narkotikëve dhe të armëmbajtjes pa leje;

Besim Buzi – 33 vjeç, banues në Divjakë.

Ndërkohë u procedua në gjendje të lirë një 51-vjeçar nga fshati Peshtan i Fierit, i arrestuar më parë për kundërshtim të efektivëve të policisë.

“Nga hetimet rezulton se ky grup vepronte i organizuar, me qëllim trafikimin e armëve nga Kosova në Shqipëri, për t’i shitur më pas tek individë të përfshirë në veprimtari kriminale. B. B dhe Q. Sh. ishin organizatorët e grupit. Anëtarët e tjerë kishin rol në sigurimin e armëve dhe në gjetjen e klientëve. Njëkohësisht, kryetari i grupit, B. B., organizonte kultivimin dhe më pas shitjen e kanabisit”, tha drejtori i Policisë së Fierit, Skënder Hita.

Autoritetet thonë se operacioni i koduar “Procedimi” është në vijim për të identifikuar dhe kapur personat e tjerë që mund të jenë përfshirë në këto veprimtari kriminale.

Një rakete të lëshuar nga Jemeni ka goditur zonën brenda perimetrit të aeroportit Ben Gurion të Tel Avivit.

Gjashtë persona u plagosën nga mbeturinat e raketave që ranë mbi Ben Gurion.

Raketa e lëshur nga rebelët e mbështetur Huthi në Jemen ndaloi përkohësisht fluturimet dhe shkaktoi panik midis pasagjerëve.

Lëshimi i raketës aktivizoi sirenat e sulmit ajror në pjesë të shumta të Izraelit ndërsa pasagjerët janë përpjekur të fshiheshin.

Ministri izraelit i Mbrojtjes, Israel Katz, u zotua për hakmarrje për sulmin në aeroport: “Kushdo që na dëmton, ne do ta dëmtojmë shtatëfish.”.

Rebelët Huthi kanë qëlluar Izraelin që kur shpërtheu lufta me Gazën më 7 Tetor 2023, dhe raketat janë kapur kryesisht, megjithëse disa kanë depërtuar në sistemet e mbrojtjes nga raketat e Izraelit, duke shkaktuar dëme.

Sulmi në Aeroportin Ndërkombëtar Ben-Gurion ndodhi disa orë para se ministrat e lartë të kabinetit izraelit të votonin nëse do të intensifikonin operacionet ushtarake të vendit në Rripin e Gazës.

Izraeli është kundërpërgjigjur ndaj rebelëve në Jemen dhe SHBA-të, aleatja kryesore e Izraelit, gjithashtu nisën një fushatë sulmesh në mars kundër tyre./klan news

Në fokus të veprimtarisë hetimore janë grupet kriminale të specializuara në trafikun e drogës, me një sistem të strukturuar për importimin e drogës nga Amerika e Jugut, Maroku dhe Holanda. Substancat u shpërndanë më pas nga provinca e Brescias në të gjithë Italinë. Autoritetet theksuan se operacioni përbën një goditje të rëndë për trafikun e drogës në Itali dhe demonstron angazhimin e vazhdueshëm të forcave të rendit në luftën kundër krimit të organizuar.

Hetimi, i cili zgjati disa muaj, kërkoi përdorimin e mjeteve të avancuara teknologjike për të monitoruar aktivitetet e paligjshme, si dhe bashkëpunimin midis forcave të ndryshme të policisë dhe magjistratëve.

Një rrjet ndërkombëtar i trafikut të drogës me qendër në Brescia, Itali, është goditur nga policia italiane, nën koordinimin e Drejtorisë Antimafia. Droga importohej nga Amerika e Jugut, Maroku dhe Holanda dhe grupi kishte lidhje të ngushta me grupet kriminale të “Ndrangheta”, “Cosa Nostra”, “Camorra”, “Stidda” dhe “Sacra Corona Unita”.

Sipas mediave italiane, janë ekzekutuar 45 masa paraprake, prej tyre 30 “arrest me burg”, 12 “arrest shtëpie” dhe 3 “detyrim paraqitje”.

Të arrestuarit janë shtetas italianë, shqiptarë dhe afrikano-veriorë, rezidentë në provinca të ndryshme italiane, duke përfshirë Brescia, Reggio Calabria, Catanzaro, Napoli, Palermo, Romë, Milano, Foggia, Cosenza, Ragusa, Trapani, Mantua, Kremona, Pavia, Chieti, Bolzano dhe Biella.

Ai u shfaq papritur në restorantin e ushqimit të shpejtë ku ajo punonte dhe pas një debati të shkurtër e sulmoi me thikë. Një vajzë e re fiorentine, e cila ndodhet në Oslo prej dy vitesh për të studiuar shkenca kompjuterike në universitet, u plagos rëndë nga ish i dashuri i saj, i cili e goditi me thikë rreth 30 herë.

Vajza, Martina Voce , 21 vjeçe ndodhet në gjendje të rëndë. Një nga goditjet me thikë e goditi atë në jugular. Dy persona të tjerë, mes tyre edhe sulmuesi, mbetën të plagosur pasi disa nga kolegët e vajzës fiorentine kanë ndërhyrë për të ndaluar të riun.

Jeta e vajzës sime është ende në rrezik, por ata janë shumë të sigurt”, thotë babai i vajzës, Carlo Voce, i është nënshtruar një operacioni dhe ndodhet në terapi intensive, në koma farmakologjike.
Sulmi në dyqan

Historia mes të dyve përfundoi pas verës së këtij viti. Ishte vajza ajo që mori vendimin, por ai nuk e kishte pranuar vendimin e saj. Për një periudhë të caktuar ai I dërgonte asaj mesazhe tepër këmbëngulëse për ta bindur që të bashkoheshin sërish. Ajo e bllokoi atë në rrjetet sociale dhe i kërkoi të ndalonte. Të premten, megjithatë, i riu, një norvegjez me origjinë indiane, u shfaq në restorantin e ushqimit të shpejtë ku Martina punon si menaxhere e përgjithshme dhe e sulmoi atë. Ai duket se ka përdorur një thikë kuzhine. Goditja e parë iu dha në fytyrë, duke e goditur veshin e majtë dhe më pas në qafë. Ai nuk u ndal kurrë, ai vazhdoi ta sulmonte ndërsa kolegët e saj vrapuan në ndihmë. Vetëm falë ndërhyrjes së dy burrave dhe një gruaje që punojnë me vajzën, ndoshta më e keqja është shmangur. Menjëherë Martina Voce është transferuar në spital, i cili ndodhet shumë pranë vendit të sulmit. Brenda pak minutash ajo u dërgua në sallën e operacionit.

Ish-partneri është mbajtur në spital

Familjarët kanë denoncuar në prokurorinë e Romës, përgjegjëse për krimet e kryera ndaj italianëve jashtë vendit, por tashmë ka hapur një çështje edhe magjistratët e Oslos. Ish-i dashuri 24 vjeç, i specializuar në shkenca kompjuterike, norvegjeze me origjinë indiane, gjithashtu është shtruar në spital dhe ruhet në spital. Ai do të duhet të përgjigjet për tentativë vrasje.

Komiteti Ndërkombëtar i Kryqit të Kuq njoftoi se tre punonjës humbën jetën dhe 2 të tjerë mbetën të lënduar si pasojë e një sulmi ajror në Ukrainën lindore.

Kryqi i Kuq nuk mund të deklarohet se kush qëndron pas sulmit, por e quajti atë një akt të papërgjegjshëm që sulmon një grup vullnetarësh që shpërndajnë ndihma.

Agjencia tha se automjetet e saj janë të shënuara qartë dhe funksionojnë rregullisht në rajonin e vijës së parë të Donetsk.

“Unë dënoj sulmet ndaj personelit të Kryqit të Kuq në termat më të ashpër,” tha presidentja e agjencisë Mirjana Spoljaric, duke shtuar se: “Zemrat tona janë thyer sot ndërsa vajtojmë humbjen e kolegëve tanë”, raporton A2.

KNKK tha se ekipi po bëhej gati për të shpërndarë drur dhe qymyr në shtëpitë në fshatin Viroliubivka, në veri të Donetskut, kur u godit. Shpërndarja e mallrave nuk kishte filluar ende dhe asnjë banorë nuk u prek nga shpërthimi.